踏入兔年娛圈喜事一宗接一宗，繼李嘉欣誕下麟兒後， 28歲饒舌歌手歐陽靖（ MC Jin）也於今晚在美國迎娶圈外女友 Carol。新郎哥下月返港時除會開派對跟香港老友慶祝外，更將接拍無綫新劇《 Laughing Gor》，跟謝天華一齊拍檔搵食。
其他娛樂名人影片
早前本報獨家報道歐陽靖將於今個月在美國迎娶拍拖多年的圈外女友 Carol，事後 MC Jin在網誌多謝各方祝福，默認婚訊。據知， MC Jin原來今晚（美國時間 2月 12日）在美國娶老婆，昨日準新郎將一對史迪仔與女友的結婚公仔照片放上 facebook，獲大批 fans送上祝福。
放大圖片 
日前 MC Jin在 facebook表示明年沒機會再利是，暗示即將大個仔。
放大圖片 
09年 MC Jin跟圈外女友 Carol求婚，二人今晚在美國拉埋天窗。
先留美錄音 放大圖片 
MC Jin昨日在 facebook上載了一張史迪仔與女友的結婚公仔照。
消息指出， MC Jin結婚後，將先留在美國為新碟錄音，雖然他低調結婚，未有邀請香港圈中好友出席，但下月 MC Jin返港後，將會再跟一眾香港老友食飯慶祝。據悉，他下月返港後將工作不斷，除將再為無綫 J2台主持節目《兄弟幫》外，更會為無綫拍攝電視劇《 Laughing Gor》（暫名），飾演謝天華的下屬。記者昨日致電《 Laughing Gor》監製莊偉健求證，他說：「係呀， MC Jin有份做，謝天華係刑事情報科嘅教官， MC Jin係其中一個學員。」問是否知道 MC Jin今個月結婚時，莊偉健笑說：「我知佢結婚，但就冇講幾時囉。」
拍 Laughing Gor
至於有份參與《 Laughing Gor》演出者還有劉松仁、陳法拉、徐子珊、黃宗澤、郭政鴻和狄易達等等，問新劇會否是《學警狙擊》或是電影《 Laughing Gor之變節》延續時，莊偉健說：「我哋只係攞番個人物嚟做，係一個全新古仔，當謝天華上次假死，原來佢去咗內地做卧底，破咗單大案之後返香港，做咗刑事情報科嘅教官。劇裏面陳法拉做謝天華女友，個樣好似佢以前死咗嘅女朋友，係一個全新角色，預計下個月中開工。」採訪：葉雪 
MC Jin下月完婚回港後，將參與無綫新劇《 Laughing Gor》演出。資料圖片
MC Jin 今 美國 娶妻 下月 返港 開 P 勤做工 鋪 結婚 史迪仔
留言列表
