旅行旅遊美國關島比堅尼風景 Beach Girls 追逐海豚－明星靚相大分享☆

以前有隊女子組合「少女標本」，聽個名都詭異！少女同海鮮一樣，當然是 fresh到跳跳紮的才是精選！來到關島，我們跟住一班比堅尼日本少女出海浮潛！目不轉睛實的，不是海豚，而是那個拖住一仔一女卻有 model身形的媽媽……無比蕩漾呀！我係話旁邊一眾餓男的春心。記者、攝影：吳允冲鳴謝：關島旅遊局、美國大陸航空

其他副刊影片放大圖片

放大圖片

四粒鐘直飛天堂放大圖片
■海豚九成機會見到，但要佢露面就唔易。

■海豚九成機會見到，但要佢露面就唔易。

4月天氣正如娜姐預言： Sticky and sweat，正值多事之春搵個地方唞啖氣都難，灰蓋歐洲，人亂泰國，遠離大陸的太平洋，依然陽光普照。夾在菲律賓和夏威夷中間的關島，全年氣溫處於 25℃至 31℃之間，不會令人熱到頭昏腦脹，還有陣陣凉風，好爽。作為美國第一個迎接日出的地方，機程不過四小時，現在還不用簽證，想出發便出發！一落機，不用 10分鐘便到了沙灘 Tumon Bay，計上來，其實比去布吉和長灘島方便喎！我們搭上剛復飛的直航機，天未光便抵達，「 Hafa adai！」怎麼連海關都特別寬容？ 6:30am步出機場，望不到盡頭的「李斯特林海」已在眼前！瀕臨昏迷的狀態突然醒晒，準備剝晒衫褲剝晒鞋！

放大圖片
■控制水上綿羊仔要用盡全身氣力，玩完成個人散晒。

■控制水上綿羊仔要用盡全身氣力，玩完成個人散晒。

放大圖片
■唔係有仔女在旁，都唔信她是個媽媽！

■唔係有仔女在旁，都唔信她是個媽媽！

浮潛在李斯特林放大圖片
■想同海豚合照，突然有唔見影！

■想同海豚合照，突然有唔見影！

來到 ABC，目標只得一個：曬得有咁黑得咁黑，玩得有咁濕得咁濕！搭船之前，先在海邊划獨木舟熱身，唔識游？好在關島海灘的「水位」只有 BB池級數，就算行出水中央，都係到半身位置；加上珊瑚礁的包圍，海邊沒有浪，不怕翻舟！嫌嘥力，駕着水上電單車飛馳，玩完才知腰痠背痛，像控制發癲的野馬！最舒服的方法原來是坐快艇拖行的降落傘，咻一聲便可在 45米的海面上飛！終於可以出海了！過百條熱帶魚正等着我哋一齊浮潛，船長瀟瀟灑灑的用麪包和炒麪餵魚，吸引魚仔來圍着我們。才剛剛上水，口中還有一泡海水，船長又把我們由船尾趕至船頭，他大叫一句： One Two Three Jump！一大群旋飛海豚便應聲從水面上一躍而出！數數有 10條，聽話得像他的寵物。水中的海豚實在太多，船長一察覺到有動靜，便可預計海豚幾時會蒲頭。船長話：「在關島睇到海豚的機會達九成！」若然看不到，只好賴係時運低！海豚隔幾分鐘便在不同方向出現，最近那次甚至就在船頭不夠 1米的位置！不過今天海豚們怕羞，只是露出背鰭，露也不露面！莫說要起身翻騰！

放大圖片
■出海前合照

■出海前合照

放大圖片
■無風無浪的龜速香蕉船，我還是第一次坐！

■無風無浪的龜速香蕉船，我還是第一次坐！

放大圖片
■拿點麪包在手，魚仔便追住嚟！

■拿點麪包在手，魚仔便追住嚟！

放大圖片
■魚仔不止食麪包，更會食炒麪！

■魚仔不止食麪包，更會食炒麪！

放大圖片

Alupang Beach ClubAlupang Beach Tower, Marine Drive,Agana Bay3個半小時觀豚之旅：成人$546、小童（ 6-13歲）$390、幼童（ 2-5歲）$234，包釣魚、浮潛、香蕉船等部份活動。　網址：http://www.abcguam.com

查莫洛男震肉勁舞放大圖片
■一班日本少男少女玩到癲。

■一班日本少男少女玩到癲。

雖然 ABC有免費日式炸雞同咖喱飯供應，但我們玩了整日，胃口大開！ 6-9pm這段時間，關島大部份的酒店都於 pool side搞 dinner show，以民族舞蹈娛樂大家。「關島菜」多是日式 teriyaki燒雞、炸雞、串燒和炒麪，食得多都悶，要多花款啲，我們就去了 Fiesta的池邊烤肉放題！牛仔骨、魚扒及最吸引的 6吋長大蝦任食唔嬲！雖則係雪藏貨色，但肉甜又彈牙，但我們一枱人都鯨吞了 50隻！燈突然變暗，穿着原住民服飾的 dancer進場表演查莫洛民族舞，肚腩肉隨住音樂 dum吓 dum吓，一班 o架妹和小朋友衝上台一同熱舞，雞手鴨腳效果爆笑。這裏的規模雖然比其他又放火又有森林佈景的 show細，勝在有熱烈氣氛搭夠。

放大圖片
■ 6吋長大蝦簡單調味已經很鮮甜。