多年前去過香港的美食節，逼人不在講，所謂「美食」只是各大食品公司的陳年貨尾，仲聲稱益街坊賤價一折出售，自此對「尾食折」敬而遠之。望過大海對岸，人家的美食節名副其實，不知不覺已來到第十屆，依然越搞越大越有睇頭！記者：曾冠輝 攝影：黃子偉模特兒： Paris Chan@ Pure Models
其他副刊影片 日少林下山撐河南小食 放大圖片 
■京都老蔡記已來到第三代，餃子真正皮薄餡靚。
上周五，細雨帶風濕透馬交的街道，「澳門美食節」於旅遊塔下的西灣湖廣場，如常開幕。話晒嚟到第十屆，規模固然有增無減。除了慣常列席近百家澳門地道食肆，中式、亞洲、歐陸、風味、甜品等區域之外，今年還增設了兩條主題小食街，請來河南及馬來西亞兩地共 30多家大舖小店遠道而來擺陣迎賓。站在左河南右馬拉的兩個大門前，我首先被木無表情守在「街口」的少林僧人吸引住。若然事前你問我：河南有咩小食出名？我應該即時囧樣。就係因為咁，河南美食街即時神秘又美麗。穿過偽裝的牌樓，面前兩排檔口內每個「店小二」清一色穿上同款古裝，放眼各家不是老字號，就是當地薄有名氣的。其中的老侯家，派出兩位店小二舞鞭一般將搓好的麪粉拉吓彈吓又 fing吓， fing出河南地道的燴麪，偏平而粗幼不規則，泡上濃濃羊肉湯正合秋冬滋補用；過隔籬，站台也是位大叔，是百年餃子店京都老蔡記的第三代傳人。為了把最地道的招牌餃子帶來澳門，專誠從鄭州帶了馬尾松鋪在蒸籠底，散發出獨有松香。餃子皮極薄，夾起卻又帶韌不易散。餡料多，豬肉配上清爽馬蹄，既有肉味又減油膩，不枉為清朝宮廷御膳之一。「咦？咁少林武僧呢？」當然唔會有「少林廚神」或「易筋經包子」。美食節除了食都仲有表演睇的，不單止純歌舞，還有雜技、民族舞蹈。河南嘛，當然派出少林武術上台，滿心期待鐵頭功與金剛腿……武術表演唔係晚晚都有，撞唔撞啱就睇施主造化。
放大圖片 
放大圖片 
■師傅做這糖藝已二十多年，十二生肖任你揀佢都整得出。$10/個
馬拉香花煮叻沙 放大圖片 
去年美食節，已請來檳城的美食單位，今年乾脆一併請來 20間食肆助陣。馬拉街前是一座馬來西亞傳統房屋模樣的三角形牌樓，未進內已嗅到陣陣藥材氣味，是肉骨茶呀！多久沒有到訪馬拉，懷念一碗熱騰騰的濃香肉骨茶做早餐， 40年歷史的盛發帶來一大鍋最地道的，正好讓我搔一搔癢；這時對面舖竭力在平底鑊上炒着粿條，醬油肉絲炒來香氣毫不輸蝕，入夜後更冒出整日惟一驚見的人龍；入啲，仲有一檔叻沙兼賣蝦麪的，豬牛雞鴨魚蝦蟹喺澳門都可搵到，惟獨一種香料「香花」只馬拉獨有，檔主隨團帶來，切碎灑上叻沙湯面，立即增加一份清香，是任你在香港馬交都無法找到的味道……其實所謂馬拉街，就像是把當地的夜市或熟食中心整個搬來馬交！
放大圖片 
■盛發特地帶來大鍋炮製地道肉骨茶。
放大圖片 
■這個香花只能在馬拉找到，撒一把切碎了的，香味立即昇華。叻沙$25（ 88舖亞海福蝦 麪）
全場最抵！$25法國鵝肝
除了兩條過江龍，澳門本地亦有中堅和新血。攝影師離遠已認出：「嘩！水佬榮呀！我鍾意！」檔面沒有招牌花甲蟹煲，而是堆滿一隻隻蒸得橙紅的大閘蟹，齋睇都已夠開心，可惜連日來幾餐蟹局，蟹膏尚未化做營養，不如要個椰青消消滯。不料檔主掏出一個真係青 BB兼未批皮，原隻大大個的椰青不特止，仲拎埋電鑽開窿，可謂大陣仗，齋睇呢下都值回票價，不過拎住咁大隻椰青邊行邊飲真係幾攰。又有一檔是一班年輕男女主理，力叫：「 25蚊一件法國鵝肝……」嘩！抵！好醜都要試啦，一塊法國鵝肝 size都有 3× 3cm，簡單配一片多士入口滿口油香，只略嫌煎得過火了少許。店家喜好是澳門新開食店，主打西餐甜點，以為是柴娃娃幾個後生開舖創業，原來還有前酒店廚助陣。又難怪能創出另一道以蕉皮作碗的焦糖布甸，滿載香蕉氣息之餘亦吃得過癮。
放大圖片 
■澳門大學生開幕當天即時到場率先食。
放大圖片 
■萬豪軒最有葡國建築特色。
店花 Top3！ 放大圖片 
■中國代表比較爽朗。（ 79舖滿天星）
日頭在場內繞了一圈，好些店因為香味、因為 gimmick、因為個人喜好，亦有一些為了「表面風光」而靠近，包括店裏給你遞上食物的那個。望住靚女，點都食得開心啲。
放大圖片 
■韓國代表帶點靦覥很可愛。（ 30舖東大門）
放大圖片 
■澳門代表活潑又健談。（ 62舖喜好）
放大圖片 
■滋補燴 麪$20（河南美食街 78舖老侯家歸芪滋補燴 麪館）
放大圖片 
■馬蹄豬肉餃子$10/籠，抵食！（河南美食街 73舖京都老蔡記）
放大圖片 
放大圖片 
■大閘蟹，三十蚊有交易。（中式美食街 15舖水佬榮飯店）
放大圖片 
■肉骨茶$25（馬來西亞街 93舖巴生盛發肉骨茶）
放大圖片 
■馬交電鑽椰青王！$15/個（中式美食街 15舖水佬榮飯店）
放大圖片 
■葡式蛋糕$20/個（歐陸美食街 53舖澳門咖啡）
放大圖片 
■法國鵝肝只係$25件，全場最抵食！（歐陸美食街 62舖喜好）
放大圖片 
■蕉皮完全滲入布甸而又唔會太濃。$20（歐陸美食街 62舖喜好）
放大圖片 
■榴槤烤餅$35（亞太美食街 25舖印度園林）
夜檔主 Natural High! F1有得試玩 放大圖片 
入夜後，雨仍在下，大概因為周五收工，會場漸漸人多熱鬧起來。美食節期間，大會邀得來自馬來西亞及河南的表演隊到來，每晚輪流表演雜技、舞蹈、武術等節目，同場還設啤酒競飲大賽，打造成嘉年華般的氣氛。開幕當晚就見馬來西亞一支表演隊，在一隅空地豎起大旗，旗可不小，足有五六個漢子咁高。只見領頭的用腳輕輕一踢，旗杆便頂在後方隊員頭上，看得人目瞪口呆嘩嘩嘩的……
放大圖片 
■騎膊馬頂大旗，一樣得！
放大圖片 
■夜晚呢個 bar最熱鬧，睇裝飾以為經已聖誕。
放大圖片 
■啤酒其實幾抵飲，仲有不少進口生啤，$30杯買二送一。
放大圖片 
■啱啱過完啤酒節，呢班德國人喺度又飲過。
放大圖片 
■狂播 Lady Gaga，邊跳邊賣糕點，吸引不少人前來，係有計！
台下檔主也有 natural high的。遠遠聽到嘭嘭聲 Lady Gaga，見三個麻甩佬 un身 un勢 fing手又 fing頭，唔型，不過極之好玩：「我哋已經第 8年參加美食節，今年係佢哋請我哋嚟，因為我哋係全場最識搞氣氛！」澳門咖啡檔主是葡國人，操半鹹淡廣東話，不時叫路過遊客一齊跳，仲會撩吓女仔：「靚女，我請你食件餅，唔使錢！」講講吓，突然走到雪櫃斟咗杯 Vodka請我飲，當然奉陪啦！我懷疑夜少少檔口對開空地會變成舞池。另一邊廂，突然又冒出一條人龍，攤檔內放着一台遊戲機，美食節連機都有得打？之唔係順道踩場宣傳澳門一年一度格蘭披治大賽車，完全模擬比賽賽道，玩完，你就知揸 Formula 1真係唔易！
第十屆澳門美食節
地點：澳門西灣湖廣場日期：即日至 21/11時間：周一至四 5pm-11pm，周五至日 3pm-12mn備註： 13/11及 21/11， 9pm還有煙花睇。
放大圖片 
放大圖片 
■大會推出十周年紀念郵票，只要在場內消費滿$300即免費贈送。
＊文中價錢為澳門幣
WEEKEND好旅程 放大圖片 
澳門明日多雲， 19-22℃ 
活樂遊 2：火辣！冬蔭馬天尼 舞姿泰性感
美食節開幕日即使下着雨，入夜後也開始熱鬧起來，想找個位坐都難。加上表演上台、食檔 natural high勁歌亂舞不特止，連酒店都主動補美食節之不足，自己搞個泰國美食節，上演冶艷傳統舞步，全城盡興。記者：曾冠輝 攝影：黃子偉、曾冠輝模特兒： Paris Chan@ Pure Models
名廚主理泰式 Buffet
你有無發覺，堂堂美食節竟然沒有泰國菜。唔緊要，有酒店主動補位。星際酒店自助餐廳品味坊同樣上周起開辦「泰國美食節」，唔係齋整幾道泰國菜穿鑿附會，而是專誠邀請泰國 Banyan Tree的名廚助陣，主理幾道至地道泰菜：香茅蝦沙律、青咖喱雞、芒果糯米飯等。以為是逐樣 order的菜式，原來是列陣自助餐吧枱上，我都真係未試過任食芒果糯米飯。不過未食到芒果糯米飯，急急又有另一泰味上場，是一場傳統的泰國舞蹈，舞者同樣來自泰國，穿上性感的傳統舞衣，加上優越的身材，婀娜舞姿抓住了全場目光，看得奪魄勾魂。
放大圖片 
放大圖片 
■沒甚麼舞台，就在食客身邊跳舞你睇。
放大圖片 
■香茅蝦沙律
放大圖片 
■青咖喱雞
泰滋味自助餐：
成人午餐$128、晚餐$238；小童及長者（ 4-12歲及 60歲以上）午餐$88、晚餐$158日期：即日至 14/11品味坊：星際酒店及娛樂場 16樓
迷人女酒保之夜
原來除了食和色，連酒精都可以貫注泰味。食飽飽行過隔籬酒吧，早已有幾款 signature cocktail侍候。紅紅藍藍的一如以往吧，反而一杯外表尋常至極的 Martini，到底有咩底蘊？ Bartender故作神秘，好，我自己試！一飲，甜甜哋酒精唔重，而且帶微酸，是一種很熟悉的味道，然後一道辣勁湧上舌頭，越燒越猛，哦！原來是冬蔭馬天尼。老實講如果事前話你知，你一定會覺得：「九唔搭八！」飲落至辣勁散盡諗番轉頭，其實味道合情合理且相當匹配，仲幾過癮㖭，值得一試！不過如果要嚟，我會建議在周二，酒吧於 11月逢周二 7-9pm舉行「迷人女酒保之夜」，請來三位身材高䠷的索女做酒保，為你搖酒調 cocktail，可能杯冬蔭馬天尼或者會仲火辣啲。
放大圖片 
放大圖片 
■逢周二仲有靚女酒保幫你搖 cocktail。
放大圖片 
■這款冬蔭馬天尼夠晒驚喜，辣勁加酒精，過癮！$60
放大圖片 
■兩款比較適合女生的 cocktail： Blue Diamond（右）$55、 Around Starworld$58
品味吧：
星際酒店及娛樂場 16樓
WEEKEND好旅程 放大圖片 
澳門明日多雲， 19-22℃
Travel Memo 放大圖片 
持香港居民身份證毋須簽證。澳門駐港旅遊局： 2838 8680噴射飛航單程船票$134起。噴射飛航電話： 2859 33331港元約兌 1.03澳門幣220V，三扁腳插座＊文中價錢為澳門幣 
■ Dancer真係泰國人嚟 o架！
留言列表
