女子組合 at17的林二汶及盧凱彤（ Ellen）去年分開發展，二汶與哥哥林一峰孖住出碟、開騷， Ellen就為其他歌手的演唱會擔任結他手，近日她更推出了單曲碟，很多歌迷都擔心 at17不會再重聚，不過 Ellen透露她和二汶已經開始計劃兩年後於紅館聚頭。
香港的組合於樂壇可以站穩住腳的可算不多，而且還要賺到錢的，更少之又少，相信 at17都不例外。去年林二汶及 Ellen分開發展，各有各做， Ellen為陳奕迅（ Eason）、楊千嬅等擔任演唱會結他手，她笑言走埠差不多一年，收入十分滿意：「今年真係度過咗艱難期，雖然彈到手指都腫晒，但係收入係咁多年以嚟最穩定同最滿意嘅。」
願無酬幫憶蓮 放大圖片 
過去一年盧凱彤跟隨陳奕迅走埠開騷，獲益良多。 資料圖片
Ellen覺得每次與不同歌手合作，都可以從他們身上學習到新知識，她說：「同陳奕迅做咗咁多場演唱會，我睇到佢嗰份專業同創新，可能一首歌唱過好多次，佢每次唱都令人 feel到佢好有 heart。」另外 Ellen最希望可以有份擔任偶像林憶蓮演唱會的樂手，她更揚言假若有這個機會，就算沒有酬勞都會答應。Ellen表示收入多不會令她動搖而放棄好拍檔二汶，她說：「我點會捨得掉低佢呀，雖然做結他手嘅收入好穩定，但係我哋點都會繼續做 at17，我哋已經開始傾緊兩年後嘅十周年演唱會。」
翻唱王菲舊作 放大圖片 
二汶（左）和盧凱彤已有計劃兩年後於紅館開十周年演唱會。 資料圖片
近日 Ellen推出個人單曲碟，當中她翻唱了王菲的《 Summer of Love》，當年為阿菲執導拍 MV的區雪兒亦為 Ellen的 MV執導，她說：「因為區雪兒喺我監製度聽到我唱呢首歌，之後佢仲主動話要幫我拍《 Summer of Love》。」採訪：李珮洳攝影：陳慧安 
盧凱彤最近推出單曲唱片，想提醒自己及歌迷，她仍是歌手。
化妝： Kris Wong
髮型： Derek Ng（ P.O.P. Hair Dressing）
場地： P.O.P. Hair Dressing
留言列表
