Me 週刊 157期陳慧琳“BB有$100萬責袋” @ 明星靚相大分享☆

Kelly Chen
黑色羊仔皮蝴蝶結短身外套$30,000
黑色 tube dress$26,100
Both Valentino caption_pure: "Kelly Chen
黑色羊仔皮蝴蝶結短身外套$30,000
黑色 tube dress$26,100
Both Valentino"
cover face
陳慧琳“ BB有$100萬責袋”
2009年12月18日
香港不行帝制，也沒有皇室，但香港還是有公主的，我們的公主是陳慧琳。
Kelly五官精緻，身形苗條，集萬千寵愛於一身。
公主喜歡唱歌，她的唱片就賣個滿堂紅。公主想拍戲，一拍就是大製作，跟杜 sir合作。
公主王子金童玉女，終成眷屬，婚後一索得子；生完 BB身形不變，不像平民永遠多個救生圈。
想嗰樣有嗰樣，這應該是公主命吧。
當年跟 Kelly一齊「打開天空」的陳曉東還浮浮沉沉，陳建穎則轉戰大陸市場，唯獨 Kelly站穩一線。
聽到這裡可能你也會眼紅，但且慢， Kelly也並非無牽無掛，之前為拍戲及唱歌捱到五癆七傷，《江山美人》那道疤痕如今還留在手上。
她坦言：「有咗 BB之後，人生多咗樣嘢要擔心。」
雖然 BB一出世，家中四長老已給他百萬利是，但不憂柴不憂米，都要憂吓個仔，畢竟公主也是人！
Profile
Kelly Chen
出生日期： 9月 13日（處女座）
出生地：香港
身高： 5呎 8吋
體重： 112磅
語言：廣東話、普通話、日語及英語。
入行： 15歲往日本神戶升讀國際學校，畢業後到紐約 Parsons School of Design修讀平面設計。 94年暑假回港，到廣告公司找設計工作時被發掘拍攝滙豐銀行廣告，參與張學友於美國拍攝的音樂特輯《偷心》後入行。 95年演出首部電影《仙樂飄飄》及發行首張唱片《醉迷情人》，同年橫掃香港樂壇四大頒獎典禮新人獎。
主要作品：電影《天涯海角》（ 96）、《東京攻略》（ 00）、《冷靜與熱情之間》（ 01）、《無間道》（ 02）、《大事件》（ 04）、《江山美人》（ 08）；電視劇《鬼之棲家》；唱片《風花雪》（ 96）、日語大碟《 Grace》（ 02）、《 Grace and Charm＋大長今》（ 05）、《 Happy Girl》（ 06）、《 Kellylicio》（ 08）。
個人網頁： http://www.kellychen.hk/

Kelly Chen
紅色印花金色百褶傘裙$34,000
黑色 pleated dress coat$26,000
黑色皮 boots$9,600
All Burberry Prorsum
黑色襪褲 Kelly's own
為 BB買四五支探熱針
Kelly絕不是好食懶飛型的公主，她是追求完美的處女座，凡事認真，有時緊張執着，甚至小題大做。
「每個月都 check住蝦餃仔（ BB）個高度和體重，佢三個月大時，體重和高度已超標。我唔想佢咁高呀，太高好難買衫同鞋。」
為了讓兒子一睜開眼就看見她， Kelly依兒子作息時間去編排工作。
「蝦餃仔唔係成日醒，佢好鍾意瞓覺，一醒就笑。
「佢有少少唔舒服，我就會癲咗，會即刻打電話問醫生。」說到兒子病，聲音馬上高八度。
Kelly為證實兒子是否發燒，特地買了五個探熱器在家，結果每個度出來的結果都有差異，反而嚇壞自己。
「嗰次佢似係發燒，我馬上攞四五個探熱器去量，個個度出嚟都唔同，呢個差啲算發高燒，嗰個又未算好高燒，但呢個又踩界，個個都唔同，搞到我幾鬼緊張。我急到差啲要送佢去醫院，個心囉囉攣，從未試過咁擔心。」
幸好有個理智丈夫在身邊， Alex提議用暖水沖涼，幫他慢慢降溫，結果真係降到，有驚無險。
公主變阿媽，最先明白到的是，阿媽的老土嘢其實叫偉大，例如囉嗦，「我經常留意 BB有什麼不夠，件褸暖唔暖，有冇焗出汗，成日想幫佢抹吓呢度，揩吓嗰度。」
Kelly分別請了一個工人和一個陪月，「個陪月就快要走，我好擔心，到時少一個人幫手。」
與此同時， Kelly也密密問母親湊仔經，可惜每次回覆都一樣「我唔記得晒喇，你唔好叫我湊啦，我實攰到傻。」覆述時 Kelly扮反白眼，一副冇眼睇的樣子。
湊唔湊唔重要，最重要是 baby brings people together。有了蝦餃仔，離異的父母多了連繫，經常一齊來探孫仔。

1974
小時候粗眉細眼，誰想到長大後變得咁索。

1977
自細已經腳長長，所以話身形真係天生，唔恨得咁多。

2004
坐住南瓜車出場，忽然哭起來，「當時唱緊《嫁妝》，台下所有朋友都指住 Alex，一時感動，眼淚係咁湧出嚟。」

老公俾晒家用
說公主幸福，又不盡然，她跟威廉王子一樣，面對父母離婚，屋企不算完整，說不會影響自己對婚姻的價值觀，一定冇可能。
「其實我對婚姻都冇乜信心，因為屋企咁樣，但係你點都要試一試囉，你冇理由因為驚離婚，所以唔結婚，咁好白癡啫。」
若果幾年後發現唔夾，甚至有第三者呢？「到時先算囉，暫時都好開心好幸福。」說到幸福二字，嘴角自動向上翹。
幸福不可以用金錢去衡量，但係當我聽到 Kelly說家用由老公負責時，我還是很羨慕。
「我老公自己掉嚿錢出嚟做家用囉，屋租由佢俾，生活費都係佢負責。」
樂壇天后在家裡竟然冇權話事？
「我都係就晒佢 o架啦，由佢話晒事，一陣間費事搞唔掂，賴我咪死！哎呀，唔好煩我。」口裡說遷就，其實樂於做小女人，也難得老公細心，最愛上網搜集育嬰資料，所以第日蝦餃仔參加什麼興趣班，也由他話事。
「我老公好想蝦餃仔識中文，一定要他學國語，因為他現在經常要返大陸做生意，深明唔識中文好麻煩。我想俾 BB學吓功夫，強身健體嘛，但佢老竇就話會逼佢彈鋼琴囉，因為佢自己學唔成，但我就唔會囉。」她下意識繑埋雙手，不支持老公的想法。
「我會捨得俾佢去外國讀書 o架，最好返紐約㖭，我可以去探佢，順便行吓街，我唔會咁自私，因為想見佢，唔俾佢去留學。
「我有幫佢儲定錢，佢一出世，公公婆婆爺爺嫲嫲已經俾咗一筆錢佢，有七位數字。」果然是含着金鎖匙出世。

2009
最近一次出席活動，信心十足地說：「已回復未生仔之前的身形。」

抱着蝦餃仔一面滿足，做慈母，零舍唔同。

我係工作狂
訪問當日， Kelly說自己完全回復未生仔時的磅數。何止磅數，我眼見她皮膚滑溜，面部肌膚緊緻，沒有丁點鬆弛，精神狀態的確回勇。
係喎，滿月那天立即以苗條身形開工，讓千百萬以減肥為終生事業的人眼紅。
「可能我懷孕時，唔係特別食得多，所以增的磅不是太多，生完只係需要減六至七磅。
「我大肚時多數食三文魚和紫菜，好多人話陀仔時口味會轉變，因為個 BB想食，我係忽然間好想食奇異果、番茄、西柚，好彩當時我想食的不是朱古力、薯片。
「有小朋友的時候都有做瑜伽，個人靈活性大，每星期做兩次，當然不是最後周期做，那時不宜做咁激烈運動。」
刻意 keep住磅數，因為還要當明星，但童話故事裡的公主婚後都收山，從此安心湊仔，反正搵夠亦辛苦夠了。
「我諗開頭一、兩年係冇問題囉，但係當 BB大咗，他要返學，我就會覺得好空虛。」
娛樂圈最講曝光率，不是說走就走，回來就可以回來。
「呢行又唔可以話休息兩年，跟住再出來做，鬼有人睇你咩？係咪先？呢行唔係咁樣 o架嘛，你要 keep住 o架嘛，所以我唔可以即刻推晒所有工作，一諗起個仔大咗，我就會好悶。
「依家嘅新人冇嗰時咁辛苦，初出道時真係特別忙，狗屎垃圾乜鬼嘢都做呀，依家我會揀 job。
「我諗我個人係工作狂，當我好多嘢做的時候，我都會諗，哎呀，唔鬼做啦，咁鬼辛苦，但係當我放咗三四日假，就覺得好悶呀，搵人陪我啦。」
不管你家財百萬，人生在世，還是要有個寄託，公主平民都一樣。

Kelly Chen
紅色連身裙$2,590
黑色皮腰帶$1,290
Both DKNY
黑色貂皮圈形頸巾$12,000
Burberry Prorsum
黑色皮手套及金屬釘飾手鈪
Both Kelly's own

Kelly Chen
綠灰間條企領上衣$890
黑白 V領背心裙$2,790
Both DKNY
黑色貂皮圈形頸巾$12,000
Burberry Prorsum
後記：
公主有老公錫，有乖仔，有事業，還想要什麼？
「我想生個女，合起來是個好字。」
幾時？
「明年啦，身體要休息一年才復原。」
話生仔就生仔，今次想生女，我估都會開口中，唔係點叫公主命。
Shop List:
Burberry中環歷山大廈 G5及 101A 2868 3511
DKNY尖沙咀廣東道 30號地下 2377 9900
Valentino中環置地廣場地下 G3-5號鋪 2523 8035