主人房旁邊嘅書房成了張暖雅嘅衣帽間和化妝天地，單是兩旁木架便放了 60多對不同款式的高踭鞋，係就係壯觀，不過真係要小心，一唔留神，腳味四溢就唔好啦！
私家居
妝鞋並重 張暖雅
Profile
張暖雅
28歲的張暖雅來自山東，去年以「 D cup張馨予」之名入行。她參演過《喜愛夜蒲 2》及《一路向西》，而在即將上映的《猛龍特囧》，她更飾演一名英語流利的大律師，和鄭中基及雨僑一齊發放笑彈。
張暖雅嘅衣服已佔據了衣櫃 8成空間，老公啲衫差啲冇碇擺。她說：「我啲衫同裙多到好多都未着過，都會考慮捐部分出去幫有需要嘅人。」 
一款多色鞋類差不多全是高踭鞋，而且多對都是同款唔同色，全因張暖雅貪靚，但又怕麻煩。
張暖雅和胡耀輝去年 5月結婚，現於鰂魚涌租住一個 7百呎單位。訪問未開始，本來已經化好妝的張暖雅，在洗手間和衣帽間不停穿插，胡耀輝最後忍不住叫停她，向記者笑笑口話：「我再唔 stop佢，佢可以化個妝化足一日都唔出嚟！」
愛美是女人天性，主人房隔籬本來是書房，現在就變成張暖雅的衣帽間和化妝天地，兩旁木架更放滿高踭鞋。
「我去 event好多時都要着高踭鞋，有時見到靚同舒服嘅款式，就會買晒幾隻色，所以啲鞋多到要放喺房。之前成日俾人話化妝太濃，所以我呢幾個月喺 YouTube睇咗好多教人化妝嘅短片，亦買咗幾本書學化妝，試過一日化妝落妝 6次，睇番轉頭，之前我真係唔太識化妝！」張暖雅說。
飯廳珍藏張暖雅不時為老公胡耀輝下廚，訪問當日老公未食午飯，她即時為老公煮麵。服務貼心，難怪胡耀輝的 cap帽同影碟珍藏放晒喺飯廳都冇怨言啦！ 
櫃內藏插頭位
全屋設計走簡約風格，大廳間隔四正，容易擺放家具，而廚房則以白色為主色調，設了多個廚櫃，方便收納。
「組合櫃入面裝咗好多電器插頭同 USB位，呢個設計方便又慳位。抽濕機、吸塵機等等全部可以插晒喺櫃入面，電線唔使飛晒出嚟，未來置業都一定會跟番呢種裝修，因為真係好慳位！」張暖雅說。
想箍住男人，先箍住他的胃。張暖雅對廚房咁着緊，都是勤於入廚之人。胡耀輝更大讚老婆：「我哋做呢行好多時都日夜顛倒，只要夾到時間，老婆都會煲湯同煮飯俾我補番吓，其他家頭細務老婆都安排得好好。」難怪經歷風風雨雨，張暖雅仍然箍得住胡耀輝啦！
居室有很多櫃都內藏插頭，電線同插蘇都可以唔外露，睇落更加整齊。 
客廳煲碟客廳鋪上地氈，兩夫婦不時一齊坐地下煲碟，不過張暖雅就投訴要辛苦佢每星期清理。 
張暖雅把飾物收納在一個飾物盒，她最愛大件的耳環及吊墜，因為在大陸登台及打碟時，可以更加搶鏡。
每逢出外，張暖雅都要戴眼罩至瞓到，這四個都是她常用的眼罩。 
張暖雅擁有的化妝和護膚品，以數量計逾二百支。「我會買埋好多，試下邊隻好同啱自己。」 
撰文：張樂施
攝影：李梓軒
錄像：曹俊賢
留言列表
