05年撻着，08年結婚，黎明樂基兒步入七年之癢，感情由濃轉淡。加上近月來，黎明因工作長駐外地，兩人聚少離多，難怪早前黎明與章子怡在北京黐實出席活動，即刺激起樂基兒的神經，在活動中爆「搬屋？May be」宣言，之後又去朋友貝沙灣寓所過夜，婚變傳聞一觸即發。
天王嫂發威，黎明不敢怠慢，私下吩咐經理人陳善之睇實老婆外，更暫時放下外地工作，返港拆彈。而過往視緋聞為無物的黎明，即時做嘢，向傳媒發聲明外，更透露與老婆日內齊齊亮相闢謠。
10月3日，黎明到柴灣為電影配音時，獨家接受本刊訪問，剖白婚變傳聞：「大家好快見到真相。」


黎明與樂基兒婚變傳得熱哄哄，而個性率直的樂基兒，早前出席活動時黑面，拒為婚變解畫。被問是否分居時，回應說「May be，I don't know！全部都唔答，你要問就問佢（黎明），我淨係答自己嘅嘢。」
發宣言與老公劃清界線的同時，樂基兒又被拍到搬嘢走及在朋友貝沙灣屋企留宿過夜，兩個行動，即時令分居傳聞升溫。

唔使陳善之接工作
除此以外，本刊收到消息，樂基兒為了經濟獨立，早前不再由黎明經理人陳善之幫她接工作，改由模特兒公司Calcarries負責。據廣告商透露︰「早前我打俾阿Joe（陳善之）搵Gaile（樂基兒）出席活動。點知佢話依家Gaile嘅嘢佢唔搞，叫對方搵番Calcarries嗰邊喎！」樂基兒改由昔日的模特兒公司接job，看來是不想老公的心腹常伴身邊，完全掌握其一舉一動。
老婆嬲到唔返屋企過夜，在內地收到風的黎明，知道事態嚴重，不惜盡快趕完新戲《鴻門宴》，急急返港箍煲。
連日來，黎明雖然要到柴灣配音，但錄完音，便會飛撲返家慰妻。10月3日晚十時許，趁黎明配音完畢，記者上前訪問。

拒認老婆搬走
記：太太係咪搬咗去貝沙灣住？
黎：佢朋友住喺貝沙灣，去朋友屋企開party玩之嘛，冇住喺貝沙灣。（笑笑口）
記：你同太太依家感情點？
黎：同太太冇嘢，今日已經發咗聲明，我哋冇離婚，感情亦好好，冇事。（聳聳肩）
記：但廣告商邀請樂基兒做嘢，陳善之叫佢聯絡番樂基兒舊公司？
黎：冇咁嘅事！（愕然）Gaile所有工作一直都係要搵阿Joe（陳善之），依家都係。
記：點解Gaile出席活動俾記者問係咪搬走時，答記者「May be」？
黎：就係啲周刊創作故事，引發起源，我唔想再評論。創作嘅嘢，唔想再講太多，大家好快見到真相。（嚴肅起來，開始發揮金句）
記：有傳聞章子怡係第三者？
黎：唔係事實！講太多都冇謂，我同佢係好朋友，就好似今日（指與記者）有緣份，我就答你幾句。（斬釘截鐵）
黎明一一反駁婚變傳聞，但言談間令人感到他亦暗責老婆「講錯嘢」，引起軒然大波。
其實，結婚三年，44歲黎明初期對細自己13年的老婆樂基兒疼錫有加，但年齡差距大，兩人難免有代溝，加上近月來兩人聚少離多，難免嫌隙日深。據知，樂基兒近日不時向朋友呻爆，指老公冇時間陪自己，連她生日也是獨自度過。又不肯生仔，令她大感失落。

不滿章子怡黐身
「Gaile雖然鬼妹仔性格，但佢都好鍾意細路，但Leon（黎明）事業心重，暫未想生BB。其實Gaile份人好怕悶，以前佢都會跟埋老公去外地做嘢，秤不離鉈。但最近Leon就講到明唔想老婆跟到實，因為咁，佢好冇安全感，加上睇見章子怡同老公喺北京嘅親熱照，唔嬲就假。」
老公在外地唔實，加上又有進取兼惹火的章子怡黐埋身，鬼妹仔樂基兒突變醋埕，不惜發「搬屋？May be」宣言，逼黎明正視問題。
黎明知激嬲老婆，返港後即與老婆講數，更應承在12月演唱會前，與她外遊散心。「Gaile嘅性格好衝動，佢都知今次玩大咗，不過Leon都知早排冷落咗老婆，所以都應承同佢旅行補番數，初步話會去日本，重拾當年蜜月嘅溫馨。老公讓晒步，Gaile亦自動熄火。」

雙雙現身闢謠
黎明冧掂老婆後，為了進一步平息婚變傳聞，他已經急召智囊團共商對策，這邊廂發聲明阻嚇輿論，那邊廂又禁止老婆外出，以免她講多錯多，更安排日內與老婆雙雙現身闢謠。
「Leon嚟緊要開始忙個唱，佢唔想感情生活影響到工作。為免再節外生枝，佢已經叫阿Joe（陳善之）幫佢安排，搵個場合同老婆出嚟闢謠。但呢個禮拜佢差唔多日日都要錄音，所以要下個禮拜至得。」
古今中外，要打破婚變傳聞，有咩好得過拖老婆晒恩愛。睇怕黎明即將上演的拖手騷，威力比近日參選特首的唐英年及老婆郭妤淺，肯定有過之而無不及。

美國註冊　離婚可分身家
據律師謝偉俊表示，就黎明及樂基兒的情況，兩人於拉斯維加斯註冊結婚，若要辦離婚手續，其實與香港註冊無異。他說︰「拉斯維加斯註冊結婚獲香港法律認可，離婚手續同香港冇分別，雙方都係香港居民身份，財產分配問題亦會以香港法例處理。」
至於分配財產，一般法庭會以公平原則，分配雙方財產︰「一般嚟講，若男方嘅生意係白手興家得來，就算女方冇實際參與業務，法庭都會以五十五十作出發點分家產。當中嘅原則，係男主外女主內，雙方就家庭財產都有作出貢獻。不過若男方財富係由祖蔭而來，情況就另當別論。但亦有一些個案，如雙方結婚時間太短，或者兩人嘅資產太懸殊，都未必會分到一半。」

身家蚊髀同牛髀
昔日每場騷價五萬蚊的天橋模特兒樂基兒，成為天王嫂後，身價飆升幾倍，成為模界女王，身家亦暴漲逾千萬，但與天王老公黎明逾10億身家相比，兩公婆還是「貧富懸殊」，Gaile想繼續過女皇生活，看來還要乖乖做天王嫂！

濃情轉淡
05年，黎明與樂基兒被拍得夜遊船河而戀情曝光，雖然年齡相隔14年，但出名火辣的Gaile，火速溶化黎明，二人愛得癡纏，不時被拍得連體外遊。不過二人結婚後，甚少一齊出入，而Gaile又不時被拍得夜蒲，與異性行為過分熱情，加上黎明與章子怡緋聞，令兩人婚姻關係一度緊張。

熱戀期
06年農曆新年，黎明孖Gaile與賽車手老死關兆昌及太太，一行四人到東京瘋狂購物5日4夜，之後二人再轉站至印尼峇里，享受Gaile最愛的陽光與海灘，過二人世界。


蜜月期
07年，拍拖兩年，二人飛往北海道滑雪過白色情人節，被拍得態度親暱，Gaile有如樹熊般騎上黎明背脊，去到邊都黐實，感情愈見穩定。
08年3月，黎明與Gaile在拉斯維加斯註冊結婚。之後被拍得二人拍拖買傢俬，其間男方當眾幫女方按摩，相當溫馨。


平淡期
結婚後，二人甚少孖住出入，Gaile不時被拍得出外飲酒狂歡，鬼妹仔性格的她，男女照攬，更試過與男攝影師激咀。


紅燈期
今年，黎明與老婆聚少離多，Gaile惟有搵friend陪解悶。9月中，Gaile被本刊拍得將私人物品由上水愛巢搬到觀塘貨倉寄存。之後出席服裝品牌活動的她，被問到分居一事，她說︰「May be， but I don't know！」事隔三日，更被拍得於貝沙灣出入，令婚變傳聞甚囂塵上。 ####


黎明為電影配完音，罕有停低談婚變傳聞，初時態度輕鬆的他，被問到老婆「搬屋？May be」言論，即時變得嚴肅。


10月3日 發聲明
一向對緋聞毫不在乎的黎明，對今次婚變傳聞異常緊張，返港後即發聲明，更聲言不惜採取法律行動，藉以阻嚇傳媒不實報道。


黎明指今次發聲明的原因，是婚變傳聞已直接影響到其工作。


9月19日 劃清界線
當日，樂基兒到澳門出席畫展活動，平日談到老公便甜絲絲的她，全程冇厘心機心事重重。記者提起黎明與章子怡的緋聞時，更一度黑面話：「你問番佢啦！」


9月24日 暗示分居
與老公劃清界線後，樂基兒24日出席活動時，被問到是否分居，她竟說：「may be!」
《蘋果日報》圖片


9月25日 貝沙灣留宿
翌日下午，樂基兒乘保母車到貝沙灣獨立屋過夜，沒有返回上水愛巢。《Face》圖片


樂基兒御用保母車


9月15日，黎明同章子怡於北京出席活動，當晚兩人又拖又攬，章更挨實黎明，唔係宣傳性質，章卻主動埋身，難怪黎明嫂樂基兒扯火。《蘋果日報》圖片


章子怡09年與以色列富豪Vivi分手後，回復單身，向來是男人蜜糖的她，樂基兒唔驚就假。網上圖片


08年與黎明結婚後，樂基兒即由黎明經理人陳善之（右）負責接工作兼服侍左右，不過現在卻改由Gaile以往的模特兒公司負責。


9月15日 愛巢搬嘢走
正當章子怡黐老公在北京出席活動之際，樂基兒在港亦有「動作」。當日下午，她從上水愛巢將一些私人物件，搬到觀塘工業邨的敬業街，似為搬離做部署！


當日車內有兩個大的紙皮箱，更有她的油畫。


黎明早前忙於在內地拍攝李仁港執導的新戲《鴻門宴》，飾演劉邦一角，除他以外，其他演員還有陳小春及劉亦菲。《蘋果日報》圖片


黎明風騷四圍飛
近月來長駐大陸的黎明，連8月老婆的31歲生日都無暇慶祝。不過風塵僕僕的黎明，未有帶埋老婆在身邊，雖然經常一支公，但他依然心情靚爆。


基兒夜蒲飲悶酒
今年生日要單拖飛希臘散心的樂基兒，長期冇老公陪，惟有搵friend落吧飲悶酒。上月15日，本刊發現她與女性朋友到中環「dragon-i」飲酒，神情落寞。《蘋果日報》圖片



《Face》圖片


《壹本便利》圖片



arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄