杜琪峰執導的電影《單身男女》昨日下午在中環擺花街取景，劇中主要演員古天樂、吳彥祖（ Daniel）及高圓圓都有到場。 Daniel以一身港版犀利哥裝扮現身。

化妝兩粒鐘

兩大型男在放工時間現身中環拍外景，即吸引一大班市民圍觀，而 Daniel更預先兩小時到場化妝，變身成網上熱爆紅人犀利哥，他說：「化妝連貼鬚足足用咗兩個幾鐘，仲要喺咁熱天氣拍，真係幾辛苦。」他表示故事講述身為藝術家的吳彥祖原本在設計界呼風喚雨，不過一次失敗令他受不起打擊，因而自暴自棄流落街頭。他說：「之前喺網絡都有留意呢單新聞，但估唔到自己要學佢嘅裝扮。」採訪、攝影：羅德光

吳彥祖飾演失意的藝術家流落街頭，手持威士忌可謂入型入格。

吳彥祖變身犀利哥醉步中環

吳彥祖（Daniel）與台模瑞莎昨日於中環拍攝杜琪峯新戲，Daniel變身型男版犀利哥醉步街頭，後者則波濤「胸」湧，令到同場的古仔與JJ慘被搶風頭。

吳彥祖以「型男版犀利哥」造型現身中環街頭拍攝新戲，十分矚目。

昨日氣溫雖然高達三十多度，但吳彥祖與古天樂依然穿着長袖戲服，於五時許在中環擺花街拍攝杜琪峯新戲，而Daniel在戲中的犀利哥造型亦首度曝光！戴上「嬲憂」假髮、臉上黐滿鬍鬚的Daniel，配以啡色長袖外衣加打底tee，可謂「熱」力四射。

拍完極速撇

Daniel昨日拍攝的場口其實頗為簡單，只見他拿着酒瓶晃來晃去在街上漫無目的行醉步，滄桑味道絕對不輸給風靡一時的犀利哥。不過Daniel似乎對其新造型並不太過留戀，當他拍畢有關場口後，即極速落妝兼換衫走人，撇下古仔等人繼續進行拍攝。

穿上綠色V領連身裙的台模瑞莎「胸」湧澎湃，搶鏡非常。

古天樂大熱天時穿上西裝依然神態自若，認真專業。

杜琪峯在現場指揮拍攝，表現肉緊。

賈曉晨失色

除了Daniel外，於昨晚七時許加入拍攝隊伍的台灣名模瑞莎亦相當搶鏡，原本打扮casual的她，上圍完全未見「胸」湧；不過當她換過V領綠色連身裙戲服後，警鐘胸即時呼之欲出，感覺異常澎湃，令到同場只穿casual wear的賈曉晨頓時給比下去。

文：影視組攝：追蹤組

吳彥祖犀利哥上身嚇窒古仔

吳彥祖（Daniel）昨日以「型男版犀利哥」造型拍攝杜琪峯新片，風頭盡蓋只穿普通西裝的古天樂。至於盛傳與古仔有不少對手戲的台灣名模瑞莎，亦以一襲綠色Deep V連身裙搶盡「峰」頭！

古仔與Daniel昨午五時許現身中環，拍攝杜琪峯新片，雖然天氣酷熱，但穿上長袖衫的他們仍面不改容，相當專業！其中Daniel的「犀利哥」造型首度曝光，戴上「嬲優」假髮及黐上鬍鬚的他，身穿啡色長袖外衣及打底Tee、手上拿着酒瓶，滄桑味十足，與曾風靡一時的犀利哥似到十足十，成功搶鏡！至於昨晚七時許才加入拍攝的台灣名模瑞莎，亦與Daniel同樣搶鏡，皆因穿上V領綠色連身裙的她，上圍既「胸」湧又澎湃，搶盡只穿便服的賈曉晨（JJ）「峰」頭！

杜琪峯（左）頻頻抹汗，反觀穿西裝的古仔則神態自若。

JJ（左）以便服示人，星味大減。

千嬅鬧老公賤

另外，古仔與楊千嬅昨日齊齊出席《聯合國兒童基金會慈善跑2010》記者會，近日忙於拍戲的古仔，在活動上疲態畢露，相反千嬅則滔滔不絕，更笑謂正與老公丁子高「鬥減肥」，她說：「丁生意志力大過我，不過佢相當賤，成日引誘我食雞髀，一瘦咗就叫我食雞髀！」問到老公是否為了陪她才減肥，千嬅即大玩踢爆：「佢話成日畀人影到樣衰凸腩喎，所以要減肥！」