黐身膏藥許志安自爆分手，Sammi即成為頭號候任「許太」，許安搣唔甩，陰魂不散。
緋聞熱炒之外，Sammi亦勤力開工，早排就去咗澳門搵銀，為新濠天地嘅「水舞間」拍宣傳MV。唔係做代言人，只係拍一首歌俾對方四圍播，Sammi配合主題濕身埋位十二粒鐘，過百萬酬勞袋袋平安。


著住御用設計師Tomas Chan設計嘅金黃肉色超貼身背心衫褲，瘦到得棚骨嘅Sammi勇氣可嘉，大晒「胸骨」同平胸「事業線」，仲有一雙結實手臂，玩骨感。
有人話，同一件事只要連做三十三日，就會成為一種習慣，Sammi之前開騷狂操，至今依然keep住日日跑步，咁操法，八珍懷疑，Sammi個心口係冇脂肪嘅囉！Hey，無綫班港男其實應該請教Sammi，何謂真正嘅「胸肌」！


Sammi趴地濕身拍MV，露出兩排胸骨，心口無肉，但「事業線」又長又深。


新濠天地由何鴻燊二房何猷龍掌管，超儀老公陳子聰知道Sammi為耗資二十億的「水舞間」拍MV，特來探班。


日做八粒鐘運動的Sammi，谷到手瓜膊頭肌肉一嚿嚿。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄