2010年，對於官恩娜來說，是個豐收年。
7月推出的新 EP《 BEING》首批沽清；與何韻詩、周浚偉合演麥婉欣新片《東風破》，成為香港亞洲電影節閉幕電影，也讓她首次踏上「金雞百花獎」的紅地氈；這幾個月除了唱片和電影宣傳，還晚晚排戲到凌晨，為的是 11月推出的舞台劇《 Reason To Be Pretty》；同時兼顧的還有港台劇《有房出租》以及密麻麻的商業活動。
這一切，都有賴去年 9月在《超級巨聲》擔任嘉賓獻唱〈 Endless Love〉，頭一回讓大家發現，除了吳卓羲前女友、被強吻女主角及十大最想非禮女藝人之一以外，官恩娜原來很唱得。. N# E# O- G) [/ o8 P9 u% c
網上最近再度瘋傳官恩娜在歌迷聚會上獻唱的〈囍帖街〉，低清搖晃 K場手機版點擊 50多萬，收看人數竟然比官方高清原唱謝安琪版多 10萬！, Q0 ]; i S! i: m
前者，出道第 9年才被人發現會唱歌；後者，出道三年，就被一首歌不明不白捧上位做天后，這就是「運」，是官恩娜最欠缺的。. E" i/ g6 Z8 N3 Z8 S3 k$ t3 l
官恩娜說，活到 31歲，她看透了快樂之道：「不要羨慕別人，也別等人施捨快樂，只有自己才能讓自己快樂！」* h+ C, }% v# R& O& e8 g- m
你看透了嗎？官恩娜，不只是個專惹爛桃花、口沒遮攔、虛有其表的鬼妹仔。/ c6 M( N, F6 r/ v/ t) `
自娛自樂
我告訴官恩娜，她的〈囍帖街〉在 YouTube點擊比原唱多十萬，官恩娜顯得很不自在：「嗰次喺卡拉 OK亂唱咋……唔好咁講啦，可能謝安琪都有好多個版本，加埋實唔只 50萬啦！」: h9 o3 t# r$ {, A
作為在《超級巨聲》一鳴驚人推出的揚眉吐氣之作《 BEING》，我問官恩娜銷量如何，她竟然不知情：「真係唔知……銷量、票房同收視，我從來都冇概念唔多識計呢啲數！」; V7 C+ B; A1 U4 h9 Y% |* ]9 z2 s
06 年在中國星賀歲片《最愛女人購物狂》中擔當第二女主角，同場對住劉青雲、張栢芝，演出奪目贏盡口碑，又為甚麼沒趁機埋大導演大明星堆，大製作無以為繼，官恩娜又是弄不清楚：「人哋咁大間公司咁多自己藝人，竟然會搵我拍，真係好驚訝，受寵若驚……係囉……點解呢幾年冇嘅？」/ {/ x* G0 O5 b5 N* o a1 {- p
要是野心大一點、城府深一點、頭腦清晰一點，官恩娜的發展斷估一早不止於此：「如果我喺一間大公司會點？如果我遇上一首必紅嘅歌會點？……條數唔係咁計嘅……每個人條路都唔同，我唔會羨慕人，亦唔覺得自己懷才不遇，運氣比人差。我唔係嗰種等人哋畀機會我、等人嚟欣賞我嘅人，更加唔需要人哋做啲咩去令我快樂。最近我好忙，除咗唔夠瞓之外，我好快樂。有得拍戲又有得唱歌，工作不斷就係對我最大認同，就算捱夜排戲，但係對住一班有趣又專業嘅同事，每晚笑料不斷……仲有咩求？人要懂得自娛，因為只有自己先可以畀到自己快樂。」 
/ {, G. u) w* H- Y/ W$ C, d
2 M/ I1 @- k3 Q; D: w
中女智慧
官恩娜最近在港台劇《有房出租》裏，飾演 80後港女阿 Bee，花盡心思但求搵到富豪二代，能幫自己找晒咭數做少奶奶。
「哈！ 80後！幾難演呀……」
係，外表像極得副殼認錢唔認人的冇腦港女，實情講出嚟一定冇人信，今年 31歲的官恩娜對錢的觀念最模糊，歌酬片酬騷價不清楚，一早搬去上水租住村屋與父母兄妹同住，至於那層升值 3百萬、目前空置的紅磡自置物業始終捨不得賣。
層樓 2百萬買，最近升到差唔多 5百萬，嘻嘻……」最近樓市高峰，古天樂物業總值 5億、佘詩曼歷年炒樓斬獲數以千萬計，官恩娜聽到嘩嘩聲：「我唔會賣咗佢，太有意義啦，係我自己賺到首期再一手一腳工作供完嘅第一個物業，一世都唔會賣，用嚟當我自己嘅祖屋，第時留畀我啲仔女……」
放着 3百萬利潤不賺，中女官恩娜說：「 Thirty is new twenty，睇相佬都話我三十歲運氣會愈嚟愈好，又唔係賺唔到錢，我銀行唔需要多嗰 3百萬喎！」
話雖如此，二十歲和三十歲怎麼會沒分別：「皮膚要用心保養，三十歲以後，確實體力都大不如前。以前閒閒哋捱四、五十個鐘一樣龍精虎猛，鶽家好明顯捱唔住，死撐完會見暈……不過女人三十歲先至係黃金時間，三十歲我發現愛情唔係全部、亦知道能力同價值比自己想像更多，三十歲，我每日都覺得好幸福、好幸運！」6 |) P& L- k6 C8 e, m
新片《東風破》，官恩娜飾演有毒癮又患血癌的竹昇妹，無家可歸被管理義莊的泰迪羅賓收留。1 y" S& L" q( C) l* Y3 O8 E! R
張繼聰自組劇團的首部作品《 Reason To Be Pretty》，睇中官恩娜演他大緊肚的老婆。《蘋果日報》圖片
出道 9年、加入樂壇第 5年，官恩娜在去年 9月的《超級巨聲》與巨聲一幫的林志程合唱〈 Endless Love〉，才被發現唱功了得。/ w* Q- J* A, a& `
- e0 f! k5 O6 u- u: R C- {3 C
《巨聲》後網友力捧官恩娜，翻煲其版本〈囍帖街〉，點擊至今 54萬，比原唱官方高清 MV多 10萬。, W! p! N" O- A! i5 t1 q7 t" R
& U- L; g4 p! R3 M
自爆 15歲險被姦、 06年入選「我最想非禮女藝人」十強、同年中秋再在活動中被強吻，難怪官恩娜說自己爛桃花多。$ O% T3 T4 h" L5 s$ m3 u
貞節牌坊: |* K3 {) O& g0 S# I( R3 S
出生於大溪地、中學於英國求學，自爆留學期間 15歲險被強姦、入行前後都緋聞不斷。最近與老外醫生男友相戀兩年的官恩娜，從來不會為事業憂心，人生以來唯一低潮，竟然是去年中被週刊封面寫成帶不同異性回家開 P的女人。
「緋聞再多，起碼每次我都係對住一個人，總算專一吖！真真假假我從來冇擺喺心，係嗰次，我覺得被抹黑……應該點講？女人最重要係貞節、名聲……係啦！係名節被誣蔑，個報道 6月出，我連續三個月連街都唔敢出、啲街坊都冇面見！嗰個男仔係我男朋友，嗰度係我同父母、阿哥阿妹、三隻狗同工人住嘅屋企，點會帶男人去開 P喎！嗰次係我第一次覺得人生遇上低潮，擔心街坊會信個報道，第一次失望，點解有啲人咁唔負責任、咁黑心要冤枉我。」) j' S9 b c9 H& M% {
時間證明一切，一年後身邊還是外籍醫生男友，女人三十、戀情穩定，係時候談及婚嫁，考慮生兒育女：「大家有傾過，有時見到人哋嘅 BB，想像有個小朋友舉手投足小動作有我同佢嘅影子，真係好想做媽咪，覺得係世界上最幸福嘅時候……不過未係時候，我仲有好多嘢未做，未攞過金曲獎、未喺紅館開過個唱、未得到一個講得做代表作嘅角色……搏殺多幾年先啦！」
現時與父母、兄妹共住上水獨立村屋，官恩娜說最不能接受是被週刊報道成是招呼各路男友的炮房。
3 b5 M' S3 t% N9 H4 _) ^3 o
與外籍醫生男友 Juna發展兩年感情穩定，近日連新戲演員聚會，官恩娜都帶埋男友同泰迪羅賓夾 band。
: U0 n _5 E" e! U: } ?
與舊情人吳卓羲最近在活動相遇，合照被傳媒喻為「世紀破冰」，可見當年分手分得並不愉快。《壹週刊》圖片
O" M; ^
當愛已成往事
心直口快的官恩娜間中會自己爆大鑊，試過在《星星同學會》自爆，愛用靚車去荒山野嶺兜風的前男友被巡警踢爆，前一晚才跟其他女人到此一遊；上一次專訪，她又說，一生人被一個「 Cheating男」傷得最深，更親眼撞破過對方一次，愈講愈㷫。
這次，官恩娜說：「始終相愛過、開心過，其實呢個世界冇壞男人、冇爛桃花，夾唔到、分開，係因為 timing唔啱啫……」
女人三十，連爛桃花也看透了。 
留言列表
