34D高海寧喺《美麗密令》大晒 W胸,加埋條透視豹紋睡衣,男粉絲又要流鼻血喇!

自陳法拉升呢愈着愈密實、徐淑敏嫁人生 B收山,無綫當家新咪神個位係時候要人接棒。
拋胸爛做博上位未必人人制,好在 34D前港姐高海寧肯搏肯露夠專業,於新戲《美麗密令》飾演選美卧底女殺手,不惜着上低胸透視睡衣於酒店房內與戲中男友兼《美》片導演王晶調情,仲爭贏戲中同樣賣咪的 TVB姣精梁政珏,戲分僅次阿 Sa及吳君如。有透底戰衣助陣,高海寧話:「參選都着泳衣啦,呢啲濕濕碎啦!」係啦,裸照都影過,怕乜?

成名裸照
高海寧參選港姐時被踢爆拍過背面全裸做髮型模特兒,當時仲拍下大量裸露藝術照,今次係咁意透吓底,濕碎啦!

08年落選港姐、今年 24歲的高海寧,簽約做無綫藝員後多數行行企企做布景,難得被王晶睇中,於晶哥執導、下週四上映的新片《美麗密令》做晶哥情婦同戲中唯一反派阿鳳,對零拍戲經驗的高海寧算好大發揮。

主動派波餅

王晶作品次次都有大咪索女,新戲亦唔例外,兩個主角吳君如同蔡卓妍衫板身材齋賣演技同人氣,賣肉發揮留番畀露慣露熟的 TVB新咪神高海寧。其中一幕講飾演女殺手的高海寧,同黑社會大佬男友王晶開房私會,着住 deep V豹紋透 bra睡裙、露埋黑底的高海寧為冧晶哥,更成個身挨晒落去請晶哥食波餅。
之前有傳梁政珏不滿拍戲要俾水柱射胸,勁敵高海寧則識做賣口乖,表明自己唔會錫身:「我覺得着泳衣同內衣都好正常啫,濕濕碎啦,反而拍一場同阿 Sa嘅打戲連續拍咗 19個鐘,第二日拍完仲病埋添!」

側面冇咪咪睇,不過隱約見到條黑色底褲,一樣噴血!

喺戲中高海寧從後攬實王晶傾心事,食晒波餅嘅晶哥個樣咁冧,肯定好 enjoy喎!

飾演殺手的高海寧同飾演女警嘅阿 Sa齊齊做選美臥底,初時兩人仲係 friend,後來知道對方身份後即時決裂,阿 Sa最後仲殺死高海寧。

咪神互「胸」

梁政珏(左)、高海寧(中)同動漫 Maggie(右)一樣行性感路線,不過梁有個律師老豆梁衛民同 Ground Zero有米設計師男友照住,冇女人街出身嘅高海寧咁搏都正常嘅!

TVB姣精梁政珏喺戲中只扮演其中一名選美參賽者,戲分明顯冇有得打又有得剝、最後仲會俾阿 Sa殺埋嘅高海寧多。

TVB新咪神

徐淑敏收山,好在陸續有新女神頂上,唔驚冇嘢睇!

高海寧
年齡︰ 23
身高︰ 171cm
三圍︰ 34D、 23、 34
爆紅度︰★★★★★

梁政珏
年齡︰ 23
身高︰ 165cm
三圍︰ 35D、 23、 34
爆紅度︰★★★★

沈卓盈
年齡︰ 25
身高︰ 168cm
三圍︰ 33C、 24、 34
爆紅度︰★★★

8萬蚊爛做

戲中做殺手的高海寧,要幫王晶綁架會計師林雪的女兒李曼筠(動漫 Maggie),所以混入選美比賽搵機會捉走參選的 Maggie。除要着內衣同泳衣,高海寧仲有多場同飾演差婆的吳君如及阿 Sa對打,其中一幕更俾君如用毛巾狂摑,又要濕身同阿 Sa互片,高海寧話呢場戲拍足 19個鐘,周身傷晒不特止,第二日仲淋病埋!收 8萬蚊又要露又要俾人摑,高海寧真係抵用喎!

兜巴星
飾演女督察鐵美麗嘅君如為咗教訓殺手高海寧,用毛巾狂打高海寧塊面,雖然搞笑成分居多,不過睇高海寧個樣又真係好痛喎!


打到病
黑衣打扮嘅高海寧(右),同阿 Sa(左)由街頭打到街尾,堅持唔用替身嘅高海寧因為唔識就力,試過錯腳踢中阿 Sa,第 2日仲因為唔夠休息病埋。

新戲做性女

一手捧紅邱淑貞、舒淇的王晶,今次起用電影新手高海寧,無非係睇中佢 34D身材:「我覺得女仔健康性感係冇問題,只要唔好刻意賣弄就得啦!」把口話唔賣弄,但王晶嚟緊 5月開拍改篇詹瑞文舞台劇的《潮性辦公室》,亦有意再搵高海寧賣肉:「好耐冇出現講『性』嘅電影,所以想搵高海寧同動漫 Maggie呢啲可以引起男人性幻想嘅女仔演出,家同 TVB傾緊!」

經典象拔胸
上年去泰國拍《美女廚房》時,「波頂象」呢幕奇景令高海寧成為新咪神,事後王晶都有出口力撐愛將:「我覺得傳媒影佢呢啲走光相好唔應該!」

連環鬥剝
於電影《 72家租客》內高海寧跟梁政珏(中)已經鬥剝過,事隔兩個月 2人又再鬥剝,高海寧似乎比梁政珏更搶鏡。不過王晶表示冇偏心:「其實高海寧都係多啲打戲啫,冇話邊個搶鏡嘅。」

狂做望買樓

「晶女郎」長做長有,拍緊無綫劇《讀心神探》的高海寧近日亦係 TVB小騷后,高峰期 1星期 4騷,每騷 1萬。
高媽媽一直喺女人街擺檔、最近賺落唔少的高海寧有意買樓做業主,脫離「女人街港姐」之名。知情人士透露,高海寧睇中將軍澳私人樓:「 Samantha(高海寧)貪嗰度返工夠近,佢諗住買平平哋嘅上車盤同媽咪住,唔使再捱貴租住何文田。」
本月中,高海寧出席活動時跟記者直認恨做業主:「我家仲睇緊樓,買咗會同媽咪一齊住!」本週一( 22日),仍繼續去女人街擺檔賣首飾的高媽,接受本刊訪問時亦讚阿女夠孝順:「佢好乖 o架,買樓一定同我住!(介唔介意個女行性感賺錢?)唉,佢有佢嘅演出,我有我嘅生意,我都唔理得咁多囉!」
係囉,o依家唔搏唔通老咗先搏?高媽都算開通喎!

「我唔理得咁多!」(真實對白)
高媽撐女︰打扮成長辮小甜甜嘅高媽媽,週一喺女人街擺檔時回應女兒買樓表現興奮,講明個女實會同自己住,不過就話個女行性感,佢管唔到。

捱貴租
高海寧現時以約 2萬月租何文田舊樓麗晶樓,以佢咁搏,好快進駐豪宅區啦!

王晶:靚嘅贏唔到港姐

王晶表示高海寧個樣有性格,可以做好多唔同角色:「我係 08年港姐評判,當時見佢已經覺得佢好特別,通常最靚嘅都唔會贏港姐 o架啦!佢好有潛質,嚟緊都想搵佢合作!」

詹 Sir抽雲水

陳志雲出事,盛傳同佢不和的詹瑞文,喺《美麗密令》入面再次扮志雲:「我今次個角色叫岑志文,係操生殺大權嘅電視台總經理,其中有啲對白,觀眾一睇就知我扮緊邊個,最搞笑嗰句係『我係好鍾意 24小時同觀眾見面嘅!』另外開場嗰幕我都會扮《志雲飯局》請君如同陸毅食『車厘子加菇菇』,因為志雲食齋嘛!」

扮陳四萬
呢個擘大口笑容加埋副眼鏡,你話佢哋係兩兄弟都有人信。



抄蘭花手
詹 sir出席電影宣傳活動時,即場向本刊示範陳志雲的招牌蘭花手。

arrow
arrow
    全站熱搜

    stacylife 發表在 痞客邦 留言(0) 人氣()