貿發局禁o靚模在書展搞簽名會，眾o靚模各出奇謀施「模」術衝擊書展，明剃貿發局眼眉！組合MonsterBeez揚言會日日踩場玩「捉伊人」，「浸大E神」楊梓瑤（Carol）更擺明車馬在書展賣書送親筆簽名海報。

MonsterBeez的寫真造型十分火辣！

周秀娜（Chrissie）決定跟貿發局抗衡到底，在書展開鑼當天，殺入會展其他會場舉行簽名會，其他o靚模後輩亦絞盡腦汁搞對抗，尹蓁晞曾表示以cosplay扮相踩場、組合冬甩亦會在書展派冬甩，令貿發局為之「冇符」。

Anjaylia（左）及Evelyn事先張揚23日去書展。

SugarBeez水手裝招搖

由Annie G.及Hailey C.組成的MonsterBeez，在寫真集有超激演出，兩女激咀摸胸，性感度爆燈。兩女直認屆時會踩場谷寫真：「我哋日日都去，日日玩『捉伊人』。（着乜衫？）着乜都好，一定唔會着比堅尼跳嚟跳去，但會捐窿捐罅去其他攤位執平嘢。（唔擔心釀成混亂？）未見過書展有秩序過，除咗收舖嗰陣！」

至於A.Lin和DaDa Lo組成的SugarBeez，亦會去書展：「啲人愈唔畀愈要去，香港唔係封建城市。（邊日去？）書展第二日，會着水手裝去，切合我哋寫真主題。」還笑言希望可以呃到以學生門票入場。會應fans要求簽名及握手，並不擔心引來混亂。

另外，陳嘉寶（Anjaylia）和蔡穎恩（Evelyn）亦於23日下午到書展撐場：「會以青春少女打扮入場，仲會睇埋其他攤位，唔怕造成混亂，嗰日只係握手同合照，唔會簽名。」

Evelyn會以少女打扮入書展。

尹蓁晞會以cosplay造型谷行33C身材踩場。

楊梓瑤會在書展送親筆簽名海報慰粉絲。（資料圖片）

E神Carol入櫃位賣書

近日人氣急升的「浸大E神」Carol，亦明刀明槍殺入書展，頭兩日會在中午時分以普通市民身份名正言順行入去，她選擇背心短褲作戰衣，驚人多逼親，公司正安排幾名保安保護，屆時Carol會在櫃位幫手賣書：「貿發局唔畀我簽，冇話唔畀我賣書，同埋我會送親筆簽名海報畀頭一百個fans，若fans要求簽書合照都會照做。」

而「警鐘模」Jessica C.不排除以普通市民身份入場，因經理人告知曾有女藝人被非禮，她擔心安全問題，但不會在書展第一日入場，只是想同fans接觸。

對於眾o靚模奇謀盡出混入書展，貿發局發言人張先生受訪時表示關注，但不想講太多：「書展係開放嘅，任何人士作為觀眾都有權入場，當然一定會關注o靚模，因為人流咁多，我哋要控制秩序，但關注唔代表會禁制佢哋，希望任何人入書展會守規矩。（衣着呢？）社會可以接受嘅衣着，呢樣冇規定。」對於Chrissie在會展另一場地簽名，張先生不作評論，無謂為人宣傳。

Jessica C.會以普通市民身份入場。

周秀娜去年攻陷書展，場面相當墟冚。

o靚模踩場出殺着

o靚模不能在書展搞簽名會，各出奇謀殺入書展，一於以不同奇招及衣着踩場。

人名衣着殺着

周秀娜秘密殺入會展其他會場舉行簽名會

楊梓瑤穿背心短褲踩場會送親筆簽名海報

尹蓁晞（Yumi） Cosplay打扮會以妙計踩場

Monster Beez（Annie G.、Hailey C.）除了比堅尼，着任何衫也沒所謂日日去書展玩「捉伊人」

Sugar Beez（A. Lin、DaDa Lo）水手裝亮相會握手簽名

Anjaylia & Evelyn 青春少女裝束會和fans握手合照

Jessica C. 夏日feel背心裙以普通市民身份入場

Mia（陳靜儀）睇天氣而定以媽咪身份帶囝囝睇圖書

Iris出招賣T恤親親fans

o靚模各出奇謀谷寫真，「爆Ｅ超蓮」鍾永慧（Iris）、「百果園咪神」陳靜（DaDa）卻向書展說不，寧願另覓場地宣傳造勢！Iris會於17日在旺角西洋菜街賣Ｔ恤，讓想買其寫真的人可以作近距離接觸，DaDa為配合寫真的主題不會刻意去書展，她們會在商場搞簽名。至於李蘊、劉欣宜則會低調入場，而林莉則表明不會入書展，將於20日舉行記者會。

Iris買雪糕食，論論盡盡食到成心口都係。

解帶半裸曬太陽

此外，有35Ｅ上圍的Iris日前現身赤柱，在市集買雪糕邊行邊食，卻「論盡」地滴濕心口，要尷尬清潔。其後她在沙灘狂晒超長事業線及解帶半裸曬太陽，隨即「倒瀉奶」，當時有數名途人行過，Iris恐防蝕底火速將上圍壓向沙堆，急急綁緊泳衣帶。事後Iris在電話中解釋，當時想曬得均勻點才解帶，但已好小心壓住胸前，一定不會走光！提到同組的Debby因拍撕暴短片被轟，她希望大家原諒，公司已經將條片刪除，不會有下次。

「爆E超蓮」鍾永慧在沙灘上解帶半裸曬太陽。