台灣宅男變心捧豆花妹 瑤瑤好身材滯銷

最近台灣有網站舉辦“誰才是你心目中女神”選舉，憑32F胸前巨乳俘虜宅男色心的瑤瑤，慘得兩千票支持，反而新進靓模，人稱“豆花妹”的蔡黃汝以一萬九千票遙遙領先。

今年21歲的蔡黃汝早前在旅遊景點賣豆腐花，清純樣貌被網友拍下後上傳到互聯網一鳴驚人，宅男叫她做“豆花妹”，最後她被瑤瑤的前經理人看中，簽到旗下。

純情學生妹鬥贏童顔巨乳，瑤瑤人氣暴跌的致命傷多少同她作假有關，正如上個月，瑤瑤推出處 女大碟《愛的抱抱》成爲五大唱片銷量榜冠軍，搞到張韶涵、陳奕迅無緣奪冠，買榜迹象如此明顯，分明當人是傻子。

國台扮
宅男變心　瑤瑤豪乳滯銷
2009年11月12日
最近有網站舉辦「誰才是你心目中女神」選舉，憑 32F胸前巨乳俘虜宅男色心嘅瑤瑤，慘得二千票支持，反而新進 o靚模、人稱「豆花妹」嘅蔡黃汝，以一萬九千票遙遙領先。
今年 21歲嘅蔡黃汝，舊年暑假响旅遊景點「台北故事館」入面賣豆腐花，清純靚樣俾網民拍下上載互聯網後一鳴驚人，宅男叫佢做「豆花妹」，純過蒸餾水嘅外形，最後俾瑤瑤前經理人睇中，羅致旗下。
勁敵當前，瑤瑤似乎未驚過：「我知道她，她蠻可愛的啊！」禮尚往來，「豆花妹」亦識做送高帽：「瑤瑤年紀比我小，知名度比我高，真的很感謝大家支持！」
純情學生妹鬥贏童顏巨乳，瑤瑤人氣暴跌致命傷，多少同佢「作很大」有關，正如上個月，瑤瑤推出處女大碟《愛的抱抱》成為五大唱片銷量榜「冧巴溫」，搞到張韶涵、陳奕迅無緣奪冠，買榜買到出晒面，咪當人傻先得 o架！
瑤瑤 Profile
姓名：郭書瑤
出生日期： 1990年 7月 18日
三圍： 32F． 23． 33

cup幾乎同腰圍成水平線，瑤瑤豪乳把戲觀眾開始睇厭，繼續扮娃娃音唱「愛呀呀呀喔！愛的抱抱」都挽回唔到民望！
豆花妹 Profile
姓名：蔡黃汝
出生日期： 1987年 11月 15日
三圍： 32C． 24． 34

「豆花妹」以前做 o靚模企足一日電腦展，只有五千台幣收入，而家人氣旺每日走兩三場騷，每場有二萬台幣進賬，難怪「豆花妹」希望四年後可以儲夠首期買樓。


入行後主力代言線上遊戲，其中一輯夾胸公益廣告，大部分男 fans認為「豆花妹」露太多，一人一句上網投訴，世界變！
 
日本網站都有報導「豆花妹」消息，不過有部分日系宅男，上鹹網留言話「豆花妹」有做 A V女 優條件，適宜用嚟生剝。
 
就係呢張清純賣豆腐花相，令「豆花妹」驚艷互聯網，據聞住响台南嘅宅男，專登包車北上食豆腐花，順便一睹女神真人風采，加上「豆花妹」最叻賣口乖，會企响鋪入面大聲叫：「大哥哥，食我的豆花！」係男人聽到都會自動幫襯啦！

蕭淑慎改邪歸肥
兩度索 K斷正嘅「台灣毒后」蕭淑慎，最近有消息話佢無法通過驗尿測試，懷疑又嚟料。
唔食又食，蕭淑慎解釋一直有食抗抑鬱藥，相信只係藥物影響到尿液結果，因為之後驗埋頭髮，全部 pass，蕭淑慎希望外界俾多啲支持佢，唔好再胡亂發放假消息。
決定重新做人，蕭淑慎最近迷上做義工，上午負責照顧精神科病人，下晝就去老人院照顧老人家，仲話自己冇晒毒癮，只係呢大半年養尊處優，心廣體胖肥咗兩個碼，壯臂粗腰仲要生到滿面暗瘡，令一代性感女神變成巨躉肥師奶！


兩度吸毒斷正，蕭淑慎被判 160小時社會服務令，自此佢開始迷上做義工，除咗照顧精神病人，仲會去老人院陪班公公婆婆傾偈打麻雀。
 
愈踩愈深
 
球迷世界
 
肥美巨躉　曾幾何時，蕭淑慎有樣有胸有身材，自從毒癮大發，何止做節目集中唔到精神，仲瘦到剩番棚骨，之後成功戒毒出現失控暴肥，證明針冇兩頭利。
 
2/11　吹脹方包面加埋對黑眼圈，蕭淑慎上個禮拜買完麵包餅乾，準備返精神病康復院做義工，一再強調今次戒毒非常成功，只係肥咗啫。

小 S大言不慚
小 S新一輯塑身內衣廣告大受歡迎，上個禮拜品牌商舉行記者會，宣布公司業績衝破六千萬台幣，身為代言人嘅小 S當然功不可沒。
記者問佢天下間有邊位女明星身材好得過佢，小 S認真回答：「硬要我講身材比我好的，勉強只有大 S，但她是屬於溫馨型的身材，我走極致惹火路線！」
明益自己友，小 S之後愈講愈離譜：「林志玲太高，蔡依林太矮，楊丞琳牙齒沒有我白……」將所有唔同年齡界別女神踩完一腳再多一腳，之後仲擺奶奶上枱：「婆婆（奶奶）本來也想穿（塑身內衣），但擔心胸部過於尖挺，害羞算了。」


要騷身材，小 S即場扭動蛇腰任影，又大讚家姐身材比自己更加好，果然姊妹同心！


 
代言之後公司銷量有升冇跌，小 S仲賣口乖話自己阿媽著完之後，胸部大一倍隨時可以覓到第二春，幾識擦鞋！

大 S入廠美白
就算有細妹力讚，大 S對靚嘅要求始終係無窮無盡，學佢金句話齋：「天下沒有醜女人，只有懶女人！」，要保持肌膚白到反光，定期維修絕不能偷懶。
早排大 S由媽咪陪同，去到一間專做激光美白嘅診所，進行美白工程。唔想行蹤洩露，大 S當日表現避忌，落車時戴黑超仲要四圍望，見無閒雜人等，先敢一個箭步衝上樓。
大約過咗一個鐘，大 S黑超加大口罩再用雙手遮面，急步跑上車，事關做完激光美白，切忌同陽光玩遊戲，否則前功盡廢！最緊要夠白，想當年佢同仔仔未分手，兩個拍拖打美白針有福同享，如果佢同古天樂嘅緋聞係真的話，古仔應該睬佢都傻！ 
戴住黑超嘅大 S，上樓前擔心有人跟蹤，於是响樓下四圍望咗一陣先敢上樓！
 
同媽咪離開美容院，大 S戴埋口罩再用雙手遮太陽，保證密不透光。




 

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 過期 週刊 及 雜誌(4-11月刊)☆ 過期 週刊 及 雜誌(10-11月刊)☆

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄