陳豪陳茵媺「雙陳戀」,帶挈女方出騷價由8千暴升至平均約6萬,媲美一線花旦,陳豪同女友上月中首次以情侶檔出騷,輕鬆袋走30萬酬勞﹗


拍住搵銀有着數,FBI八到陳豪暗暗發功,同金牌監製李添勝建議起用Aimee,演出明年重頭劇《天梯》。雖然陳豪在劇中與張可頤演情侶,不過開鏡當日,Aimee亦放聲氣話「如果將來有劇要我哋(指與陳豪)做情侶都可以,kiss都冇問題」,原來TVB高層見「雙陳戀」獲觀眾接受,即刻加重雙陳對手戲,Aimee變相升格,與張可頤平起平坐。上週五(7日),《天》劇於大棠拍攝外景,陳豪趁休息時請工作人員飲咖啡,而Aimee就幫手派咖啡,夫唱婦隨滿場飛。
週一(10日),張可頤與Aimee同場出席活動,張可頤就同FBI講:「邊個演員做咩角色我控制唔到……你要加戲咪加囉,多個人分擔一下﹗」事後仲向Aimee提水話「雜誌嚟問嘢」,臨走時更在FBI面前問Aimee「一唔一齊食飯?」。Aimee今時唔同往日,姐級張可頤都要畀吓面佢喎!

頤姐管唔到
張可頤在《天》劇要讓路畀Aimee,不過阿姐始終係阿姐,依然好淡定同FBI講:「我控制唔到!」

媺媺禮讓
本刊問Aimee佢同陳豪嘅對手戲被加重,力壓張可頤,佢笑住話:「其實阿Mo(陳豪)同可頤先係focus,佢哋先係拍拖同有對手戲。」咁即係下一齣劇先有得睇你哋談情?

又係咖啡
到下午茶時間,陳豪請大家飲私伙咖啡,Aimee在旁邊幫手派糖,二人夾手夾腳派勻全場,夠晒溫馨。

動作一樣

助手幫口寸豪
舊愛廖碧兒因貪錢而形象受損,週日(9日)出席慈善活動博洗底,不過日前其前助手於微博暗寸陳豪假惺惺晒幸福,繼續愈描愈黑。 ####


上週五(7日),陳豪同陳茵媺到大棠拍外景,公司加開對手戲,二人變相可以日夕相對,難怪二人試位都心情靚絕。


你要加戲咪加囉!真實對白


佢哋先係focus!真實對白



在試位排戲時,二人同工作人員有講有笑,大家手執劇本,笑容一致,愈睇愈有夫妻相。


在《天梯》中陳豪與張可頤會有感情線,而陳茵媺則會被張國強強姦,但陳豪就話到時候唔會監場:「驚阻住大家,唔想令人分心。」



arrow
arrow
    全站熱搜

    stacylife 發表在 痞客邦 留言(0) 人氣()