28歲已經為李家生咗兩女一子嘅徐子淇，上星期二（25日）出席雪花秀慈善義賣活動，極速收身嘅子淇，身形仲fit過未生之前，恨死唔少師奶！


子淇一講起只有3個幾月大嘅細仔俊熹，即刻開心到見牙唔見眼，仲話囝囝令佢搵番初戀感覺，搞到連老公李嘉誠都呷醋。咪以為子淇會縱壞班千億王國繼承人，原來子淇賞罰分明，佢同FBI講：「佢哋做啱一件事，我會獎個星星貼紙畀佢哋，要儲夠5個貼紙先可以買一份禮物，唔係佢哋話要買就買㗎！」咁有家教，四叔肯定安樂晒囉！

自己嚟
身為千億新抱嘅徐子淇一向冇架子，當日佢見記者攞住咪辛苦，就主動攞咪，甚至走嗰陣上車都係自己閂門，FBI勁欣賞。 ####


千億新抱到場嗰陣，FBI發現起碼有3個李家保鑣全程傍實，排場十足。


唔覺意子淇一坐低就同任達華狂傾湊仔經，講到擘開大髀都唔為意。


李家誠同徐子淇都勁錫俊熹，加上湊3個小朋友已經好唔得閒，所以今年同出年都唔會再生BB住。

arrow
arrow
    文章標籤
    徐子淇 好家教
    全站熱搜

    stacylife 發表在 痞客邦 留言(0) 人氣()

    E-mail轉寄