9:32pm助手一號 EdithFiona從後箍住，女助手亦樂於接受，伸手搭番 Fiona膊頭。
封面
唔受林二汶溝 薛凱琪後巷醉攬美少女
馬賽 BB暗撻有米 TB汪子琦，初時死口唔認仲鬧傳媒斷章取義，但轉個頭就被影到兩個啜爆上海外灘，大話女神即時現形。
同性唔止三分親，同房祖名分手後一直未搵到長久關係的薛凱琪，多年來緋聞有男有女，早前更傳出被林二汶力追，但最後冇晒下文。請人食檸檬，全因 Fiona根本不愁寂寞，上週四（ 7日）晚，本刊發現 Fiona搞音樂會慶功，其間與身邊的美少女非常親密，飲大兩杯的 Fiona仲攬實對方唔願放手！
男人花心信唔過，又唔怪得阿 Fi轉投同性密友懷抱喎！
微胸壓Fiona攬實女助手時一臉陶醉，瞇晒眼咁，擺明好冧喎！ 
掃背Fiona突然手多多輕掃助手背脊，硬係要有身體接觸先安樂！ 
杯杯清Fiona杯杯清， Edith喺後面睇實「老細」，好細心。 
9:42pm攬到攰， Fiona坐低休息都要女助手企喺側邊陪住。
愈攬愈實
Dry足咁耐，怕悶 Fiona近期再黐實一班同性圈中好友，仲密密聚會。
上週四（ 7日）九點幾， Fiona做完《 WeChat live show》後，拉隊去大圍蠔吧慶功。成班人有男有女，偏偏 Fiona在後巷等位期間，全程黐實一名細佢一截嘅長髮女子，又攬又箍，其間女友人亦伸手反拖 Fiona。見對方有反應， Fiona唔顧歌星身份，索性成個頭埋在女友條頸唔郁，愈哄愈近；突如其來的親密舉動嚇到身邊人呆一呆，惟有扮篤電話解圍，而同場其他朋友亦唔敢行近騷擾。
薛父慶功當晚， Fiona父親（右二）亦有到場撐愛女，不過 Edith坐正對面， Fiona全程掛住同 Edith傾偈。 
因為懂得，所以慈悲。真實對白（網上圖片）
辭職做助手
助手二號除咗 Edith， Fiona近日又請咗新助手（右），一睇對方鏟晒青嘅男性化打扮，就知 Fiona近期口味啦！《蘋果日報》圖片
據知該長髮美少女係 Fiona新女助手，全名鄭懿德（ Edith），曾在商台製作部做過 3年，與圈中人頗為熟絡，亦認識曾追 Fiona的林二汶， Edith在商台任職期間認識 Fiona，直至去年叱咤頒獎禮後辭職唔做。
「 Edith同商台講話會去讀書所以唔做，但轉個頭又走去做阿 Fi助手，呢個圈咁細，邊有得呃！不過佢同阿 Fi真係好好感情，雖然只係助手，但阿 Fi有咩會預佢一份，就算私人時間都嗌埋佢一齊出嚟，或者上阿 Fi屋企傾偈。」知情人士透露。
Fiona：要陪瞓
其實 Fiona性向成謎都唔係第一次，初入行 Wyman一首〈男孩像你〉已經唱出心聲，當時仲經常蒲 les bar，曾被傳與一個有米 TB Ann行埋，對方曾在銅鑼灣耀華街開酒吧，一班圈中女星如鄧麗欣、阿嬌等，都當成私竇晚晚蒲，而曾經都係 les女的陳樂瑤和中性打扮的王若琪亦是座上客。
後來 Fiona同房祖名拍拖，分手後又有黑人新歡，可惜都係唔長久。冇仔陪的日子， Fiona又開始黐番班女同志 friend，「阿 Fi身邊一向有班 les玩得好埋，之前有拖拍梗係戀愛大過天啦，不過一甩咗就會搵番佢哋一齊蒲吧，佢嘅口味可以變得好快㗎！」
本週一（ 11日），本刊致電 Fiona，她就解釋︰「唉！其實我請兩個助手，係因為轉咗公司之後，好多創作上嘅嘢都要親力親為，又買道具又要借衫咁，自己一個做唔晒！我又一定要請女仔，工作時換衫都方便啲，最重要係，出 trip時我唔敢自己一個瞓㗎！真係要陪瞓！我請助手亦唔會理佢哋係唔係 TB，心地好同夾得埋咪得囉，佢哋好好㗎！」要陪埋瞓，唔怪得感情咁好啦！
大愛三角Edith成功混入 Fiona嘅明星圈子，同林二汶好 friend㗎！網上圖片 
林二汶同 Fiona之前喺演唱會跳辣身舞，更傳出二汶想追 Fiona，可惜二汶最後食檸檬！ 
Edith（左二）曾喺商台任職，同少爺占（左）等人關係唔錯。 
上年 Fiona被影到同湯駿業喺上環街頭拖手激咀，點知對方唔過電，又係冇米粥！
悄悄話
Edith（右）生日， Fiona即買晒蛋糕同佢慶祝。（網上圖片） 
Fiona近排忙新碟搞到時間日夜顛倒，好似早前 Fiona朝早 6點都未瞓，就 WhatsApp問 Edith瞓未，難得 Edith一分鐘之內就仆起身覆番 Fiona，真係傾少一陣都唔得！ 
上週二（ 5日） Fiona整咗張翻版 Titanic嘅 Bitstrips公仔相， Fiona從後攬住 Edith，仲話叫 Edith放心，因為佢唔會由得佢自己一個跳落海咁話！
Fiona自爆 Edith望住佢瞓，似足情侶咁 sweet喎！ 
Edith用潮 app整漫畫，話成日都要叫 Fiona起身，仲爆 Fiona鬼咁爛瞓添！
時直時攣
Fiona揀 partner口味多元化，由 ABC初戀男友、有米 TB、星二代房祖名到黑人酒店高層，個個唔同 type，睇得出 Fiona真係幾大愛 open mind！
'00 ABC初戀
Fiona高中時同同學 Pete拍拖，後來因為男方去英國留學而分手，但兩人仍然做到朋友， 04年除夕仲約埋一齊倒數。
'04 有米 TB
入行冇耐， Fiona與開酒吧的 TB Ann玩得好埋，更被雜誌影到孖住搭的士去對方北角屋企過夜。
'05 轉嗒祖名
05年拍《早熟》撻着，可惜 09年分手。有傳祖名非常花心，拍拖期間成日出去玩，搞到 Fiona疑似因為佢患上抑鬱症。
'10 黑人高層
讀國際學校的 Fiona， 10年突然重口味同黑人拍拖。對方係澳門威尼斯人酒店高層 Reggie，但 Fiona至今都唔認戀情。
留言列表
