余文樂在新戲《春嬌與志明》尾段，模仿王馨平（Linda）的代表作《別問我是誰》MV，男扮女的他，出奇地形神俱似，Linda也大讚見樂仔如見自己，但樂仔坦言自己反串很恐佈，朋友更嘲笑看罷想作嘔。
楊千嬅和余文樂合演的彭浩翔新戲《春嬌與志明》，上映短短四日，截至前日票房已收910萬，成績斐然，其中最驚喜和爆笑一場，莫過於播出樂仔反串王馨平（Linda）拍《別問我是誰》MV的一幕。戲中千嬅埋怨樂仔沒為她做任何事，樂仔為紅顏，不惜反串扮戲中千嬅的偶像Linda，重演《別》MV。
彭浩翔童年女神
原來彭浩翔當年很喜歡Linda：「呢個係我嘅情意結，細個時好鍾意王馨平，一直係我嘅女神。」結果他忽發奇想請Linda客串，怎料她一口答應。整個MV的120個鏡頭完全跟足當年，導演找人再造一個石膏像出來，場景亦悉心搭建，分別在京港兩地搭景，彭導坦言花一半製作費在這MV上也是值得。樂仔上妝扮Linda時，表現尷尬，又鬼馬地將廁紙墊成假胸，再胸壓彭浩翔，令大家捧腹大笑。
Linda看完片段後也笑謂：「睇完我覺得好驚，我冇諗到導演真係可以拍到一模一樣，當余文樂做嗰個蝴蝶手勢，連眼神都跟埋我交足戲，我睇完直頭手都震埋，自此之後我唔敢直視余文樂，每次見到佢就諗佢扮我嘅樣，太似喇，忍唔住笑。」對於Linda不敢直視自己，樂仔笑言：「大家咁話，好多朋友睇完都話我嘅舉動好恐怖，雖然好好笑，但令人想嘔。我只可以話畀大家知，我唔係靚女只係靚仔。我拍完個MV都唔敢睇，我扮女人嘅樣真係好恐怖，就算喺首映都只敢偷望。」但樂仔看到觀眾反應後，就認為很值得。撰文：葉雪
王馨平獲彭浩翔（右）的邀請，在戲中客串過戲癮。
余文樂（右圖）紮上孖辮扮王馨平，舉手投足連眼神都很神似。
《純情版》樂仔破格反串扮王馨平重演ＭＶ（右圖），成為電影中最驚喜或驚嚇部份。
樂仔一身黑裙配黑帽，造型甫士都似到十足十。
留言列表
