天氣稍為回暖，陳慧琳（ Kelly）噚日就以一身紅噹噹嘅春裝現身中環，為美心快餐店擔任剪綵嘉賓，兼品嚐店內著名美食。為答謝 Kelly支持，大會捐贈咗 15萬畀「陳慧琳兒童助學基金」。 Kelly講笑話應該早幾年就同集團合作，咁就可以有更多學童受惠。日前 Kelly客串新戲《大鬧天宮》一日飾演觀音，有傳佢收咗 100萬片酬，不過 Kelly善心爆棚，將全數片酬撥捐自己嘅助學基金。講到片酬比復出嘅張栢芝仲高， Kelly話：「我冇留意市價，如果一日 100萬，我諗我會日日拍戲。」
放大圖片 
Kelly代佢嘅兒童助學基金接受大會嘅 15萬支票。
放大圖片 
愛心爆棚嘅 Kelly一向好關心小朋友嘅讀書問題。資料圖片
久未現身無綫 放大圖片 
有傳 Kelly喺《大鬧天宮》客串演觀音收咗 100萬片酬。
講到四大唱片公司同無綫就版稅問題破冰，身為四大之一環球唱片一分子嘅 Kelly覺得係好事，佢話成年幾冇上過無綫。至於歌手除咗無綫外，仲可以隨意亮相其他電視台， Kelly話：「梗係好事，不過其他電視台似乎冇乜音樂節目。」另外，英皇同東亞會齊齊杯葛港台頒獎禮， Kelly即刻問無綫會唔會播，如果真係播，但又唔出得四大嘅歌手，英皇同東亞歌手又冇去，咁成個畫面咪只得吉鏡同空凳？ Kelly始終都係嗰句：「各個台唔應該再個個自己玩就得，唔好再有爭拗，團結一起唔搞政治先至幫到個樂壇。」 
入行多年嘅 Kelly話，如果要幫到樂壇，各方必須團結，唔好再搞政治。\n
全站熱搜
留言列表
