家宅男女：壓力大 叻女小心鬼剃頭
最近有留意娛樂花邊，都知高海寧之前搞到「鬼剃頭」，有鬼剃頭唔使去搵司徒法正住，皆因壓力及免疫系統失調係主因，唔想似廣告咁「要報失自己啲頭髮」，放鬆啲啦香港人。記者：朱崇德攝影：李玉梅 Model： Rika@GME鳴謝：免疫激髮專門店
女性地位升 增脫髮問題 放大圖片 
唔該，我想報失啲頭髮。（設計對白）
鬼剃頭醫學名稱為「斑禿」，走訪「免疫激髮專門店」店舖經理 Donald：「早年脫髮個案男女比例為 9:1，近兩年去到 7:3！外來壓力或營養不良等問題會令免疫能力下降，當免疫力失調，白血球會誤認毛囊細胞係外來物質進行攻擊甚至排斥，令頭髮脫落。」何解女性脫髮問題高咗？「或者可以理解為女性地位高咗，壓力亦多咗！」高 Ling個案，佢自稱擔心父親涉嫌賣冒牌貨被捕，因而出現六七處鬼剃頭，由黃豆到五蚊銀大！以為面積細如黃豆就可以唔理？「無正當護理或者壓力持續，係有機會出現完全禿頭。」
放大圖片 
■鬼剃頭又叫「斑禿」，即局部出現脫髮現象。
放大圖片 
■患鬼剃頭最緊要搵出壓力成因，加以舒緩。
類固醇藥膏、針藥治療
斑禿源自壓力，所以首要搵出壓力成因，加以緩解，避免問題惡化。至於傳統療法，西醫多處方類固醇藥膏刺激毛髮生長，嚴重個案則會施以類固醇針藥，效果較快。此外，「免疫激髮專門店」還有一種含安素霉（ Lysozyme）的激髮產品，佢非常類近人體蛋白質，平時可以喺母乳、精液及卵巢搵到，有促進細胞生長同調節免疫力功能。
放大圖片 
■先將含安素霉產品噴於頭部。
放大圖片 
■再以冷激光增加毛囊活躍性，幫助吸收。
其他脫髮成因電髮染髮： 放大圖片 
過度電染或束髮令頭髮開叉折斷，長期更會變幼、變薄或毛囊受損。解救最多每兩個月才做一次電染，俾毛囊充份復元，不過亦要視乎髮質而定。
減肥節食： 放大圖片 
過份節食，放棄高蛋白質嘅肉類，加上女性經期流失鐵質；此兩種物質為構成頭髮主要成份，缺少以至脫髮。解救打死唔食肉，可從黃豆或雞蛋吸收蛋白質；菠菜亦含極高鐵質。
殘留化學物： 放大圖片 
Set頭用品如定型水含化學物質，長期黏附於頭皮上會阻塞毛囊。解救一定要用，無辦法之中嘅辦法，首選天然產品，尤其顏色為「透明狀」，至少無色素。
放大圖片 
■顯微鏡下，無落 Set頭用品，頭髮烏黑非常。
放大圖片 
■落咗！頭髮表面呈七彩光澤，呢啲係石油類製品獨有「特色」！
留言列表
