明星靚相大分享☆

o靚妹李綺雯（o靚妹）喺無綫嘅《世界盃動起來》學人講波，俾網民大讚佢有板有眼。舊年傳過同陳肇麒（陳七）拍拖嘅佢，仲好謙咁話全靠同陳七拍拖時經常留意對方比賽及球圈新聞，所以今次至能夠突圍。
唔知o靚妹係咪品味專一，定係食過番尋味，佢似乎對球員情有獨鍾。周二（6日）晚 ，TVB喺奧海城搞咗個《世界盃頂Cup嘉年華》，o靚妹係主持之一，坐喺傑志球員盧均宜隔籬。鏡頭之外，佢一味撩人哋傾偈，仲玩到癲晒，其間借啲意挨落人哋心口度㖭！周三（7日），媽咪姐打電話俾o靚妹，問佢係唔係同盧均宜撻着？佢就答：「我哋識咗好耐o架！」嗱，識得耐唔代表唔會撻着，何況如果講波講到拍拖，都係一件美事嚟嘅！

撩主持有着數

玩玩吓佢仲狼到伸手搞對方嘅頭髮，玩到忘形，自己露底都唔知。

節目未開始，o靚妹已不停咁出手撩盧均宜。

効力傑志嘅盧均宜，同o靚妹一樣，今年25歲。

另一傑志球員鄭少偉（右）同o靚妹傾偈時，o靚妹仲成個人挨咗落廬均宜心口度。

玩玩吓，盧均宜亦[目及]住女方補妝。

換轉同兩位女藝人一齊，o靚妹（中）就成個謝晒，冇厘表情。

去年11月，o靚妹同陳七拍拖，仲將親密照上載上網，引嚟陳七正印女友Natalie反擊，結果甩拖。

亞視女優賽出身嘅o靚妹，以三點式示人亦全冇尷尬。

當晚15位候選港姐有份玩遊戲，未正式時，4號嘅文凱玲主動同阮兆祥（前右）、潘文迪（前中）及李偉文say hi。

付出有回報，節目正式時，潘文迪就俾咗一個發言機會佢。着數晒。