忽然1周 766期打完排卵針　又植入胚胎　劉嘉玲依然生唔出 @ 明星靚相大分享☆

29/3嘉玲苦笑回應
本周一（ 29日），嘉玲返澤東電影公司開會，本刊記者上前問她接受胚胎植入失敗後，有沒有考慮搵代母生仔？嘉玲聽完即苦笑說：「我都唔知你哋講緊乜嘢？」"
封面故事
打完排卵針　又植入胚胎　劉嘉玲依然生唔出
2010年04月02日
44歲的劉嘉玲與 47歲的梁朝偉，自 08年 7月結婚後，多次放風不設防造人，可惜搞足年幾都係冇聲氣。
為了生仔，原來兩人早於婚前已在好友君如介紹下，向有「不育救星」之稱的著名婦產科醫生何永超求診。據知嘉玲與偉仔試盡多種受孕方法，婚前曾打排卵針，去年更花逾 50萬，多次將體外受孕的胚胎植入子宮，不過至今仍未成功。嘉玲知道成孕機會非常微，亦不再強求，故近月已表示生仔一事順其自然。
人工受孕唔成功，嘉玲偉仔亦唔使氣餒，記者問過嘉玲主診醫生何永超，他說香港法例容許代母生仔，不過唔可以涉及金錢。以偉仔嘅號召力，唔收錢都有大把女士爭住做代母啦！

偉仔超市買餸

已達 44歲高齡的劉嘉玲，要懷孕絕不容易，她一直想為梁家繼後香燈，因此婚後即刻飛往印度見大寶法王「求子」，之後更戒煙戒酒戒夜蒲，朝朝跑步兼食對佗 BB有幫助的維他命和葉酸，又睇埋中醫調理，實行多管齊下。
除此之外，嘉玲婚前已向香港生殖醫學會會長、著名婦產科權威何永超醫生求診。有「不育救星」之稱的何永超醫生去年便成功以胚胎植入方法，協助黎姿懷孖胎。
胚胎植入多次失敗
據知情人士透露：「嘉玲已經睇咗何醫生兩年幾，結婚前就做啲檢查同測試，仲開始打排卵針，希望增加受孕成功率。醫生仲叫佢注重日常生活，勸佢戒煙戒酒，佢都好聽話。婚後嘉玲同偉仔見打排卵針唔 work，於是嘗試胚胎植入，方法係先將精子同卵子取出，培育成胚胎後就打入子宮。可惜嘉玲試咗好多次都唔得，前後花咗超過 50萬。醫生同嘉玲講以佢嘅年紀同體質好難會成功，勸佢唔使再試，暫時休息吓。」

22/3偉仔唔回應
本月 22日，偉仔出席在灣仔會展舉行的「亞洲電影大獎頒獎典禮」，接受記者訪問時他只肯回答有關在瀋陽拍《一代宗師》發生的事，私人提問一概唔回應。
4/3老公食得健康
3月初，嘉玲正在內地拍劇，因為斷手而停工的偉仔則獨自駕車到中環 IFC的超級市場，買了不少蔬菜、水果以及煙三文魚，成個住家男人款的偉仔，原來平時自己下廚都食得好健康。

逛超市
21/3老婆少出街
剛剛拍完電影《讓子彈飛》從北京返港的嘉玲，上周連續幾日都未有外出。 3月 21日她留在家中休息，吩咐女助手外出為她買外賣。
家中拜佛求子

嘉玲與偉仔信佛多年，為了求子，兩人曾在家中祭起催子菠蘿陣。 08年他們曾到杭州靈隱寺拜佛。現時他們家中仍供奉多個佛像，望神靈庇佑求子成功。
代母產子最好簽合同

黃國桐律師

根據「人類生殖科技條例」列明，香港是容許代母懷孕，但任何人不得就代母安排作出或接受付款，而代母安排只可使用屬婚姻雙方的委託夫婦的精子及卵子。此外，代母懷孕須經由人工受孕而成，而代母安排不得由作出安排的人強制執行。委託夫婦須在嬰兒出生後六個月內申請法庭命令，使有關兒童在法律上被視為委託夫婦的子女。
黃國桐律師提醒欲以代母產子的夫婦，「同代母最好喺事前訂合同，避免雙方日後有爭拗。」
主診醫生何永超：法律容許代母生仔

何永超醫生

曾令黎姿、吳君如成功懷孕的「不育救星」、生殖醫學專科權威何永超醫生表示，女性不育原因有好多種，「好似女性身體製造唔到良好嘅卵子、先天沒有子宮或子宮畸形、有慣性流產等都容易不育。另外有啲女性雖然子宮健全，但因年紀較大或有不良生活習慣、好似食煙飲酒、曾多次接受刮宮墜胎令子宮壁變薄，都可能導致不育。而代母產子與胚胎植入技術相同，只需將夫婦兩人所抽取嘅精子同卵子結合培育為胚胎，然後將胚胎移植到代母體內便可。雖然香港容許代母產子，但因為涉及道德倫理上問題，所以現時本港仍未有實際代母產子案例。」
為生仔全面停工
何永超醫生曾表示年過 43的女士即使接受人工受孕，成孕率也不高。不過嘉玲為增加受孕成功率，去年便聽從何醫生建議停工專心造人，希望能養尊處優一擊即中。據知情人士透露：「醫生同嘉玲講，如果佢繼續拍戲嘅話，根本冇可能養好身體成功受孕，所以嘉玲去年中冇拍戲幾個月，定時做胚胎植入。」去年 6月，嘉玲拍完電影《狄仁杰》及《用心跳》後，曾公開表示 8月底會全面停工，與老公偉仔展開造人工程。當時有個內地衛生巾廣告以 2,000萬厚酬請她做代言人，但因為合約列明一年內不可懷孕，為怕影響生仔大計，嘉玲有錢都唔賺。
奶奶送補品
在嘉玲多次植入胚胎那半年間，偉仔媽更經常煲花膠及冬蟲草等補湯給嘉玲補身，又不時搵工人送燕窩去偉仔半山寓所，可惜最後都徒勞無功，嘉玲與偉仔惟有認命。據知情人士透露：「嘉玲知道胚胎植入咁多次都唔成功，真係好沮喪。其實經過咁多次療程佢都好辛苦，再繼續花錢都係白費心機。之後嘉玲同啲朋友講，生仔嘅事惟有等個天去安排。」
5/3約友人嘆意大利菜
3月 5日，嘉玲身在北京拍戲，偉仔相約一男一女友人到銅鑼灣食意大利菜，記者見他離開時手持一個紙袋，內有一疊似是劇本的東西。
偉仔拍王家衛執導的《一代宗師》前，曾跟葉問後人學詠春，經苦練後打得有板有眼，不過早前打到斷手，要休息幾個月。

揼背
晚上 9時許，一行三人經利園商場往停車場，偉仔當晚坐男友人車離開。因為拍《一代宗師》搞到周身傷患的偉仔，不時用手揼背，舒緩腰痠背痛。

繼續接 job
去年年中嘉玲宣布全面停工生仔，經過大半年努力肚皮仍不爭氣，今年年初已全面復工。 1月中嘉玲出席代言的 SK-II30周年慶典晚宴，穿上黑色 Lanvin低胸晚裝豔光四射。

5吋高踭鞋證冇餡
今年 1月曾盛傳嘉玲成功懷孕，為證實自己冇大肚，嘉玲 1月尾着住對 5吋高踭鞋，跑住去 shopping，話俾大家知佢仲未有餡。
中醫師關之義：腎氣虛會不育

關之義中醫

有關女性不育，中醫師關之義認為女性腎氣虛導致不育，而夜生活頻繁、煙酒過多亦容易影響受精卵質素，關醫師表示：「中醫多會以中藥為女性整體調理身體，養陰益氣，補腎潛陽，亦可以用針灸治療女性不育，針炙有調節荷爾蒙、幫女性排卵規律、改善卵子品質嘅作用，藉以增加受精卵喺子宮內壁着牀嘅機會。」
外國代母產子案例多

《路透社》圖片

李嘉欣與許晉亨婚後經常被追問兩人造人大計，不過大美人卻爆出打算找代母產子的驚人計畫。雖然香港未曾有過代母產子的實質案例，不過外國已有不少名人紅星透過代母誕下屬於自己的下一代。

莎拉謝茜嘉柏加（ Sarah Jessica Parker）
現年 45歲《 Sex and the City》女星莎拉謝茜嘉柏加(Sarah Jessica Parker）與影星丈夫 Matthew Broderick自 2002年誕下兒子後一直想再添丁，可惜兩人總是未能配合，故找代母幫手，去年 6月代母更為她誕下一對女嬰。
Ricky Martin
剛出櫃公認同志身份的拉丁歌王 Ricky Martin，去年透過發言人對媒體發表聲明，指已透過代母以人工受孕方式懷上雙胞胎，並在去年 8月誕下雙胞胎兒子。
復工後聚少離多
暫停造人工程後，今年 1月中嘉玲全面復工，接拍多套電影及廣告。偉仔現時正在內地趕拍王家衛的《一代宗師》，嘉玲則剛剛
拍完葛優執導的《讓子彈飛》，並從北京返港。雖然口講話未放棄生仔計畫，但夫婦二人為搵錢又再分隔兩地，邊有時間溫馨造人呢？
人工受孕未能成功，其實嘉玲與偉仔大可傚法外國不少明星搵代母生仔，就像拉丁歌手 Ricky Martin，近日就公開承認年前搵代母為他誕下一對孖仔。本刊記者向嘉玲主診醫生何永超查問代母產子在港是否可行，他說：「香港係容許代母產子嘅，不過就唔可以涉及金錢交易，我就未幫客人做過，以我所知香港未有任何代母產子案例。」
嘉玲迴避唔答
本周一（ 29日）下午，嘉玲由半山寓所乘保母車出發到位於大坑的澤東電影公司，嘉玲一見記者即木無表情直衝上澤東，個多小時後離開。記者再上前問她求助何永超醫生多次人工受孕失敗後，會否考慮搵代母生仔？嘉玲聽完並冇否認，卻苦笑說：「我都唔知你哋講緊啲乜嘢！」然後匆匆離去。
偉仔媽空歡喜

一直有傳嘉玲與偉仔媽關係麻麻，但自從嘉玲公開話要為梁家開枝散葉後，婆媳關係真係有好轉。據知偉仔媽對抱孫寄望甚高，但多次中空寶，空歡喜一場。
08年結婚即造人

08年 7月，偉仔與嘉玲到不丹結婚，婚後即飛去印度見大寶法王作福「求子」，可惜用盡方法，連人工受孕都試埋都未有好消息。
人工受孕分兩種
現時香港人工受孕分「體內受孕」及「體外受孕」兩種。「體內受孕」是利用特殊設計的導管，將精子經由陰道及子宮頸，送到子宮腔內，藉以協助受孕。而「體外受精」則是以手術方法將卵子取出，與精子結合培育為胚胎，然後將胚胎移植到母體內，達至成孕。剛證實懷有雙胞胎的黎姿，便是以「體外受精」技術成孕，而劉德華亦曾揚言因為打算與朱麗倩接受人工受孕才秘密結婚。
據何永超醫生表示，「體內受孕」成功率一般約有 15%，而「體外受孕」成功率則達 30%或以上。不過亦會因女性年齡及身體質素而有所改變，已達 43歲的婦女懷孕機會只有 5%至 10%， 45歲過後就不宜再試人工受孕。

證實懷孖胎
3月初本刊獨家披露黎姿以胚胎植入方法成功懷有孖胎 5個多月，其主診醫生正是鼎鼎大名的何永超醫生。

努力造人中
年屆 40的李嘉欣曾大爆考慮找代母替她生仔，不過此話一出即惹來許家不滿。而去年 6月李嘉欣被拍到與老公許晉亨往中環太子大廈找生仔聖手何永超醫生協助，重新計畫造人大計。

爆劉嘉玲難以懷孕打完排卵針又植入胚胎

44歲的劉嘉玲與47歲的梁朝偉自08年7月結婚後，多次放風不設防造人，可以一直都沒有消息。

爲了懷孕，原來兩人早于婚前已在吳君如介紹下，向著名婦産科醫生何永超求救。據知，劉嘉玲與梁朝偉試盡多種受孕方法，婚前曾打排卵針，去年更花逾50萬，多次將體外受孕的胚胎植入子宮，不過至今仍未成功。劉嘉玲知道成功懷孕機會十分微小，也不再強求，故近月已表示生子一事順其自然。

人工受孕不成功，劉嘉玲梁朝偉也沒有氣餒，記者問過劉嘉玲主診醫生何永超，他說香港法律允許代母生子，不過不可以涉及金錢。以梁朝偉的號召力，不收錢都有大把女士爭做代母啦。