在虛擬的戲劇世界裏，鄧萃雯幸運地遇上一個比一個更完美的男人，繼《巾幗梟雄》的柴九後，《義海豪情》中的劉醒是一個更體貼、女人夢寐以求的好男人。不過，雯女坦言對手越完美，便越難令她找到真對象。雯女說：「寫到祥仔一個角色咁正，其實係推我去到一個死位，我好容易希望自己現實生活中都會有，變咗越嚟越難遇到。」撰文：戴彩煥
其他娛樂名人影片
繼《巾幗梟雄》後，鄧萃雯在《巾幗梟雄之義海豪情》中遇上一個比柴九更完美的男人劉醒。猶記得雯女曾表示，生命中若能遇上柴九這樣的男人便此生無憾，那麼，在雯女心目中，劉醒跟柴九比較，又最愛是誰？雯女笑說：「兩個都一樣正！劉醒係女人夢寐以求嘅男人，佢有老婆嘅時候好愛錫老婆，男人之中係冇得頂。柴九對四奶奶嚟講只係一個靈魂伴侶，唔代表你可以同佢一齊生活，唔代表你好愛慕佢，佢哋之間係冇一個談情關係。但劉醒可能會好啲，今次劉醒同九姑娘係寫多咗好多感情落去，係一個愛情關係。」
放大圖片 
《義海豪情》中的教堂，是九姑娘與劉醒的避難所，一個互相傾訴心事的好地方。 劇照
放大圖片 
《巾幗梟雄》中柴九病逝，與四奶奶感情發展未能再進一步。 劇照
教堂過夜愛到入心
是否因為上次四奶奶與柴九未能徹底去愛，所以今次加重二人感情戲份？雯女說：「聽華標（編審張華標）講係，因為觀眾要求、渴求，上次柴九要死，好似拆散咗佢咁。」雖然雯女今次跟祥仔做情侶，卻是有愛冇性，就連咀嘴鏡頭也沒有？雯女說：「係 o架，我哋一齊喺教堂過夜，但乜嘢事都冇發生。教堂係我哋見面傾偈嘅地方，我趕佢走，佢仍然唔放棄，仍然默默支持我，我覺得呢種親密感更加強，呢種愛比起錫、比起上床差太遠，嗰啲做完之後有幾入心啫？但家呢種係經歷好多嘢都唔放棄，再加上嗰個時候嘅我又唔靚、又唔好環境、又乞人憎、又危險，佢都唔肯走要同我一齊，仍然陪我，拖住我隻手。」今次九姑娘與劉醒在戰後失散多年後重逢，雯女認為是最完美結局：「有啲人覺得唔錫唔上床邊度算係情侶，但我又唔係咁睇。」
放大圖片 
鄧萃雯飾演的九姑娘，需要劉醒做她背後的男人，令她衝鋒陷陣無後顧之憂。 《義海豪情》劇照
放大圖片 
雯女羨慕阿姐汪明荃 60多歲才與羅家英結婚。
見盡完人難覓真愛
可渴望生命中能遇上劉醒這樣一個完美男人？雯女笑說：「華標寫到祥仔一個角色咁正，其實係推我去到一個死位，因為每一個劇都經歷咁高質素、一個咁為你嘅男人。你唔使講，大家已經明白對方，當你做緊大事嘅時候，佢又唔會煩你，柴九好多時會帶好多麻煩畀你，但劉醒係知道你幾時需要佢，幾時要彈開，佢只係喺適當時候攝出嚟。嘩！呢啲男人去邊度搵呀？佢仲要做你背後嘅男人喎！我本身已經要求高，家成日喺戲劇裏面見到啲咁完美嘅男人，呢啲咁好嘅男人喺虛擬世界度有，好容易希望自己現實生活中都會有，變咗越嚟越難遇到。」
學做王妃等 60歲嫁
雯女渴望被愛、渴望遇到一個像劉醒般知情識趣的完美男人，但卻從不心急。雯女說：「可能自己未學識去愛，要預備一個王子降臨，我都要時間學識去做一個王妃 o架！所以我從來都唔心急，我好正面，充滿希望，好似阿姐（汪明荃）咁，成 60歲先至結婚，我覺得好正！我係一個幾怕悶嘅人，我好想結婚之後大家都好掛住大家、好 sweet、間唔中會浪漫吓，唔想耐咗之後會悶。如果我有 80歲命， 60歲至結婚，咁咪可以冧住咁去死囉！有好多老夫老妻覺得老伴好煩好黐身，我唔想變成咁。」場地： Misto服裝： Calvin Klein化妝： OMIX B髮型： Kelvin Koo of hair 
44歲的鄧萃雯揚言戲中對手角色越完美，越令她在現實中難找真對象。 攝影：黃文成
想同黃子華拍喜劇
不經不覺，鄧萃雯已跟黎耀祥兩度合作，下一部劇，雯女希望能轉換對手。雯女說：「係 o架！我真係咁嘅人，觀眾都會悶啦，都要畀啲新嘢佢哋。我幾想同黃子華合作，幾想拍喜劇。我覺得大家都係一個幾有 character（性格）嘅人，撞埋會幾得意。我從來未試過同子華合作過。其實我都可以做啲賤賤格格嘅人。」
主動爭取工作 放大圖片 
若不是主動向李添勝爭取，雯女也不會有機會憑四奶奶角色奪得視后寶座。
原來，雯女曾主動跟子華提出合作，是一個相當主動的人。雯女說：「係 o架，我自細已經係一個咁樣嘅人，以前做《寰宇風情》，去亞馬遜森林，我直情走上公司寫字樓，寫自己個名喺佢哋塊黑板度報名，我覺得冇乜嘢唔好，有好多嘢係要表達要爭取，你唔出聲嘅話，人哋以為你覺得辛苦唔想做。自從嗰次我表達完之後，李瑜叔（資訊文教科前高層）有乜嘢辛苦難啃嘅都第一個問我去唔去。」如此主動，難道不擔心令人誤會為喜歡爭？雯女說：「問心無愧咪得囉！我邊有爭啫，都冇人報名，我自己報名啫，如果本身搵咗人嘅，我自己攝埋去就話爭啫。呢個係排隊，我好守規矩 o架，我冇請食飯送禮，佢有權話唔用我，我只想畀佢知道我好渴望做，因為好多人以為花旦冇期又怕辛苦。就算嗰陣時添哥（李添勝）都係我主動同佢講，叫佢退休之前拍吓我啦，如果唔係，我真係覺得好遺憾。我只不過係一個咁簡單嘅諗法啫。」雯女續說：「添哥一直唔用我，一定有原因，不過我冇問，佢亦冇同我講，可能一個人對另一個人會有啲誤解，你表白咗人哋咪知囉！」
「我牙齒當金使」
添哥找雯女開拍續劇，還未知演甚麼角色，雯女已一口答應。雯女說：「我牙齒當金使，有啲報道好離譜，話我臨開工要加人工，我係啱啱相反，我好有義氣 o架，我哋呢啲做事嘅人講咗就係， TVB根本唔容許你咁做，佢哋冇咗邊個都得，啲人話我吊高嚟賣，呢個直情係違反合約原則！」 
雯女希望與黃子華（右）合作嘗試新戲路。 資料圖片
留言列表
