試過困未?呢樣睇嚟極之平凡嘅意外,如果話你知,五人當中有一個係魔鬼,佢仲會將你哋慢慢殺死,咁你又驚唔驚? 2月 15日到場嘅新碟《升降凶間》,筆者已感受到戲院以外嘅另一種驚慄,尤其當內嘅人被逐一殺害,黑麻麻畫面下發出嘅 5.1 Surround聲效,感受如同身在幽閉空間,夜闌人靜更得人驚。睇完後,唔好嚇到行樓梯返屋企呀!記者:陳國輝

黑麻麻 感覺逼真 放大圖片

 

可能你覺得:「唓!套戲得 80分鐘咁短,而且大部份場景都喺入面發生,好悶啫!」但如果話你知,呢套戲班底係《鬼眼》、《屍城 30夜》同埋《死亡直播》嘅鐵三角導演,信心又返晒嚟未?好老實,色彩艷麗嘅 CG動畫真係無乜,但佢會迫使你用心聯想一啲恐怖場面,其中一幕最值得留意係當有人死亡前,內嘅燈會出現猛烈閃動,跟住畫面會突然一黑!殺人過程需要你想像,但最得人驚係黑麻麻情況下,仍然有玻璃碎裂、激烈碰撞嘅聲音出現,而且逼真程度更仿似發生喺你隔籬,如果你裝埋套有靚 Bass嘅 5.1,我估你未必敢熄燈睇!

Bonus交代人物背景

一般驚慄片多以聲效嚇人,兼無厘頭殺人,甚少交代情節!不過《升降凶間》大部份時間以劇情為重心,真係睇少一陣都唔知點解班友要死!如果你真係唔明,除咗 Replay睇多次,查實 Bonus已特別收錄幾段刪減情節。但留意,佢唔係平日嗰種多餘兼無關痛癢嘅片段,入面交代咗幾名角色嘅背景,等你更明白佢哋死前做過啲乜,同埋點解魔鬼要將佢帶走!

放大圖片
■無端端有人跳樓自殺,據講呢啲係魔鬼安排。

■無端端有人跳樓自殺,據講呢啲係魔鬼安排。

放大圖片
■內熄晒燈,惟有用手機照明。

■內熄晒燈,惟有用手機照明。

放大圖片
■突然出現爆玻璃聲音,小心俾佢嚇親。

■突然出現爆玻璃聲音,小心俾佢嚇親。

放大圖片
■各自以為對方就係兇手,拎起武器自保。

■各自以為對方就係兇手,拎起武器自保。

 

Profile

畫面: 2.40:1音效: DTS-HD Master Audio 5.1、 DTS Surround 5.1特別收錄:刪剪片段、故事解構、惡魔會談、黑夜系列序曲$148( DVD)/$268( BD)

全站熱搜

stacylife 發表在 痞客邦 留言(0) 人氣()