潮人黃偉文（Wyman）將於明年二月在紅館搞首個作品展，一直喺圈中人緣極好及作詞無數嘅Wyman，一開聲就有天后級鄭秀文、陳慧琳、容祖兒同何韻詩做重頭嘉賓，再加黄耀明；甚至好耐冇蒲頭嘅盧巧音、李惠敏都有份撐場，星光熠熠勁過頒獎禮。
Wyman開騷個個畀面，不過偏偏曾經傳因勁彈Wyman填詞差嘅千嬅則恨做都冇符，據知千嬅因為呢件事勁不滿。兩人互藐升級，上週四（27日）Wyman更抵死話：「唔好意思去騷擾佢！」


身兼多職嘅黃偉文（Wyman），入行18年作詞無數，出年2月首次殺入紅館開演唱會。難得開騷，個個friend底歌星爭住出席，每晚鐵腳包括容祖兒、鄭秀文、陳奕迅和陳慧琳等巨星更撐到行，甚至連何韻詩都有份以天后身份傍住Wyman影宣傳海報，惟獨傳同Wyman擘咗面嘅昔日老死楊千嬅卻榜上無名。

「冇合作生疏」
Wyman 02年為千嬅寫過大紅的〈可惜我是水瓶座〉，但千嬅卻從來只視林夕為最佳拍檔，有傳千嬅05年時因不滿Wyman歌詞未合理想，而放棄Wyman作品做主打歌，同年千嬅更試過在一派對上爆粗鬧Wyman填詞：「好×差！」而令兩人一度交惡，六年來Wyman歌詞絕跡千嬅唱片。至上年Wyman雖有出席千嬅婚禮，惜兩人關係始終今非昔比，如今Wyman開騷，亦決定不邀請千嬅做嘉賓，據知千嬅亦因此事大感冇面，私下向友人數爆Wyman。上週四（27日）兩人同場現身Burberry活動，卻零交流。本刊問Wyman演唱會係咪特登唔請楊千嬅，佢一貫幽默：「我係特登唔請好多人㗎！楊千嬅個case，我係未聯絡嘅，我邀請嘅名單係好長，唔係每一個我都有聯絡，同埋我知道有好多人係好忙嘅，我亦唔好意思去騷擾佢哋啦！（家同千嬅破冰未？）呢幾年係同佢冇合作，我只能夠話有啲時候多咗合作嘅機會會親密啲，冇合作咪生疏啲，我都解釋唔到！（遲啲會唔會再同千嬅合作番？）遲啲先算啦。」再問同場千嬅，冇份做Wyman演唱會poster中嘅四大天后有冇唔開心，千嬅例牌話：「冇！我戥佢開心添！（Wyman開show，你會唔會出席呀？）有機會我梗係想出席啦！（家同Wyman和好未？）我只可以講有啲嘢發生過就發生過，哈哈……」

黐實何詩
雖然咁耐以嚟兩人冇正面承認不和傳聞，不過上週四Burberry活動上，Wyman孖住老死何韻詩出席，同場遇見楊千嬅明明企正喺隔籬，可惜都係互當透明。

盛裝去飲
上年12月楊千嬅婚宴當晚Wyman都有畀面盛裝出席。事後千嬅坦言令佢好感動話：「佢嘅出現係令我驚喜同開心。」可惜最終無法改善關係。

此情不再
曾經Wyman同千嬅係死黨就眾所皆知，不過自從傳出兩人割蓆後，近年就好少見到二人孖住去玩嘅場面。

Wyman借詞申寃
有傳05年因楊千嬅話Wyman作畀佢嘅詞不及林夕而辣㷫Wyman，亦有指千嬅少用Wyman嘅作品做主打歌而觸怒Wyman，搞到兩人積怨至今，有傳Wyman亦寫咗〈最佳損友〉及〈最好的〉去諷刺千嬅而抒發感情。

〈最佳損友〉
由陳奕迅唱出嘅〈最佳損友〉去描述友誼不再嘅關係，網友話Wyman以此去慨嘆同千嬅嘅友誼。

〈最好的〉
最近Wyman寫畀王菀之嘅〈最好的〉，歌詞中「你那生平傑作　被埋他腳下」及「他不太值得吧　但你將最好那些全贈他吧」，有傳是暗喻佢已將最好嘅詞分咗畀千嬅。

Y黨贏晒
黄偉文同林夕合稱香港詞壇嘅「兩個偉文」（林夕原名為梁偉文）。雖然兩人競爭多年，不過近年減產嘅Wyman反而撼贏林夕，更喺04年開始多次獲得商台嘅「叱咤樂壇填詞人大獎」及多位一線歌手嘅御用填詞人，夠晒叠馬！

Wyman黨

林夕黨
####


歌名暗寸
講到同Wyman嘅關係時，千嬅語帶相關咁話，「有發生過就係發生過」。〈有發生過〉其實是Wyman12年前作給千嬅的舊作，同碟主打是林夕〈抬起我的頭來〉，你話係咪有骨？


而Wyman話演唱會除咗海報上出現嘅名單一定會出現外，而冇出現嘅亦唔代表唔嚟，想演唱會可以好似福袋咁有神秘感喎。


獨欠千嬅


Wyman作詞無數，首次開演唱會就邀得個個有分量嘉賓，宣傳海報仲搵咗何韻詩、鄭秀文、容祖兒同陳慧琳合照，加上兩場各有約20個嘉賓，幾乎全港歌星齊集，大晒冷。


背脊「得」住


Wyman解話〈最佳損友〉係歌頌一段友誼，就算真係講楊千嬅，都唔係要去奚落佢囉。


鄭秀文


容祖兒


張敬軒


何韻詩


王菀之


薛凱琪


王菲


古巨基


麥浚龍


張學友

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄