富二代林忠豪飛起廖碧兒之後，即時出招力追莊思敏，送iPhone 4S，又用500萬名車接送對方。雖然女方次次否認，不過提到男友同Freeze嘅甄穎珊食飯，莊思敏又酸酸哋咁話︰「佢（林忠豪）話唔係食飯，係撞到，我唔會刻意去諗信唔信。」咁有冇嘢又真係佢自己先知嘞！


跟住星期六（29日），林忠豪有份做籌委嘅基金會搞慈善活動，搵嚟緋聞女友莊思敏撐場。第一次情侶檔出席，佢兩個上台合照，都企到離行離列，做到好避忌咁款，就連訪問都話要分開做，仲講到明今次係兄弟檔做嘢。不過落到台，兩個又忍唔住傾偈，仲不時眉來眼去，咬晒耳仔。活動完咗之後，男方仲車埋女方，孖住去四季酒店嘆番個lunch㖭。呢啲都叫兄弟檔？咁就好有斷背feel喎！
####


我哋影得唔認得（拍拖）㗎！（設計對白）
活動完咗之後，林忠豪車莊思敏去四季食晏，食咗個幾鐘先走人。但出門見到記者，又各有各行，唔知仲以為佢哋唔識㖭！


二人台上扮避忌，不過一落到台，趁住記者影緊台上嘉賓，佢哋即刻有眼神交流，仲咬晒耳仔。


被邀一齊訪問，二人耍手擰頭。不過問到莊思敏有冇見過男方家長，佢又話食飯時撞見過。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄