歐洲車越來越多選擇，就算係身價過百萬的跑車，車款都可以睇到你眼花，可以喺一眾跑車中脫穎而出，有多少本領之餘，仲要有新鮮感。好似寶馬高性能版 M3 Coupe咁，改款無耐，又推出碳纖味甚濃的 M3 Coupe GTS版，即時將辣味升呢，要招搖定要低調，任君選擇。記者：趙慧敏攝影：楊錦文Model： Ericko@Zmodel
碳為觀止 放大圖片 
如果跑車都要講性格，新款的 M3 Coupe絕對是內斂型，雖然以高性能為賣點，不過相比起其真正實力，外形算得上斯文低調，佢真正有幾跑得，單睇外形，你真係估佢唔到，不過高調的跑車總有其捧場客，所以最近推出的碳纖版 M3 Coupe GTS，絕對能迎合這班招搖一族。雖然動力性能與 M3 Coupe相若，但外形卻增加大量搶盡視線的碳纖配件，與基本版的碳纖車頂襯到絕，首先在車頭兩側，就配置了碳纖擾流器，水滴形的側鏡，亦換上碳纖物料，不過講到搶眼程度，車尾反而是焦點，今次車廠在車尾設置一幅碳纖鴨尾翼，令整體風格更加一致之餘，行車當然更定更快。
加料 怠速熄車 放大圖片 
既然貫徹黑碳主題，四個轆又點會無佢份。今次合金輪圈由原裝的銀色換上 19吋黑色輪圈，跑起嚟當然型過人，至於性能上， M3 Coupe GTS更增加 Start/Stop怠速熄車功能，燈位前停車，引擎即時關掉，再踩番油門，又可以自動啟動引擎，減少廢氣之餘，都慳番唔少油，最緊要係起步速度極快，絕唔會因為熄車影響加速表現。為作跑車車主，對內櫳當然有番咁上下要求，否則幾跑得都無用。中控台用上大量黑灰格仔紋皮料配飾，加埋張桶形真波電動座椅，令全車高貴之餘亦跑味滿瀉。性能方面， M系一向係寶馬引以為傲之作，配備 4公升 V8引擎，輸出去到 420匹， 400Nm峯值扭力喺 3,900轉已經釋出，加埋個 M DCT七速雙離合器波箱，用埋加減波功能，轉波反應極為敏銳，當然作為寶馬家族身價過百萬的跑車，質素點會無保證。
車外碳味 放大圖片 
■碳纖車頂是焦點所在。
放大圖片 
■碳纖的水滴形側鏡，設計甚具時代感。
放大圖片 
■碳纖頭唇，加添辣味。
放大圖片 
■換上 19吋全黑合金輪圈，跑車形象更突出。
放大圖片 
■新加的鴨尾翼，令行車帶出飛翔之勢。
車內豪氣 放大圖片 
■中控台流線型設計，視覺享受一流。
放大圖片 
■配置電鍍框的雙圈式儀錶板，設計稍為平實。
放大圖片 
■以紅藍縫線的真皮軚盤，工藝精細。
放大圖片 
■跑車尾箱空間頗大，少了無地方放雜物的煩惱。
放大圖片 
■後排後座空間充足，乘客毋須受 Dog Seat之苦。
放大圖片 
■ 4公升 V8偈，能輸出 420匹馬力，表現絕非善男信女。
買車有着數
駕馭 M系這種高性能跑車，點都要多少技術，今次寶馬更提供優惠，凡購 M3 Coupe GTS Edition，可獲贈 11月 6至 8日為期三日的上海駕駛課程，到時有專人訓練。 M3 Coupe GTS Edition今日喺灣仔 Showroom有得睇，千祈咪錯過。
規格 放大圖片 
引擎： 3,999cc V8馬力： 420hp/8,300rpm扭力： 400Nm/3,900rpm傳動：七速 M DCT雙離合器波箱售價：$1,268,000起查詢： BMW HK（ 2577 6168） 
留言列表
