最近走了一轉首爾,就更感東京勢危,護膚品市場已經被韓牌平價搶灘成功,現在連韓牌時裝亦作正面侵略,仲要侵得好勁!尤其是冷物類及褸款, style直逼 Topshop,摸上手質料更勝一籌,再睇睇價錢牌,抵到拒絕能力都無,走訪弘大兩間小店以證事實。記者、攝影︰吳美美Model︰ Cindy@Starzpeople鳴謝:韓國觀光公社

鋪雪小店任摷衫

弘大一帶,已經被遊韓人士列入一級進攻範圍,衫褲鞋襪護膚品手信,完全可令你韓圜一掃光,尤其是時裝小店更屬高危地帶,小記就是踩入了「 Dream Loft」這個地雷,銀包被炸。剛剛開店約有半年,本身負責設計的老闆金智洙已經在狎鷗亭、明洞都有開店,但始終處於弘大才能將其魅力發揮,亦覺得弘大女生着衫風格同自己設計十分 match。先吸引小記的,是因為她那鋪了雪的外圍,喺度搵靚衫感覺好特別,走入店內,橙色燈光即時變 warm,內裏又放滿如小木椅、木馬、拼布等小物,小角位置擺得好有日式小店 feel。不斷試衫摷衫老闆店員又無任歡迎,真係喺屋企都無咁放肆。

放大圖片
■紅色拼色背心外套約$497.4

■紅色拼色背心外套約$497.4

放大圖片
■金老闆除負責設計服飾外,店內佈置都一手包辦。

■金老闆除負責設計服飾外,店內佈置都一手包辦。

 

力推闊身衫 放大圖片
■店外圍佈置好靚,幾凍都要係咁影相。

■店外圍佈置好靚,幾凍都要係咁影相。

店的設計好 warm,亦都反映喺設計上,內裏 90%是自家設計,其餘引入的 10%都是韓牌。最為力推的是闊身冷衫設計,拎上手已經有幾件想直接拎去埋單,最欣賞是將兩種物料互拼,如針織大花圖案襯上灰色 sweater,抓毛豹紋料拼黑色 sweater,衫身又無過份 oversize,而且塑造到 vintage舊舊哋的風格,幾有歐美風,最緊要價位維持港幣二百幾三百, Topshop閒閒哋收你 double,有時間的都要睇睇眼鏡及襪款,幾十蚊貨仔好過甚麼 happy sock多多聲。順帶一提,店外有百幾蚊貨仔給大家尋寶,走前不妨睇睇。

放大圖片
■擺襪地方最深得我心,好鍾意側邊條冷底褲。

■擺襪地方最深得我心,好鍾意側邊條冷底褲。

放大圖片
■韓國眼鏡出名平靚正,呢度款式都係約$69.1。

■韓國眼鏡出名平靚正,呢度款式都係約$69.1。

 

記者 Best Picks 放大圖片
■紅色冷帽約$138.2

■紅色冷帽約$138.2

放大圖片
■黑色×豹紋闊身衫約$248.7

■黑色×豹紋闊身衫約$248.7

放大圖片
■毛毛拼布背心外套約$207.2

■毛毛拼布背心外套約$207.2

放大圖片
■格仔框眼鏡約$ 69.1、深藍×粉紅手袋約$400.7

■格仔框眼鏡約$ 69.1、深藍×粉紅手袋約$400.7

 

放大圖片

 

Dream Loft地址︰首爾市麻浦區上水洞 90-9

西橋洞小店 淨色褸款最強

西橋洞這條街開了很多小店,但就如旺中一樣,買衫風格類同,但踏入二月就開業足足十年的 Sibuya就有過人之處。單睇舖面以為是賣 vintage衫,但原來無 vintage呢回事,平均來講,褸款淨色無添加項目最強,單是一件 camel色長褸已經好殺,有淡淡 Celine feel,先賣二百幾,膊位長度啱晒亞洲人。家陣韓國人好 hit有帽長身軍褸,成街都係,但呢度就搵到 denim款,有毛毛厚身又保暖, main point係出街起勢同人撞衫。仲有記得走去店櫃望望,有時啲襪款幾得意,由於係 sample貨只有一對,唔使怕返到嚟喺加老威又撞款。

放大圖片
■初時外面睇佈局,超似賣 vintage衫。內裏擺設雖然唔特別,但靚款勝於一切。

■初時外面睇佈局,超似賣 vintage衫。內裏擺設雖然唔特別,但靚款勝於一切。

放大圖片
■動物圖案長襪約$41.4

■動物圖案長襪約$41.4

放大圖片
■軍綠色孖襟褸約$283.2

■軍綠色孖襟褸約$283.2

放大圖片
■雪花針織長褲約$200.3

■雪花針織長褲約$200.3

 

放大圖片

 

Sibuya地址︰首爾市麻浦區西橋洞 347-17

名牌商場平衫小店

作為一個標準自由行客,對外國商場應該採取無興趣政策,但對首爾時代廣場除外,起初以為她是單純賣 brand場,原來唔止咁簡單,位於 B1位置有類似東、南大門風格的賣衫小店,亦有類似街邊賣冷物、手袋小檔,最緊要有 24小時 E-Mart同一大堆平價護膚品牌,甚麼 Skin Food、 Etude House、 Aritaum都有齊,又同時相連新世界百貨,唔想喺天寒地凍的首爾街頭 shopping,呢度係小記會推介大家去的 shopping據點。

放大圖片
■有個露天公園,落雪景係幾靚,十分建議一坐。

■有個露天公園,落雪景係幾靚,十分建議一坐。

放大圖片
■話晒名牌商場,有呢類賣平價品的攤檔好少見。

■話晒名牌商場,有呢類賣平價品的攤檔好少見。

 

放大圖片

 

時代廣場 地址︰首爾永登浦區永登浦洞 4街 441-10

Fashion in Seoul 放大圖片

 

溫馨提示:如果你發現夜晚成排韓國人在搶的士,但有部黑的偏偏停喺你面前問你去邊,而旁邊的韓國人又無乜反應時,就千祈咪上,因部車可能有蠱惑,隨時落車唔見幾萬銀!

Travel Memo

持特區護照或 BNO免簽證。韓國領事館: 2529 4141濟州航空現時來回首爾機票$1,700起。http://www.jejuair.net/

1,000韓圜約兌 6.9港元(文中價錢已折算港元)220V,兩圓腳插座

放大圖片

 

韓國首爾下周多雲,-3至 6℃


■第一次喺鋪晒雪嘅地方 shopping。

全站熱搜

stacylife 發表在 痞客邦 留言(0) 人氣()