本周二（ 15日）中午，古巨基與男友人和助手兼緋聞女友 Lorraine到尖沙嘴美麗華商場視察舖頭裝修進度。古巨基事後表示希望這店能趕及聖誕前開張。
娛樂頂點
古巨基一千萬開潮服店
2009年12月18日
今年轉會到英皇，收過千萬轉會費的古巨基，音樂事業穩定下來，令向來鍾意畫畫同設計的基仔，有意用自己的天份向潮界發展。早前他創作了親生仔 Kubi後，得到不少品牌垂青邀請合作，令古 Sir決心投資千萬，創立自己的潮流品牌王國。
據知銅鑼灣的總店未裝修好，古老闆已經睇中尖沙嘴美麗華商場的地舖。本周二（ 15日），記者發現他為了趕及聖誕前開張，親自到尖沙嘴舖視察裝修進度。年尾忙住出席頒獎禮，又要忙開舖，難怪記者問古老闆目標開幾多間，他即時說：「搞好呢兩間先啦！」
雖然很多人對基仔開店做老闆略有所聞，亦知他在銅鑼灣耀華街有間樓上舖，但裝修數月仍未搞妥。不過，本刊收到消息，基仔近日頻頻出現尖沙嘴美麗華商場。經查證後發現他以約十萬元租下一個千多呎地下商場舖。總店未開，已打算開分店，看來基仔睇好潮服生意。


古巨基進軍商界。本周二（ 15日）記者表示要改稱他做古老闆時，古巨基即表示這個稱呼很老，但看他的笑容卻非常受落。
 
尖沙嘴舖
古巨基戴上 cap帽、眼鏡和口罩掩人耳目，卻想不到仍被記者發現。
 
緋聞女友 Lorraine（右）與古巨基巡完舖，便有默契地一先一後步出商場，其間 Lorraine禁不住回頭望望男友。

自己獨資
其實基仔的設計天份早被認同，不少品牌如港鐵、日本品牌 Beams和馬會都曾跟他合作推出潮物，令他有信心升呢做埋設計師。知情人士說：「基仔由細到大都鍾意畫公仔，入行之前錯過咗去設計學校面試嘅機會，一直耿耿於懷。依家佢做呢行咁多年，都識到唔少日本設計師同潮人，之前又有公司搵佢合作設計潮物，而且反應唔錯，令到基仔有信心開潮服店。」
基仔想創業嘅消息傳出後，不少公司都希望與他合資大搞，但基仔不想因工作意見分歧得失朋友，「好多公司、朋友都搵過佢傾合作，但設計始終好個人，佢又覺得自己有人力物力去做，所以最後都決定自己搞。」


銅鑼灣舖
今年 7月古巨基已開始裝修耀華街的樓上舖，經過半年工程至今仍未完成（右圖）。
聖誕前開張 


陳冠希 04年已成立潮服品牌 colt，並以自己作為生招牌，引起不少年輕人追捧，相信基仔潮服店亦會大受注目。

據知基仔的潮服店叫做「 A Big Company」，主力賣中高檔男女潮服，除了出產自家設計服飾，更會代理其他潮流品牌。而設計多由基仔親自主理，然後在日本生產，因此單是生產春季服飾已投資 500萬，另加兩間舖 500萬開業成本，投資已達千萬。近日基仔出席公開場合，都着上自家品牌測試反應，又不時問朋友意見，希望在推出前不斷改進，非常緊張。
本周二（ 15日）中午，戴上 cap帽和口罩的基仔，與助手兼緋聞女友 Lorraine及男友人等一行五人，到尖沙嘴店視察裝修。記者見他拿着色版和設計圖不停和裝修工人商討，逗留了 45分鐘才離開。
同日晚上，基仔出席 TVB的保良局錄影節目錄後，記者恭喜古 Sir升格為古老闆。基仔起初不願談，但提到他設計的衣飾，他即開心地說：「我一向都鍾意設計，之前做咗幾個 project反應好好，所以覺得可以大搞。（銅鑼灣同尖沙嘴都裝修緊，係咪會同步開張？）本來係銅鑼灣先，但尖沙嘴個地舖位置好好，所以希望趕喺聖誕節前先開張。」自嘲像牛一樣刻苦耐勞的基仔，被問及將計劃開幾多間分店時，表示現階段唔會想太多，「依家兩間都用咗我大部分時間，搞到頭都大。」
最後，問到基仔是否投資了一千萬，他說：「未計到，我只係負責設計工作，錢銀有其他同事睇住。」能夠自己攞成千萬開舖，古 Sir真係唔係「小兒科」！
着自家品牌宣傳 
波波 tee
上周五（ 11日），欄王劉翔來港出戰東亞運動會後，身為好友的古巨基與劉翔到圓方「利苑」飯敍，古巨基身穿的白色波波外套，原來是出自他的設計。
 
紅黑外套
本周一（ 14日）晚，古巨基穿了一件由自己設計的紅黑色外套，出席「 Yahoo!」頒獎禮。
 
古巨基的設計已備受肯定，早前在沙田馬場舉行的「國泰航空香港國際賽事」，古巨基就獲大會邀請設計這頂 cap帽。
 
08年尾，古巨基原創品牌 HOTDOG與日本潮流品牌 Beams搞 Crossover，推出了玩味十足的限量 T。

撰文：娛樂組
攝影：鄭家駿、陳志輝
部分圖片提供：《蘋果日報》

古巨基一千萬開潮服店 創立潮流品牌王國

今年轉會到英皇，收過千萬轉會費的古巨基，音樂事業穩定下來，令向來鍾意畫畫同設計的古巨基，有意用自己的天份向潮界發展。早前他創作了親生仔Kubi後，得到不少品牌垂青邀請合作，令古巨基決心投資千萬，創立自己的潮流品牌王國。







 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄