玩車除咗講求實用，身份象徵更加重要！像意大利名牌 Tonino Lamborghini，日前就發表以自家名字推出嘅第一款手機—— Spyder系列。用料上乘、嚴格嘅裝嵌程序已不在話下，佢更一口氣連推六隻型號，起錶$13,800。記者：陳國輝攝影：林栢鈞
3D Logo 正中央 放大圖片 
■得 300萬像素，屏幕又細，影相未必夠玩。
呢六隻型號，包括一款銀鋼、兩款黑鋼、玫瑰金、黃金以及黑金，每一部拎上手都極具份量。刻有林寶堅尼生招牌，已成例行公事， Spyder採用上闊下窄設計，底部呈尖形，模仿跑車車身，無論前或後，都印有「 Tonino Lamborghini」嘅名字，但數到最型，就要留意 Keypad中間及背脊鏡頭嗰隻 3D狂牛，用不銹鋼切割而成，手感一流，着機嗰陣更會透光；據講，選用材質以及裝嵌過程，全部都經過鐘錶王國——瑞士專人操刀，連機背也紋上「 Assembled in Switzerland」，就知道唔講得笑。
放大圖片 
■成隻 3D狂牛 Logo刻喺中間，非常矚目。
放大圖片 
■就連電池蓋背面都有設計，相當之認真！
超豪禮盒跟藍芽
Spyder對手工用料要求也高，除咗機殼部份，屏幕也經加硬玻璃以及藍寶石鏡層面組裝，硬淨之餘，仲唔易刮花壓爆；稍嫌 2"闊屏幕有點不夠用，加上機內不設林寶堅尼賽車 Video以及經典照片，作為 Fans感到有啲可惜。或許包裝上可彌補功能方面嘅不足。 Spyder以一個巨型「珠寶箱」作手機盒，連揭蓋嗰陣都以油壓方式打開，型爆！跟機配套好齊，除咗印上 Logo嘅入耳式立體聲 Handsfree，另配一個掛耳式藍芽耳筒，啱晒揸車人士；但要留意， Spyder不設限量發售，盒內亦都無出世紙編號，不過若只為興趣而收藏，又有乜所謂！
放大圖片 
■手機盒相當巨型，更用油壓式開關。
放大圖片 
■藍芽耳筒設計相對有啲普通。
放大圖片 
■鏡頭隔籬同樣有個林寶堅尼嘜頭。
放大圖片 
■以紅為主色嘅 Menu，繼續採用林寶風格。
特別版 廿萬鑽石狂牛 放大圖片 
■機身中間隻狂牛仲要鑲金，超 Sharp！
除咗六款唔同質感鋼材，想玩得再癲狂， Spyder仲有一款鑲滿碎鑽嘅特別版。無論係機身四條邊，抑或係 Keypad周圍地方，均清一色由幾百粒碎鑽組合而成！據講售價高達廿幾萬，只可惜僅限於今次展出，本港並無發售；但講番轉頭，矜貴成咁，擺入保險箱仲好啦！
Focus Point 放大圖片 
■不管係凹凸質感底殼、鋰電甚至 SIM卡部份，顏色全部歸一，予人好整齊嘅感覺！
放大圖片 
■ Keypad下面可以再拉出嚟，入面有個 SOS鍵，萬一收唔到訊號，隨時打電話求救。
放大圖片 
■點解 2G手機都配備 3G前置鏡頭？當然唔係啦！若然你想自拍時，先至需要用佢。
放大圖片 
■連機側咁細微嘅按鍵，都鑲實兩粒螺絲，其工序嚴密程度，你都咪話唔佩服呀！
放大圖片 
（ a）$21,800（ S-685）（ b）$14,800（ S-620）（ c）$14,800（ S-610）（ d）$19,800（ S-680）（ e）$19,800（ S-670）（ f）$13,800（ S-600）
Profile
制式： 2G體積： 125× 55× 16mm重量： 172g屏幕： 2"藍寶石晶體通話時間： 240分鐘備用時間： 200小時主要功能：內置 4GB、 300萬像素相機、自動對焦、 2.75G數據傳輸、呼救訊號模式鍵、藍芽、支援 MicroSD記憶卡查詢： Ace Star Conecpt（ 2412 9333） 
留言列表
