已經 36歲嘅台灣女星陳德容,早年拍過唔少瓊瑤小說改編嘅電視劇,近年就主力留喺內地發展。陳德容日前接受訪問先話考慮結婚生仔,話口未完,佢噚日就被發現同男友恩愛拖手,喺台北睇婚紗禮服,睇嚟應該好事近。剪咗一頭短髮嘅陳德容,噚日下晝同地產商男友 Kevin,喺台北中山北路嘅婚紗店睇婚紗,兩個人睇完婚紗又睇配飾,之後就拍拖去睇新郎穿嘅禮服。陳德容同男友全程十指緊扣,鬼咁甜蜜,完全唔理旁人眼光,只陶醉兩個人嘅世界入面,連過馬路等紅綠燈時,都緊緊咁依偎,非常煙韌。

放大圖片
36歲陳德容噚日去咗揀婚紗,相信今年好事近。

36歲陳德容噚日去咗揀婚紗,相信今年好事近。

放大圖片
台灣女星陳德容曾同馬景濤拍瓊瑤作品《梅花三弄》。劇照

台灣女星陳德容曾同馬景濤拍瓊瑤作品《梅花三弄》。劇照

否認未婚懷孕

陳德容同男友籌辦婚事,俾傳媒發現後非常驚訝,問佢哋係結婚定係先訂婚,陳德容就開始面黑黑,由友人阻擋鏡頭,佢就馬上走人,似乎不想未婚夫喺鏡頭前曝光。據知, Kevin家庭背景不錯,早年發迹後移居美國,現時喺美國、上海都有房產事業經營,陳德容同 Kevin就喺幾年前認識,兩年前喺上海嘅教友聚會重逢發展感情,原來佢哋都係屬虎,如果結婚肯定虎虎生威啦。不過,陳德容家姐兼經理人陳雅容就唔願多講妹妹嘅婚事,只係話:「只是規劃而已,先看禮服。」又否認陳德容未婚懷孕。


陳德容同未婚夫 Kevin拖住手行街,鬼咁 sweet,完全旁若無人。

陳德容 拖 男友 煙韌 揀 婚紗  玩變臉

arrow
arrow
    全站熱搜

    stacylife 發表在 痞客邦 留言(0) 人氣()