Franky學生中不少是幼稚園的學生，「好似 Issac只得 5歲幾，但我對佢一 啲都唔會手軟，佢對我又敬又畏。」

青雲路

港版冰之驕子　 80後冰球教練　月入 2萬

2012年07月11日 ~~ 第1068期 交易通．搵車快線

最近報章以溜冰界「少林寺」形容將於 7月底結業的荃灣海濱溜冰場，喚起了大家的集體回憶。其實深水 埗西九龍中心的溜冰場，可說是香港冰球（ Ice Hockey）的「少林寺」，孕育 着不少冰球員的種籽， Franky便是其中一位從小在這個冰場學習冰球到代表香港冰球隊出賽，現在他是香港少數全職冰球教練，每月教班及擔任地方聯賽球證，收入超過 2萬。

「個人要平衡，個心口唔好偏埋一邊，個 pat pat坐 喺隻腳上面，再 嚟過，唔准偷懶。」依記者觀察，打冰球連跌都要有技巧，跌完亦要立即企起身，要教識 3、 4歲大的小朋友， Franky會用比喻來溝通，「叫小朋友跑快 啲，佢 哋跟本唔知點可以跑得快，如果叫佢 哋要好似超音鼠隻腳咁，動作頻率高 啲，小朋友會容易明白。」
現年 28歲的 Franky是香港最年輕的冰球教練之一，出生於冰球世家，早已習慣身邊一切圍繞冰球，大部分朋友亦於溜冰場上認識。「我爸爸媽媽年輕時已經開始玩冰球，有超過 20年經驗，媽咪閒時會幫球隊擔任經理人，爸爸更係資深冰球教練，家會父子檔一齊教波。」
Franky成為冰之驕子是從西九龍中心溜冰場開始，但原來他小時並不愛好冰球，學溜冰全因爸爸半氹半迫，「爸爸不嬲 喺西九龍中心溜冰場任教， 8歲 嗰年兒童節，爸爸送 咗對冰鞋畀我做禮物，教我溜冰同打冰球，最大目的係留我 喺冰場入面，方便管住我，事實上冰場真係佢 嘅勢力範圍，以前我幾點帶咩朋友 嚟玩，都總會有人匯報，所以爸爸 嘅計劃其實好成功。」


Franky要 Markus跳雪榚筒，目的是訓練他大小腿的肌肉，以及跳躍後冰刀 着地時的平衡，提升他的技術。


溜冰場的入口第一張教練相便是 Franky，旁邊的是他的爸爸 Feidi，連溜冰埸都要以他們為生招牌，招攬客人。

參加比賽增加經驗

Franky性格反叛，口說不愛冰球，但經常趁爸爸上堂時與其他學生一齊練習，放學更會去冰場練習技巧，技術進步神速，慢慢愛上這項運動。「我 9歲加入小朋友冰球颱風隊， 4年其後更超越同齡小朋友， 13、 14歲就加入成人組 Divsion2嘅冰球隊，同大人一齊打比賽， 16歲更升上 Divsion1隊伍，當時透過打比賽，吸收 咗好多打冰球 嘅經驗。」
08年 Franky更接受香港冰球代表隊邀請，並接受訓練，曾以港隊身份到台灣、哈爾濱比賽， 09年遠赴阿聯酋參加國際冰球總會舉辦的亞洲挑戰賽等，「加入港隊可以到世界各地比賽，與其他地區選手切磋技術，提升到自己 嘅水平，奈何每次出賽，隊員都先要自己出錢畀全部旅費，而政府只會資助 7成費用，其餘 3成需由球員自己負擔，好似去阿聯酋比賽就要自己畀 4千。受財政壓力影響，成為全職冰球員發展 嘅障礙，所以之後我再冇隨隊去比賽。」

任爸爸助教偷到師

Franky教波之餘，會於大大小小的比賽中擔任球證，一晚約有 4至 5百元收入。

Franky有一定技術水平，他跟隨爸爸，走上教練之路，「最初我由爸爸 嘅助教開始做起，可以幫輕佢之餘，自己又有多 啲時間練習，有時聽吓佢點教學生，偷到師，好多學生 嚟學冰球，基本功未必咁好，我學識 咗先由溜冰 嘅基本技巧教起，好似單腳溜冰、雙腳交叉溜冰、急停、急轉等。再教冰球 嘅技巧，例如帶波運行、交波、接波等技巧，當然亦會講解冰球 嘅知識及比賽規則。」
現時 Franky的學生中以小朋友佔大多數，一般只有 3至 10歲，教導年紀細細的小朋友，他以認真嚴肅的態度見稱，「家好多家長縱慣子女，唔捨得鬧唔捨得打，我完全唔 buy呢套，有時細路係要用鬧先會聽教聽話。加上， 嚟得搵我學冰球 嘅小朋友都好鍾意打波，就算我好惡對佢 哋都會聽我講，家長亦接受我咁嚴厲對佢 嘅小朋友，覺得我可以訓練佢 哋 嘅服從性。」
因為小時同樣接受爸爸嚴厲的教法，令 Franky知道真心鍾意冰球的人，受到責備是明白自己做得未夠好，會更努力學習。 Franky與爸爸同屬飛龍溜冰學校的註冊冰球教練，現時收生平均 2至 3人一班，每堂 45分鐘，收費約$200。「我會安排水平相若 嘅學生編成一組，亦會為每位學生按程度設計課程。」憑 着認真教學的態度， Franky深得學生家長信任，靠口碑上位，暑假檔期日日爆滿。




家長　 Carman
因為 Markus爸爸 喺加拿大有玩開 Ice Hockey， 喺佢 3歲之前已經想畀佢學，最初先學溜冰，家 3歲半已經玩 咗冰球半年。之前有參加其他冰球會比賽，識 Franky係因為見到佢做比賽球證，後來知道佢有做教練，朋友又話佢教得唔錯，所以搵佢幫 Markus加強訓練，由一星期 2次加到 3次。

高鈞賢
高鈞賢於 7歲移民加拿大時開始接觸冰球，因為周圍都見到人玩，好奇之下，由屋企停車場拿 着雪靴拎支棍亂玩開始，到之後加入社區隊，一年內由不懂得溜冰到成為隊長，帶隊去其他地區比賽。
冰球員會 着全副武裝（ full contact）比賽，包括頭盔、護甲、護肘、手套等其實好安全，玩 咗 6年後，試過一次隻手甩骱受傷，媽咪話危險就唔畀我再玩。之後轉玩籃球，冇安全措施保護，試過打爆眼角，家隻腳仲筋腱斷裂，玩 Ice Hockey其實安全過籃球。


《蘋果日報》圖片

兩度離開最愛冰球

Franky熱愛冰球，但曾經 2次暫停冰球教練工作，「第一次因前度女友不滿教練上堂時間及收入唔穩定，經常抱怨要我搵過第二份正職，經朋友介紹，我去牛奶公司做 咗半年審計，又轉去採購部做 咗年幾，其實朝 9晚 5嘅工作唔適合我，之後都係返 嚟教波。」第 2次亦是經朋友介紹，在三威玩具廠從事 marketing工作，「以為 marketing唔使坐定定，諗住試吓，點知要處理大量文書工作， 3個月後，我都係決定辭職。」
Franky現逢星期二、五、六教冰球，而星期一、三、四會於 Mega Ice，為每晚約 3至 4場的比賽做球證，只有星期日休息。平日教練收入約$15,000至$17,000，加上$3,000以上的球證收入，人工有 2萬左右，於暑假、聖誕節、復活節會有更多學生報讀，教練收入會增加 20%至 30%不等。經歷過 2次與冰球的離合， Franky終於醒悟，回歸冰球場上做全職教練，專注教練工作。


2009年 Franky（右）以港隊身份到阿聯酋出賽。


上課前後， Franky一定會與家長溝通，交代學習進度，同時打好關係。

點入行？

Franky表示香港現時冰球教練只有約 15位，要成為冰球教練，在香港沒未有認可的專業資格，「想做教練打波一定要打得叻，亦可以透過唔同 嘅比賽增加知名度，為自己打響名堂，有知名度後，可以去冰球會應徵掛牌做冰球教練，又或自然有人搵上門要求拜師學藝。」現時冰球教練時月約$14,000至$17,000起，視乎經驗及知名度而定。

冰球不是冰曲

一般人容易將冰球(Ice hockey)及冰上曲棍球（ Bandy）混為一談，原來兩者是兩項不同的運動。冰球是黑色扁圓柱餅形，球棍不能長於 163厘米，於室內進行，每隊派 6人上埸作賽；而冰上曲棍球是橙色圓球形，球棍不能長於 120厘米，於室外進行，每隊派 11人上場作賽。
冰球(Ice Hockey)起源於加拿大，普遍的香港冰球比賽，會分 3節舉行，每節 12分鐘，中場休息 30秒，比賽中能無限次換人。用硬橡膠製成的冰球，直徑約 3英吋，球員用冰球棍鬥快將冰球打入對方龍門內得分， 3節總和得分最高隊伍於比賽中勝出。

後記：上陣父子兵

Franky的爸爸會閒時為他擔任助教，會互幫忙指導學生，是冰球場上的父子檔。

好多家長識游水都教唔掂自己的小朋友，要送他們去泳會學游水。 Franky爸爸卻有另一番見解，「佢細個覺得我冇去過外國浸鹹水， 啲技術唔會好得去邊，成日唔想跟我，當時我放手畀佢出去試，出過去比賽，跟過其他教練之後，發現當時學 嘅技術我 2年前已經教過，佢先知道我 嘅實力，至肯真心跟我學 嘢。」其實小時候的反叛期每個人都有，跟邊位教練並不重要，重要的是現在兩父子有共同興趣，一齊睇波打波，又可以一齊開工收工，話題不斷，令記者十分羨慕。

撰文：何穎芯
攝影：傅新發、彭自維
部分圖片由被訪者提供