港姐出身嘅袁彌明，兩年前轉型從商後，美容、食店，開完一間又一間。佢最初只係拍段片放上youtube，親自教人扮靚化妝，估唔到為佢棄影從商打開咗成功嘅第一步。所謂成功非僥幸，舊年年尾又搞多瓣，開咗間奶茶店，但佢仍然落區巡舖做生招牌。


早幾個禮拜，佢離開喺銅鑼灣樓上嘅美容用品舖時，喺街撞見模特兒姚書軼，即刻捉住對方雞啄唔斷，問吓對方近況，點知一傾傾咗成十分鐘。原來佢乘機介紹自己最近入嘅新貨。呢個老闆娘果然進取，難怪生意咁成功。 ####


袁彌明賣花讚花香，向姚書軼力sell自己嘅貨品點好點好，仲要人得閒上去舖頭睇吓。


袁彌明除咗真人喺舖頭做生招牌外，又喺網上做示範，可謂無孔不入。


講真，袁彌明除咗口才了得外，仲事事親力親為，執貨搬貨一腳踢。咁勤力，抵佢成功嘅。

arrow
arrow
    文章標籤
    袁彌明 拉客 忽然1周 849期
    全站熱搜

    stacylife 發表在 痞客邦 留言(0) 人氣()

    E-mail轉寄