明星靚相大分享☆

星期日（八月一日）天朗氣清，Jessica C同高海寧去淺水灣打沙灘排球，幫防曬用品宣傳。
警鐘胸、無綫咪神同場出現，男士泳客當然唔會放過[目及]嘢大好良機，另一邊廂，數十龍友亦準備就緒，租定巨型沙灘遮，擋住個太陽，可以慢慢影低兩位波神球場獻技。
為咗今次活動，高海寧專登走去練習打排球，可惜用錯力，搞到雙手虎口位置瘀瘀黑黑。
至於Jessica C，話就話有打沙灘排球經驗，但係到真正落場，就知佢舢舨充炮艇，勝在救波扣殺夠肉緊，認真度加分。
用心打波，Jessica C晒波亦毫不吝嗇，充分反映鬼妹仔open作風，但弊在郁身郁勢動作過大，三角褲邊出現疑似走光，真假都好，幻覺嚟嘅啫！

打波有姿勢無實際嘅Jessica C，勝在打得夠認真，又經常身執波晒身材，啱晒龍友口味！

專登秘密操波嘅高海寧，用錯力，虎口位瘀晒，打波又手軟腳軟，似未食飯。

捽身捽勢搽防曬，Jessica C表現落力，不過動作太大，褲邊位置疑似出現露毛。

話晒嚟打排球，高海寧未有刻意展示豐滿身材，但都足夠吸引班血氣方剛後生仔，望完又望。

富貴龍友夾錢租沙灘遮影相，部分就企樹底遮蔭，再唔係，企沙灘乾煎都冇所謂。