蒲上位

 

上年挾住方大同師妹出道嘅23歲連詩雅（Shiga），一出道就有方大同為佢作曲， 又有模特兒公司師兄周柏豪做MV導演，恨死唔少新人。
連詩雅處女擔正的《喜愛夜蒲》，刀仔鋸大樹，開畫至今收781萬，有40吋長腿的連詩雅，戲中幾位肉彈Jeana、DaDa和Phoebe要鬥剝搶鏡，反而Shiga憑對白滑長腿更惹宅男遐想，難得Shiga唔介意，仲笑住話：「從來都冇人留意過我身材，有人對我有性幻想，都幾開心吖！」

 
擁有170cm高嘅連詩雅（Shiga），畢業於英皇佐治五世國際學校，有家底又說得一口流利英文嘅佢，未正式加入樂壇前，原來早在15歲時已開始做model，當年亦影過水着相，Shiga性感其實早有前料。

師姐教戲
Shiga話因為覺得師姐薛凱琪（Fiona）做戲夠放，所以拍《夜蒲》前都有參考師姐套《早熟》及《分手說愛你》嚟偷師，仲特登打畀Fiona請教。

女神夠索
《喜愛夜蒲》戲中女角除咗有連詩雅外，仲有DaDa（陳靜）、Jeana（何佩瑜）及Phoebe（許穎）三大是非模助陣，三女惡鬥事業線，淨show長腿嘅Shiga反而更惹人遐想，而且唱埋套戲主題曲〈I'm Still Loving You〉喺網上俾人大讚好聽之餘，仲大講有味嘢。

對沈志明有好感
處女下海就接以一夜情及夜蒲做話題嘅《喜愛夜蒲》，戲中Shiga夜蒲期間與萬寧哥哥沈志明撻着玩one night，但現實生活中嘅Shiga就強調自己「唔得一夜情」。「我自己唔多鍾意去嗰啲（蒲場）地方，平時都係間中同啲朋友去飲吓嘢。」有傳沈志明專吼𡃁模，更嗒唔少女，Shiga就話：「佢係我嘅對手，我有投入落去鍾意佢，所以都有產生咗啲好感，搞到我都有少少鍾意咗佢，不過套戲拍完後都要抽離番！（佢係咪你個type呀？）嵋家係朋友，大家仲未好了解，同佢溝通都係講國語。（有冇發展可能？）唔知呀，將來有機會深入了解先可以下定論。（咁方大同、周柏豪又點？）佢哋太靚仔，冇乜安全感，同埋太哥哥feel啦！」咦，咁反而萬寧哥哥比師兄們仲有機會

唔介意變幻想對象
雖然Shiga戲裏唔使好似其他女角咁剝衫賣大包，不過少少性感實難免，反而戲中一幕着住小背心熱褲嘅Shiga，憑白滑長腿更煞食，成為宅男們的新幻想對象，Shiga話：「開頭接呢套戲時，都有啲擔心拍唔嚟唔夠放，好彩有向Fiona（薛凱琪）請教，因為我覺得佢拍《早熟》同《分手說愛你》都拍得好放、好自然，至於網上嘅言論（性幻想言論），我唔會好介意，啲相放得上網，人哋點用我阻止唔到，不過從來都冇人留意過我身材，咁樣都幾開心吖，哈哈……」難得Shiga咁有阿Q精神，抵啲宅男咁like你。

撐萬寧哥哥唔急色　「佢好守禮貌」

15歲水着
03年連詩雅得15歲已入行做模，當年樣子清純嘅佢，已用Shiga呢個英文名為《壹本便利》做訪問。

師兄冇行
同沈志明有冇得發展，Shiga就話要了解吓先，但一講到同兩位師兄方大同與周柏豪有冇得發展，Shiga就斬釘截鐵咁話冇可能，因為同佢哋太熟，太有哥哥feel。

排隊接力
由錢國偉（Wilson）執導嘅《喜愛夜蒲》，大收旺場，上映至今已累積781萬，近排港產片中都算係一個佳績，所以Wilson都話有意出年開拍《夜蒲2》，至於接住上映嘅港產片，三級又有純愛又有，真係多花款！


三級　30/9上映《蜜桃成熟時33D》邀得AV界嘅加藤鷹及吉沢明步，仲有新女吳晴晴做女主角，玩肉感同玩爛gag。


純愛　13/10上映未上畫嘅《夏日樂悠悠》講明係純愛電影，有彭于晏同Angelababy助陣，更傳兩人戲假情真，唔知呢單緋聞會唔會提高叫座力。


玩鬼　27/10上映由王晶同葉念琛聯手合作嘅《猛鬼愛情故事》，故事分兩part，除咗謝婷婷外，亦有周秀娜、羅仲謙、楊梓瑤等，咁多人拍加上萬聖節檔期上畫，斷估都唔差得去邊。 ####


連詩雅第一次拍戲就有不錯嘅成績，加上又識唱歌又識填詞，新人嚟講真係唔話得吖！


Shiga憑呢幕性感瞓覺look俘虜咗唔少宅男心，仲大讚佢對長腿夠靚添。


成套戲咁多女，是非多就在所難免，難得Shiga未有捲入是非中，「我哋大家戲分差唔多，拍嘅時候同佢哋都有傾有講，大家反而好禮讓。」咁識Do，大家梗錫住你！






連詩雅同沈志明喺戲中做情侶，宣傳活動時仲不時自拍親熱相放上微博，早前沈志明有桃色緋聞纏身時，仍得Shiga力撐話：「佢拍親熱戲時都好守禮貌。」


戲中兩人有大膽親熱戲，劇情亦講兩人在夜場邂逅，撻出真感情，不過現實生活中會唔會動真情，Shiga好有保留：「深入了解先可以下定論。」







arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(1) 人氣()

    E-mail轉寄