究竟佢係好人，定係壞人？《綫人》內張家輝安排線人收料，但最終往往置他人於不顧，內心反覆矛盾。除咗睇演技，仲要留意比前作《証人》更正嘅槍戰及打鬥場面，雖然今個禮拜碟場有唔少選擇，不過《綫人》依然係我 Best Buy！記者：許福合
多追逐場面 放大圖片 
■雖然危險，最後竟然都走得甩。
相信好多人睇《綫人》，皆因幕後同樣由《証人》原班人馬製作，而且仲有張家輝同謝霆鋒擔正。不過《綫人》並非續集，另外女角用上桂綸鎂，演出都算交到貨，但筆者睇碟時係使用粵語聲音，而桂綸鎂仍然係原音嘅國語，雖然比較原汁原味，不過一眾演員都用廣東話嘅時候，聽落就特別唔夾，這個感覺在家中睇碟比戲院時更強。有睇過《綫人》同《証人》可能留意到，《綫人》劇情更暴力火爆，除咗小量文戲外，槍戰、跑車追逐同打鬥連場，更有唔少鮮血淋漓嘅場面，想挑戰吓家中影音器材是否夠寫實，《綫人》 Blu-ray可以一試。
放大圖片 
$169（ BD）$99（ DVD）
放大圖片 
聲效位置弱 放大圖片 
■黑衫黑褲嘅畫面比較多，可試出層次感。
睇碟時，震撼嘅槍聲自然唔少得，加上飛車追逐等場面，用來試喇叭聲色絕對唔錯，尤其較尖嘅音頻都試到出來，不過位置感方面似乎略有不足，若然想聽到子彈在身邊橫飛，就有啲困難。另外，《綫人》古仔都在社會陰暗面發生，部份場面都係無乜燈光，例如一幕廖啟智被人追斬，睇 Blu-ray碟嘅光影效果好正，而且唔會一片黑，不過同外國 Blu-ray比較，畫面銳利度都仲係差些少，《綫人》內容其實幾好，若畫面質素再好啲，真係唔會輸蝕囉！
Bonus執漏 放大圖片 
■張家輝拍呢幕悲情戲，原來用咗整日時間培養感情。
睇完正場之後，記得煲埋特別收錄。 Bonus內容非常豐富，用咗接近一小時先睇完，除咗必備嘅演員同導演吹水位，我覺得最好睇係講吓打劫金舖、鬧巿追逐同城門隧道嘅花絮。另外，睇完刪剪片段仲會發現，有好多片段被 Cut咗，例如謝霆鋒與妹妹嘅故事，睇完之後就會清楚啲。
聲畫必試位22:40 街道賽車 放大圖片 
謝霆鋒喺街頭同人鍊車，引擎低頻夠晒勁！
46:15 槍聲震撼 放大圖片 
桂綸鎂拎起槍都幾型，而且環境空曠，差啲俾槍聲嚇倒。
50:59 拖女逃亡 放大圖片 
帶住一袋槍遇到警察查車，當然要速逃啦！
1:19:50 爆破金舖 放大圖片 
打爆玻璃時嘅音色好尖銳，效果逼真自然！
1:23:15 睇煉金術 放大圖片 
人哋話想知道畫質掂唔掂，可以試吓睇黃色，呢一幕啱晒！ 
留言列表
