見到Twins出道10年國語碟《3650》宣傳海報，2人before & after變化唔大，只係少了點baby fat。經歷過事業、人生起跌，但3650日後，站在對方身邊的仍然是當初那個好姐妹。叫佢哋互數大家的轉變，阿Sa話變得最多嘅係：「經歷過低潮，最糟糕嘅事情已經過去，呢2年係活得最自由自在。


舊嘅唔去，新嘅唔嚟。」2人正跟首次合作的周博賢埋首準備下張Twins廣東碟，阿嬌話：「佢啲詞寫得好中，新歌叫〈素顏〉，有句『喊完走去畫眼線』，早2日因為照顧咗我15年嘅工人要走，我喊得好厲害，之後真係走去畫眼線。」新班底加舊拍檔，只要啱channel一樣可以合作無間！

阿Sa→阿嬌變在踏實了，不再心不在焉
「佢冇十年前咁飄，以前真係可以同佢講A，佢答你B，家不論做事或傾偈佢都好貫徹，佢幫人可以幫到好歇斯底理，因為工作需要我想要條2米長嘅iPhone usb線，佢幫我搵咗好耐仲安排埋貨運。」阿嬌：「舉手之勞啫。」唔只阿Sa，早前訪問Sherman時，都大讚阿嬌好鍾意幫人上網買護膚品，仲好識揀，件件筍貨！「最近買咗Dior支噴霧粉底，香港無得賣㗎。」Tokyu Hands同樂天都係阿嬌瀏覽得最多嘅地方。

阿嬌→阿Sa 變在沉默，唔再講爛gag
10年前2人簽了英皇後，因為成日孖公仔上堂學唱歌跳舞，而被Mani安排作組合出道，阿嬌話當時阿Sa：「好跳脫，好多嘢講，以前一上保母車就non-stop講爛gag，又迫人聽自己唱片錄音，家佢內斂咗，較沉默。」雖然以前好似小朋友，有事冇事呱呱叫，但阿Sa對阿嬌好上心，佢仲記得十年前阿嬌送畀佢嘅第一件禮物，「係一棵用紙摺成的樹，可以掛小香水上去做裝飾。」重點係：「我家仲用緊！」

冇變在爛玩，掛住上網唔瞓覺
可以上成晚網唔瞓覺。」阿嬌：「唔只上網，以前仲會玩facebook遊戲，家會煲翻楊丞琳的劇《不良笑花》同淘寶，早前至買咗盞鑽石形嘅燈。」知道韓國近來好hit上G-market買嘢亦立即話想試。


今年5月18日係Twins入行十年大日子，除推出新碟《3650》外，亦搞個3650十周年慶典歌迷聚會，不過重頭戲就要數遠赴澳洲取景寫真集。新廣東碟在製作中，但11月25日將於上海合體開演唱會見粉絲，萬眾期待！

冇變在慳家，一個飯盒食幾餐
阿嬌話兩個從來唔嗌交，不過，「佢留飯盒分幾餐食呢樣嘢真係好難頂，仲要唔翻叮，好唔健康。」Sa搶答：「我係嗰啲一餓即刻要食嘢嘅人，細個飲茶阿嫲教落唔好嘥嘢，我試過發夢俾人掉飯盒，發開口夢鬧人㗎！」阿嬌：「係呀，所以你未成日胃痛囉。」話你，都係緊張你，今次真係要聽話！


2人話大家好唔同，要佢2個互畫，阿Sa選擇Q版style，阿嬌則畫得好寫實。 ####

arrow
arrow
    文章標籤
    Twins 3650 日後　不變應萬變
    全站熱搜

    stacylife 發表在 痞客邦 留言(0) 人氣()

    E-mail轉寄