梁詠琪（GiGi）、莫文蔚（Karen）及郭羨妮近日閃婚，引起圈中熱話，一班好友同行唔單止連番恭喜，仲借題發揮大發偉論。一眾女星下嫁嘅唔係老外就係老內（國內），完全冇本地貨。難怪祖兒要一眾港男好好反省，並許下願望：
希望嫁個香港好男人。
祖兒支持本地創作，抵讚！不過香港好男人少之又少，更要同香港其他剩女爭，就算天后貼埋大牀都未必sure win㗎。


潮流興閃婚，但郭富城就表明唔會效法，仲開玩笑：
近排忙，要閃瞓！
瞓，日後大把有得你瞓。但婚呢，唔係成日有得結。佢唔心急啫，都體諒吓熊黛林心急吖。


已有一子嘅陳慧琳（Kelly）指GiGi、Karen靚女高䠷，必生靚靚混血B女，他日長大仲可以做囝囝女友，
我蝦餃仔發達喇！
嘩，Kelly咁快對定親家？不過好嘢係要mark實嘅，但兩個B女同時mark晒，似乎大貪咗啲喎。不如留番一個益吓媽咪姐啲孫仔啦。


許廷鏗疑似與同性好友互啜而爆出斷背情，好友張敬軒雖無辜捲入風波，但不忘取笑許廷鏗：
佢哋睇牙咋？
順便睇埋耳鼻喉？
軒仔呢個理由都幾好笑喎，不過許廷鏗自己係牙醫，係都佢睇人牙，唔係俾人睇牙嗰個啦！


王喜早前接受now訪問，揭露被TVB苛待真相，表示喺受辱過程同時學會謙卑，並鼓勵大家：
被侮辱嘅機會唔好放過佢！
媽咪姐亦真心勸佢唔好咁執着。由上個月到今個月，佢都唔知鬧咗TVB幾多次。如果學識謙卑，唔爭在學埋放下。


楊怡早前出席活動罕有性感，被記者取笑「都有條線」，難得楊怡唔介意：
我隻手都多線。
再多線都冇用啦！楊怡手中線，又點及身上事業線。香港地，好現實嘅。 ####







arrow
arrow
    文章標籤
    句句金 忽然1周 845期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄