早前王祖藍事先張揚會與女友李亞男同遊美加一個月，此行更會向女友父母正式提親。出發前非常興奮的祖藍，上周五（9月30日）與李亞男低調返港後突然封嘴，被問及提親一事，祖藍竟大耍太極說：「我依家同陳豪掉轉咗身份，佢高調，我要低調。」突然玩低調，唔通有景轟？
據知呢趟美加之旅，二人先與王君馨等圈中教友去做佈道會及四圍遊玩，至9月中才撇低大隊到溫哥華探李亞男父母。祖藍入住李家一星期，終打破拍拖兩年來的禁慾戒條，與女友共處一室溫馨共枕。祖藍今次除了狂食西餐之外，唔通仲食埋禁果？


王祖藍與李亞男（Leanne）自去年公開戀情後，一直都表現大方，雖然身高相差六吋，仍無阻二人感情發展。上月兩人齊飛加國見家長，距離王祖藍娶得美人歸又跨進一大步。

緊張見家長
李亞男起程前曾向本刊承認會帶祖藍見家長，更表示「無樓我都嫁佢」。上機前祖藍被問到會否與同行8位教友一齊去見家長時，他說：「係㗎，咁咪冇咁驚囉！」當時李亞男又搭嘴話：「我屋企都夠大㗎！」女友開到聲，祖藍擺明車馬留宿李家。
據知祖藍和李亞男到溫哥華前一晚，李亞男已打定電話返屋企，請李媽媽準備晚餐，為男友見家長做足準備。祖藍亦曾向友人表示「好緊張」，一向對衣着不太講究的他更詢問友人應如何打扮自己，可見祖藍對見家長一事甚為重視。

試未來岳母手勢
「除咗王君馨，全部教友都有去溫哥華一星期，不過祖藍喺9月14日就撇低咗大隊，跟Leanne返屋企見家長，仲入住李家。有兩日下晝祖藍約教友出嚟見面，夜晚都係返Leanne屋企。都啱嘅，難得放大假去溫哥華，花多啲時間同未來岳父岳母相處係件好事。雖然佢哋話婚前唔會有性行為，但之前喺美國都係住同一間酒店房，去到Leanne屋企當然都係啦！」
9月14日，祖藍和李亞男到埗溫哥華，即與友人兵分兩路，向李家出發。知情人士說：「本來祖藍想請Leanne一家出去食飯當見面禮，但Leanne話喺屋企見面好啲，咁大家可以慢慢食冇咁拘謹，加上佢好想祖藍可以試吓佢媽咪嘅手勢。」向來多嘢講的祖藍，當晚可能太緊張，未有大放笑彈，不過表現大方有禮，還對未來岳母承諾會好好對李亞男，請她不要擔心。雖然李亞男父母一直希望女兒嫁個條件好的男人，但與祖藍接觸後，對這位未來女婿另眼相看。

禮金慢慢傾
Leanne和母親向來感情要好，年多沒見，兩母女有兩晚差不多傾通宵，其間當然有提到祖藍。「Leanne媽咪話，雖然祖藍唔算咩專業人士，又唔係大有錢佬，不過佢知祖藍好上進，又見到個女拍拖好開心同幸福，所以都好接受祖藍。不過李媽媽話唔使太急結婚，可以慢慢籌備，下年尾結婚都未遲。」與李家相處一星期，9月20日離開溫哥華時，祖藍更獲李母邀請聖誕節再去溫哥華一齊過節兼傾談婚禮細節。雖然今次見家長祖藍未有詳談婚期，更未有提及禮金數目，不過未來岳父岳母呢關總算成功過咗啦！

忽然轉低調
上周五（9月30日），叉足電返港的王祖藍即開工努力搵老婆本，翌日已到澳門出席活動。對足一個月突然分開唔習慣，周日（2日）祖藍在將軍澳出席完新劇活動後，即揸車到佐敦接李亞男，更毫不避忌將座駕停泊在一間時鐘酒店樓下的停車場，接完女友之後，再送她返回其將軍澳寓所，自己則返西貢屋企。
周一（3日），記者向祖藍問到有關美加之旅，初時他滔滔不絕講在美國睇了十套舞台劇，更獲好友帶挈入後台觀摩。不過一提到去溫哥華見家長，即封嘴說：「呢啲嘢唔講，我依家同陳豪掉轉咗身份，佢高調，我要低調。（見家長順利嗎？）唔講！（你哋瞓埋一張牀？）都話咗我依家好低調，私人嘢咩都唔講！」記者再致電李亞男，但她已飛去北海道拍旅遊特輯而未能回應。
由公開戀情開始，祖藍每提起「性」，總會斬釘截鐵話自己意志好強，更會靠神的幫助令事情唔會發生，如今轉晒口風，真係想低調，還是根本已經守唔住呢？

美加遊變連體嬰
由8月31日開始的美加之旅，王祖藍與李亞男對足一個月。雖然旅途大部分時間都有大班教會好友同行，但兩人每次影相都黐到實，愈來愈似兩夫妻。 ####


泊時鐘酒店
王祖藍帶李亞男去附近一間時鐘酒店，唔好誤會佢哋去幫襯，只係祖藍泊咗架車喺時鐘酒店停車場啫！


我哋第一次同牀咋！（設計對白）


趕去接女
周日（2日），王祖藍下午到將軍澳出席完新劇《荃加福祿壽探案》活動，急急腳揸車走，原來係去佐敦接李亞男。佢仲驚落雨拎定把遮防身，認真細心。


體貼拖篋
王祖藍去佐敦一間教會接李亞男，離開時仲幫女友拖篋。呢日佢着咗對駌鴦色波鞋，再加上高佢6吋嘅李亞男，行到邊都俾人眼望望。


各自返歸
啱啱先去完美加朝夕相對一個月，王祖藍與李亞男返港後依然黐纏。呢日管接送見面唔夠一粒鐘，祖藍就要送女友返將軍澳寓所，自己再返回西貢。冇藉口再同屋共枕，真係慘。


冧掂未來岳父岳母
去加國見家長前，李亞男曾向男友提水母親要求頗高。今次王祖藍表現誠懇，獲女友父母認同。未來岳父岳母（圖）更帶祖藍四出觀光，當正佢係一家人。


原來李亞男一家在溫哥華亦有捧祖藍場，每逢有他演出的電視劇與節目，他們都一齊睇。李媽媽更大讚祖藍扮女人夠鬼馬，唔知剛播出的《荃加福祿壽探案》，溫哥華有得睇未呢？


亞男貞節戒指失效
影過唔少結婚硬照嘅李亞男，早前一句「冇樓都嫁」！擺明一切以愛行先，結婚分分鐘唔使大搞。


李亞男手上戴住祖藍送嘅貞節戒指恐怕已失效，睇嚟換隻結婚戒指啱啲喎！


祖藍玩低調
本周一（3日），王祖藍出席無綫亮燈儀式，對於與李亞男在加國遊破禁，他不斷重複要低調處理感情事，仲玩手指迴避問題。


LA環球片場


探喬宏太太小金子


紐約佈道會

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄