打爆電視歷史時刻又到喇！今次係 PS3 Move帶大家打黑拳，舊體感橫、直、勾拳只係小朋友打交，《 The Fight： Lights Out》話畀大家知，玩埋舂頭批踭、過肩摔都仲得！呢期公私諸事不順？上網睇埋《肉彈》試片，幫你上堂發洩、出氣深造班！記者：許福合攝影：陳盛臣Model： Betrys@GME
其他副刊影片 喪賭黑拳
仲記得《 The Fight： Lights Out》早前在東京遊戲展展出時，有個好正嘅日本名──《肉彈》，不過正式來到香港，就無採用，只係用番英文正名，感覺有啲失望，哈！當然，用咩名唔會影響到遊戲性，《 The Fight》係一款 Move體感遊戲，想享受拳拳到肉嘅快感，用家就要預備 Move喇！講真，呢隻 Game幾易學、又易上手，因為基本上識得用拳頭舂人嘅都會識玩，只要左右手各揸一支 Move控制器，就可以揮動拳頭打對手。而遊戲中嘅玩家，會係一個打黑巿拳嘅拳手，每局開始前都可以落注賭錢，有咗錢又可以買更好嘅訓練道具，再去挑戰難度更高嘅對手。
放大圖片 
■雖然係打黑拳，但有唔少場景可以揀。
放大圖片 
■開賽前，可以先看對手資料同獎金。
放大圖片 
■可以落注賭一手，仲有賠率， 2.4倍大冷喎！
放大圖片 
■雖然打到爆晒血，但做低對手就有機會學新招。
茅招惡搞 放大圖片 
■部份招式如鎚擊、批踭，要按掣先出到。
《 The Fight》易學，但絕對難精！初期嘅對手，唔使多研究，幾招花拳繡腿都有機會打贏。但對手會越來越強，而且仲會出茅招，變成摔角一樣，無乜規則限制。而玩家只要打贏幾個對手，就有機會深造，可以學習絕招。最基本拳法，直拳同勾拳，就只需要揸住手掣打出，試玩時就學到鎚擊同批踭，出招時按住 Move按鍵，鎚擊會舂對手個頭，而批踭就專打人心口，應係幾常用嘅茅招！除咗打之外，仲可以閃避，只要將兩個 Move手掣拍埋，左右擺動就會做出閃躲。之後仲有機會學到過肩摔，鎖頸等強招，仲唔係變成摔角？
四大狠招直拳
直拳同勾拳都係基本動作，揸住手掣順住出招即可。
放大圖片 
放大圖片 
鎚擊
按住 Move掣，再提高手臂揮打，角色就會使用鎚擊打對方頭部。
放大圖片 
放大圖片 
批踭
批踭出招同真實動作有啲唔同，按住 Move掣，再做出近似勾拳動作，就會手踭打人。
放大圖片 
放大圖片 
閃避
將兩個手掣拍埋，向左或右擺動，角色就會跟住方向閃避。
放大圖片 
放大圖片 
玩後感發洩減肥佳品 放大圖片 
■打兩個回合，就好似跑咗幾個圈一樣。
基本上操作方面唔錯，除咗無打中嘢快感外，將對手幻想成仇口，發洩認真一流。不過打兩回合後，包你氣喘如牛，好似落場跑幾圈一樣！絕對係 Kick Boxing級，發洩、減肥佳品。
Profile
主機： PS3＋ Move開發： XDEV類型：動作遊戲人數： 1-2人售價：$298推出日期： 11月 18日查詢： PlayStation（ 2341 2356） 
留言列表
