一向係女界殺手的羅仲謙，經傅穎「虐打事件」後，最近轉攻基界演同志舞台劇，實行連攣男市場都食埋。
上週四（27日），羅仲謙主演嘅同志舞台劇《我的基本生活》首演。跟基味濃的導演兼演員關逸揚，加插大量親熱兼咀嘴場口，難得謙仔仲話：「今次轉基好自然。」謙仔今鋪想男女通殺，有犧牲㗎！

綵排加戲
在《我》劇中，導演關逸揚同羅仲謙演「情侶」，台上攬攬錫錫，演到好似真情侶咁。之前導演同謙仔綵排，兩人瞓喺梳化度培養感情，但其實正式演出時係冇呢場戲嘅！導演似乎係綵排時加咗好多嘢喎！

假戲真冧
導演搵謙仔做男主角，其實是他一早心中人選！導演仲話：「Feel 到佢有真感情！」嘩！

最激車輪
《我》劇中，有一幕導演要同謙仔有親熱戲，但到真係錫嗰陣就全場熄晒燈。事後問番謙仔，同導演係唔係真kiss，佢就話：「要保持神秘。」


擁有40吋胸肌同一副青靚白淨煞食look，大隻羅仲謙一向係港女男神，最近謙仔仲成功殺入同志界，於舞台劇中轉型做基民。未公演，一班同志已經話超想睇。

「基」入後台
上週四（27日），四場《我》劇於上環文娛中心首演，本刊踩入後台基地，見謙仔全情貫注咪劇本。而劇中同謙仔有親密接觸嘅導演關逸揚，則全程陪伴在側對謙仔照顧有加，正式上演時兩人又瞓大髀又借位咀嘴，兩人交足戲，唔知真係以為謙仔轉咗「性」！

有真感情
雖然謙仔第一次演基民，但佢話一啲尷尬都冇。羅仲謙說：「其實導演（關逸揚）一搵我，我就答應啦，都冇考慮太多，覺得劇本ok就去啦！其實今次轉基都好自然，導演畀好多心理輔導我，同我一齊做運動、又同我排過好多貼身嘅動作。（呢個係你嘅極限？）唔係，如果下次有機會嘅話，要除衫同真kiss我都可以試㗎！」謙仔自然，反而導演關逸揚嚇咗一跳：「我冇諗過佢可以咁放，因為我都怕劇本會影響到佢嘅形象。但係排咗幾次之後，我真係feel到佢有真感情囉，嚇死！」導演會唔會係自己諗多咗呀？

對白骨痺
講明早喺第一次演《我》劇時就想搵謙仔做男主角的關逸揚，再添食時真係搵咗謙仔做自己情人。而劇中，謙仔同關逸揚仲大講肉痲骨痺對白，演到真嘅一樣。

後台狂咪
出show前，謙仔唔敢亂食嘢，只係咬住生果不停地背稿，仲highlight自己啲對白，佢話：「其實都好緊張㗎！」

網民力撐

最愛不是老婆
女主角賴亭甄（香港演藝學院戲劇學院畢業生）演謙仔的老婆，演基民的謙仔，為了掩飾身份，便和女人結婚，但婚後，謙仔發現最愛的人原來是導演關逸揚。

獨欠傅穎
首演日，同謙仔傳過緋聞的楊怡同Carol現身支持謙仔。散場後，仲同謙仔合照，一啲避忌都冇喎！

舊愛傅穎收口失蹤
謙仔工作密麻麻，不過自爆遭謙仔打的舊愛傅穎Theresa卻突然失蹤，謙仔演出首場《我的基本生活》唔捧場之餘，連一向愛在微博發功的傅穎，自從在9月21日在微博發表千字悔過書後，到10月1日再更新（小圖），至今已沒發表最新近況。據知多嘴傅穎原本已被經理人公司星皓投閒置散，甚至有傳要提前解約，雖然靠悔過書尚且保住飯碗，但零工作量又處於雪藏狀態，想反彈有啲難度。 ####


騷肌突圍
謙仔憑斯文樣同40吋胸肌殺死唔少少女，嵋家仲搶攻埋基民界，為咗擺脫「賤男」形象，謙仔今次真係攣都唔放過


同我排過好多貼身動作！真實對白


Feel到你有真感情！真實對白


其實我自己心裏面，好清楚我愛嘅係你，但係我嘅信仰話畀我知，我係唔應該鍾意男人㗎。真實對白你問吓自己個心，你明知係冇可能改變㗎？真實對白


虐打Theresa事件後，謙仔同舊愛再無新進展，家謙仔連提都唔想再提添！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄