FACEweekly
芝心批 卓韻芝
卓韻芝《床上哈哈笑 One Night Stand》
日期： 2013年 12月 19至 20日
時間：晚上 8時 15分
地點：灣仔伊利沙伯體育館
票價：$480/$380（ 11月 7日起於城市電腦售票網公開發售）
上年憑短片《打錯》奪獎，今年首執銀幕電影《爆 3俏嬌娃》有包袱嗎？
有幸電影公司膽粗粗找我一個新人導戲，因為拍的是動作喜劇，動作片我未接觸過，當然幾大都試。冇話有甚麼包袱，我覺得拍得夠生活化，唔好太超現實，能夠引起觀眾共鳴，就係好電影。套戲係講 3個女仔為自己不同人生目標而去練拳，套戲英文名叫《 Kick Ass Girl》，其實就係想講女仔都有打不死的精神！
'11阿芝首個小螢幕作品，就是參與一個短片企劃《你還可愛麼》並監、編、導、演當中短片《打錯》，當中阿芝透過一個打錯的電話，與一位小演員 Pizza電話對談講親情。短片上年獲第十七屆 ifva比賽公開組銀獎，阿芝自己都話好 surprised。
《爆 3俏嬌娃》下星期上演，拍畢後對來臨創作有甚麼得着？
我反而好 enjoy套戲即時畀到我的 feedback，例如作為導演的我，會因為臨時租場拍戲要加錢、又或是天氣轉壞會發脾氣，而 Chrissie又會因為演唔好某場戲而發𤷪𤺧，好慶幸 3位主角 Chrissie、 Dada及 Hidy都係女人，好多嘢都唔使講會明，最開心係同到 Chrissie成為朋友，有時半夜三更會 whatsapp對方邊間餐廳好食咁，係我拍呢套戲之前諗唔到的。
早前有份演出陳果導演的《那夜凌晨》，片中阿芝要飾演一個情緒大起大落的人，片中演員華哥（任達華）休息時會同佢分享演戲技巧，話演戲有時要演、有時不需要演，例如回憶鏡頭可以放鬆自己，等自己唔好演咁急，阿芝話對佢棟篤笑騷好有幫助。
向愛看電影的你，今次導演最着緊哪個部分？
拍戲最緊要美感，自己好鍾意'11美國科幻拳擊片《 Real Steel》個拳館景，而我亦好執着於顏色，某幾個鏡頭都有參考西班牙名導演艾慕杜華幾個過鏡場口的顏色配搭。戲中拳館雖然搭建出來，但我同道具同事講要好生活感，例如拳館係會有雪櫃、又會有微波爐，加上戲中 Chrissie係前鋪後居的，所以拳館入面會有化妝枱。
除了畫面，阿芝對配樂都有要求，先找來《志明與春嬌》配樂手 Alan Wong為戲編上不同小提琴、管弦樂、 Flamingo等音樂，再找來鄭秀文主唱、藍奕邦填詞主題曲〈原始武器〉。
緊接的 12月棟篤笑騷《床上哈哈笑》，與上年《罪該萬死》有甚麼不同？
《床上哈哈笑》的 idea，來自某日一位朋友的真實經驗，佢話佢老公唔明月經來臨有多痛，我覺得如果將這些生活瑣事來造話題幾有趣，除了兩性關係亦會講吓現時生活都市病，例如電話得番 10%電時係一種恐懼等。上次《罪該萬死》則大談個人性經驗，而且當時個個都話世界末日，所以連妝、着衫都 dark一點，玩咗個 look成年，最近想轉造型，無諗過要得到別人甚麼評價，想試就試罷了。
上年形象大癲大肺，眼皮上點上兩點；今年轉玩清純 look，連《床上哈哈笑》 poster則大玩性感。
撰文：陳家豪
攝影：謝耀恆
化妝： Micky Choy@Such a good...
髮型： Ziggie@Salon La Mod
留言列表
