連日來受歐債危機拖累，本港股市狂瀉幾千點，唔少投資者蝕到入肉。
唔少藝人都有玩股票，好似與無綫改簽部頭約的蒙嘉慧（YoYo），近來唔算多job嘅佢，據知亦一直專心於股票市場上。有傳蒙嘉慧最近更因炒燶孖展，蝕了過百萬，仲要周圍撲水補倉。雖然有指「蒙麵戀」會於下年結婚，長期飯票到手，但都唔好咁玩法吖！


剛拍完無綫新劇《ＡＴＦ反恐》嘅蒙嘉慧，上週因為男友伊健的前度梁詠琪出嫁，在微博祝福對方，而搞到被各大網友批評佢虛偽。

歸心似箭
有傳蒙嘉慧炒燶孖展，前週六國慶當日，她駕車出外時小心翼翼，一發現記者即折返南灣住所。

拍拖旅行
今年4月，蒙嘉慧唔去賭，陪男友伊健去巴黎踩單車旅行，改做跟得夫人。

貪勝唔知輸
頭頭碰着黑，38歲蒙嘉慧唔只惹是非，最近更有身邊人爆料，傳她因炒孖展唔識收手，點知遇上股市大跌而損失過百萬。知情人士說：「YoYo炒股幾年，初頭都有賺過錢，但佢貪勝唔知輸，愈玩愈大，又學人玩孖展，08年都報道過佢蝕咗80萬啦！最近股市大跌，聽講YoYo又蝕過百萬呀！」據知YoYo曾在08年一心諗住刀仔鋸大樹，大手買入孖展，誰知失手炒燶孖展損失80萬，輸到入肉嘅YoYo惟有向男友伊健求救，伊健只好動用近百萬積蓄來填氹救女友。豈料４年唔夠，YoYo再疑輸過百萬，睇怕今次又要搵伊健救命。 YoYo 8月出席一紀念酒會時表示曾在70多元購入滙豐控股，買後卻跌了數元，仲提到金融海嘯時自己沒有買股票，「賣樓後先買了一啲長線股票收息，我係跌市先入貨嘅！」本刊在伊健愛巢門外等候YoYo多日，但一直未見其蹤影，而記者致電YoYo求證，至截稿前未有回覆。事實上，一直有傳言指YoYo閒時愛「賭番兩手」，上年她也被傳媒拍得趁住伊健開工期間，鬼祟到雀會打麻雀。其實不如陪伊健玩吓麻雀機算啦！

男女大不同
同鄭伊健行埋5年，蒙嘉慧（YoYo）工作量愈嚟愈少，上年年尾仲由無綫經理人合約轉為部頭，索性少啲拍劇陪男友，反而伊健就頻頻接job，又演唱會又拍電影。有條大水喉射住，難怪YoYo唔使做都得啦！

陸叔：「孖展風險高！」
成日聽到人哋話炒孖展，原來據陸叔表示孖展係一種高風險投資：「當股票跌，孖展就跟住跌。當冇錢補倉嘅時候，就惟有斬倉，如果唔斬都得，不過會好易蝕到入肉，咁就係炒燶孖展啦！」

損手一族陳靜（DaDa）蝕6位數
DaDa都有玩股票，佢仲話自己蝕咗成10萬，辛苦錢冇晒當然好肉赤啦！

HotCha（Crystal）錯買鐵路股
Crystal之前買嘅中國鐵路股因溫州火車事故一直係咁跌，佢表示自己損失咗3成8的投資。

卓韻芝高買低縛
阿芝喺股市當旺時買咗好多股票，但個市係咁跌，由07年尾嘅3萬點跌到落今年8月嘅萬8點，連佢自己都冇眼睇啦！ ####


之前有傳蒙嘉慧（YoYo）有鋪賭癮，麻雀、股票、孖展樣樣齊。但YoYo在八月初出席活動時，淨係話自己喺70多元時買咗匯控，買入後跌了數元。不過到上週五收市$61.6，蝕唔少喎。《蘋果日報》圖片




今年3月，伊健舉行一連三場「鄭伊健Beautiful Day 2011演唱會香港站」，反應不俗。尾場時，女友蒙嘉慧同伊健父母都有到場支持，儼如女主人一樣。《蘋果日報》圖片


開完個唱，伊健一樣冇停手，今年8月，伊健接拍由于仁泰導演執導嘅《忠烈楊家將》頂替古天樂扮演楊大郎一角，夥拍秋官、吳尊、周渝民同林峯開戲。《蘋果日報》圖片


養尊處優嘅蒙嘉慧，5月接拍無綫嘅《ATF反恐》，同陳展鵬演情侶。拍完呢部劇後，YoYo就再冇劇喺手，真係可以專心喺股市囉！《蘋果日報》圖片


股評人陳永陸




arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄