李嘉欣日前為亨亨誕下 B仔 Jayden Max，成為娛圈兔年第一 B，許家上下歡天喜地千元利是通街派，最好腳頭非佢莫屬。星二代之最真係有排講， Lucas承襲老竇特質霸氣凌人；康堤盡得阿媽真傳潮絕同窗；鬼妹仔 Suri更巴閉， 4歲女居然掀起全國高跟鞋熱潮，問你服未？ 撰文：蘇芬妮
其他娛樂名人影片 最霸氣--Lucas（ 3歲）
謝家大少的風頭，早已蓋過爹哋媽咪爺爺嫲嫲，凡有家族活動， Lucas例必做主角。精靈大眼、大酒凹再配招牌謝家鼻， Lucas天生就是明星相，時扭計發老脾，時扮乖撒撒嬌，比擺甫王霆鋒更有個性，早排仲學人簽名鋪路做明星㖭！
最新潮--康堤（ 6歲）
有潮媽徐濠縈做形象顧問，又有牛爸陳奕迅畀錢買靚衫，康堤自幼便以潮人自居，尤當同學還是爛撻撻通街走時，康堤已一身名牌穿梭上流社會。雖然康堤高人一等，但阿媽堅拒讓她做童星，還是乖乖入女拔讀書吧！
放大圖片 
當其他小妹妹還在着粉紅色公主裙，康堤已向型字進發。
放大圖片 
陳康堤有個潮媽可以幫她扮靚靚，但都要有個富爸爸才有錢買衫裝身。
最百變--竇靖童（ 14歲） 放大圖片 
竇靖童去年和百變星媽王菲出席慈善活動時，還是四眼男仔頭一個。
王菲形象百變，女兒童童更是青出於藍。穿球衣波鞋的她，隨意便可 chok出 rainbow kick，姿勢狠勁猶如女版 C朗。殊不知，轉過頭除下眼鏡、換少女衣服、塗點口紅，童童又可展現出少女嫵媚，長髮襯托下更是清秀可人。
最靚女--Hilary（ 13歲） 放大圖片 
童童（左）受上山詩鈉女兒 Hilary感染，忽然由男仔頭變身清秀少女。
上山詩鈉與首任丈夫誕下的女兒 Hilary，盡得靚靚遺傳基因，加上由細到大跟阿媽出出入入，舉手投足都甚有淑女雅氣。 Hilary雖然年紀輕輕，但已懂打扮之道，拍埋其他 o靚妹仔身邊簡直靚足成條街。
最富貴--李長治（ 1歲） 放大圖片 
長治深得父母李澤楷和梁洛施疼愛，還好腳頭令父母生多兩個細佬，頓令李家熱鬧得多。
貴為全港首富李嘉誠的乖孫，豈止含着金鎖匙出世？長治集萬千寵愛，既有雙親梁洛施、李澤楷錫錫，又有爺爺為他牽腸掛肚，還有工人排隊侍候，餐餐菜魚肉、鮑參翅肚怎可少？
最守規--林清（ 6歲） 放大圖片 
盛傳林氏家訓只可以穿灰藍黑白，只要看她們三母女就知所言非虛。
林海峰和彭羚的幼女林清，雖然與 Eason囡囡康堤同讀拔萃女小學，但衣着打扮就差天共地。盛傳老竇訂立怪異家規，規定全家只限穿黑白藍灰四隻色的服飾，無緣做襯色王在康堤面前威威。
最姿整--Suri（ 4歲）
之前提過湯告魯斯（ Tom Cruise）係 chok樣自戀狂，殊不知女兒 Suri仲貪靚。多得媽咪姬蒂荷姆絲（ Katie Holmes）真傳， 4歲的 Suri已有一套穿衣之道，着高跟鞋、搽口紅乃出街指定動作，她更掀起兒童高跟鞋熱，認真巴閉。
最掛心--蝦餃仔（ 1歲） 放大圖片 
陳慧琳一向十分緊張蝦餃仔，現身懷孖 B又要心繫孖胎健康，真係難為了媽媽。
讀者可有發現陳慧琳的蝦餃仔劉昇曝光率雖然甚低，但他的名字見報率卻拍得住明星媽咪，皆因陳慧琳無論去到邊、出席任何公開活動，都將蝦餃仔掛在嘴邊，令人覺得陳慧琳真係錫仔錫到想將下巴似足蝦餃的乖仔吞佢落肚！
同場加映：富後代之最
除了明星之後頻頻見報似足星爸媽外，富豪二、三代同樣天生搶眼又夠 fun，每次現身都令人眼前一亮。
最叠馬--李智信、李智仁、李智勇（半歲） 放大圖片 
李家傑一次過為李兆基添三個男孫，幸好三胞胎生於大富之家，唔憂斷擔挑。
李家傑去年借代母肚生仔，結果一炮三響，由爺爺李兆基抱着晒冷出場真夠霸氣。正所謂人多好辦事，就算任何一位公子被人蝦，都有「阿孖」幫出頭，兄弟同心，其利斷金。三個都唔夠照？也不怕，李家傑弟婦徐子淇已懷有丈夫李家誠第三胎，更盛傳是雙胞男胎，屆時李家男丁一行五人，夾 band、去街場跟隊都夠數。
最多袋--劉秀樺（ 2歲） 放大圖片 
大劉一家女眷日日晒袋騷，連最細的女成員、甘比囡囡秀樺也不例外，不是 Kelly Doll（圖），就來一個 TaTa Baby。《壹週刊》圖片
大劉劉鑾雄身邊的女性，統統都有 Hermè s手袋，年僅兩歲的愛女秀樺當然冇走雞。秀樺日前隨母親甘比到福臨門嘆茶，便挽着價值 2萬多元的粉紅色 Kelly Doll遊街，只欠一隻 Pingu公仔，就似足媽咪呢！
放大圖片 
Kelly Doll
放大圖片 
TaTa Baby《忽然 1周》圖片
Lucas無論何時何地都能吸引全人類的目光，即使靚媽栢芝 full gear上陣，都變配角。
留言列表
