上年聲言要進軍荷里活的「警鐘胸」Jessica C.，一直得個「講」字，留美差不多一年，唔只大茄冇佢份，最近又同拍拖4年的巴西籍男友Sergio掟煲。人財兩失，「警鐘胸」終要回歸香港搵油水。
上星期回歸，Jessica行內衣騷又亮相古巨基演唱會做表演嘉賓，以為重新出發，點知週一（10日）下午Jessica卻因一宗發生於去年，涉及港幣600元的盜竊案而突然被捕，JC逗留了3小時才獲准保釋外出，由律師陪同下離開。


最近Jessica C.自爆跟拍拖4年的巴西籍模特兒男友Sergio掟煲收場，更數爆男友是大食懶，自認後悔「貼仔」。

涉偷600蚊
情傷未癒，本週一Jessica C.再惹官非。當日下午4時前，Jessica C.因涉及一宗盜竊事件而被補，更被邀到尖沙咀警署落口供。經過大約3小時的調查，JC獲准在晚上7時10分由助手及律師陪同下離開。
記者致電警察公共關係科，職員回應：「警方於今日，10月10日拘捕了一名22歲的外籍女子，她涉嫌於2010年7月30日，發生於尖沙咀區的一宗盜竊案有關，涉及失款港幣600元，被捕女子已獲准保釋候查。11月上旬向警方報到。案件已交由油尖警區刑事調查隊跟進調查。」

匿入差館
當JC步出警署，即被大批記者包圍，而JC亦嚇到一直頭耷耷，最後還驚到走回警署躲避，不過避了約4分鐘，JC即被警察請離開。驚魂過後，JC即變臉，不只笑住口輕鬆面對記者，還應記者要求企定定影相。其間有記者問她：「為何要匿入差館？」甚至「犯咩罪要入差館？」JC一直笑而不答。最後由助手及律師陪同下走人。 記者就Jessica C.涉盜竊一事致電其所屬模特兒公司「modelone」（天驕）的經理人Christine，但對方一直飛線到公司，其同事則說Christine正在開會唔得閒，而接電話的同事亦強調不清楚事件的由來，不便作答。

人人「O」嘴
跟Jessica C.合作過的藝人，當聽到她涉偷竊被捕，冇人相信。

傅穎
最近跟Jessica C.合作拍《熱浪球愛戰》的傅穎，話好難相信JC係賊，「呢件事我唔方便講，舊年我同佢拍戲時，我覺得佢好人同好勤力。」

古巨基
剛邀請JC做演唱會嘉賓的古巨基，就透過英皇回應JC懷疑偷竊事件：「未經證實嘅事件，我唔會回應。」

莊思敏
好驚訝，同JC合作好多次，唔信佢會咁樣做，其實未經證實我唔方便回應，希望係誤會啦。本身做人做咩都要諗清楚，要為自己付上責任，犯法事唔應該做。

𡃁模手多多
疑似三隻手
今年6月Chrissie率領公司師妹到大馬做騷期間，發生旅遊失竊事件，眾人現金被偷，惟獨Jeana冇損失，佢仲同Hidy喺旅遊巴內玩自拍（左圖）；被偷3千港元的Chrissie暗指師妹Jeana做「三隻手」。

模界有賊
Annie G.（左圖）4月出席Hailey C.生日會，事後傳出佢細妹涉嫌拎走陶喆前緋聞女友岑潔儀（右圖）朋友價值9萬元的Hermès Birkin手袋，搞到報晒警。事後Hailey話個袋係喺生日會場大廈入口搵番，而Annie笑稱：「有人捉住我隻手大聲講sorry！」相當離奇。 ####


步出警署
第2次步出尖沙咀警署時，由律師陪住顯然放鬆很多，而且還可以微笑面對傳媒。


最新圖片　壓力禿
週一晚7時10分左右，獲准保釋的JC，面對記者狂影，被嚇到一直低頭，之後還返回警署避難。留意JC額頭光禿禿，唔通因為官非壓力大，搞到脫髮？


33C Jessica上星期才為Wacoal行內衣騷，當日佢仲笑晒口狀態大勇，估唔到佢會涉及偷竊案。


去年7•30出事
出事前1日，去年7月29日，JC就同Chrissie一齊去動漫節宣傳寫真集，當天佢仲接咗另外2個活動。《蘋果日報》圖片


JC同男友Sergio拍拖4年，今年3月去澳門旅行時，還被影到同男友於水池騎膊馬戲水鬼咁煙韌。可惜因男友唔做嘢又懶惰，最近終於被飛。《壹週刊》圖片


週日JC仲喺古巨基演唱會任表演嘉賓，其間JC笑晒口，冇異樣。








arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄