明星靚相大分享☆

江若琳（ Elanne）自從上一張專輯唱過一首快歌《 Show You》後，就愛上跳舞，早前隻身往韓國學藝，為成為能唱能跳的動感歌手做準備。江若琳回港後更自爆在韓國學舞期間有艷遇，被當地男生狂追索電話號碼。

江若琳早前為演繹快歌《 Show You》而苦練舞藝，誰料一舞上癮，故決心到韓國學跳舞， Elanne謂：「做歌手唔可以淨係唱慢歌，要多元化，而且唱快歌的確係可以令歌迷投入啲，現場氣氛更好，之前首快歌，反應唔錯，仲因為跳過一次而愛上咗跳舞，最近又有新嘅快歌，排嘅舞難度高咗，仲想再挑戰多啲高難度動作。」

搭地鐵有艷遇 放大圖片

早前江若琳赴韓苦練舞功，希望能成為跳舞天后。資料圖片

Elanne在韓國除學舞外還順道旅行，問她有冇艷遇？她說：「有次搭地鐵時，突然有個男仔走埋嚟問我要電話號碼，我同佢講我唔係韓國人，之後就問我要 Email，我唔畀，佢就寫自己個 Email畀我。」原來 Elanne每天都將自己打扮到靚靚出發，難怪會被狂蜂釘上。

自封超級路癡 放大圖片

原來江若琳是多啦 A夢迷，難怪一提起多啦 A夢的故事便滔滔不絕。

這次旅程令 Elanne獲益良多，她說：「咁大個女都係第一次一個人出門，學到好多新舞步，仲令我愛上一個人去旅行，好有成功感。」 Elanne自爆一向是超級路癡，即使在香港也會迷路，這次孤身到韓國，不但沒有迷路，還懂得到處遊覽，她說：「自己識搭車去到目的地，開心到不得了，一個人去旅行想去邊就去邊，仲要冇人識我，每日好自由周圍去，我決定有時間每年都一個人去旅行。」此外，早前 Elanne為動畫電影《多啦 A夢之大雄的人魚大海》配音，聲演公主一角，原來她一向都是多啦 A夢迷，她說：「之前都配過另一套多啦 A夢動畫電影，今次再搵我，真係好開心，因為由細到大都好鍾意多啦 A夢，每次配音都好興奮。」採訪：胡比攝影：陳順禎


江若琳自從一舞上癮之後，不自覺地周身郁，連坐下來時也忍不住踢腿練舞。