靠「天氣女郎」響朵嘅黃婉曼，跳出TVB後依然百足咁多爪。據聞佢嚟緊會喺補習中心開班教8至14歲小朋友嘅溝通技巧，同埋點樣增加自信。黃婉曼未結婚又未做過媽媽，媽咪姐真係懷疑佢掂唔掂，但事實又幾出人意表喎。


上周六（10月29日），《忽然1周》喺數碼港舉辦《第一屆潮B Kids模大賽》，黃婉曼憑住佢嘅招牌笑容，同在場參賽小朋友打成一片，玩得非常融洽，其間仲有位可愛小妹妹主動黐埋身。而得到「最可愛Kids模（1.5歲至3歲）」冠軍嘅小弟弟更加想狼咀黃婉曼㖭。估唔到黃婉曼咁得細路仔歡心，睇嚟應該唔關身材事啩！ ####


一連兩日《忽然1周》舉辦嘅《第一屆潮B Kids模大賽》圓滿結束，有份擔任評判嘅黃婉曼同兩位得獎小朋友完全冇隔膜，其中一位戴型爆黑眼鏡嘅小弟弟仲想狼吻黃婉曼，搞到黃婉曼擘大個口好愕然。


親子專家鄧藹霖周日（10月30日）到場舉行有關港童嘅講座，與家長分享跟小朋友溝通嘅技巧。


育有一女嘅周永恒趙頌茹都有拍拖到場做評判，見到現場各位可愛參賽者，佢哋都相當興奮。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄