明星靚相大分享☆

今屆港姐賽果鬧出唔少靠後台靠緋聞而內定賽果，噚日又有消息話亞軍張秀文（ Sammi）提名人 Kitty同都係港姐出身嘅契女馬賽，喺港姐競選當晚深夜食糖水，席間有人聽到話 Sammi內定得獎。噚日馬賽同張秀文、樂瞳、鄧永健、出爐港姐冠軍陳庭欣、季軍莊思明及最上鏡小姐李雪瑩參與喺馬灣舉行嘅兒童節活動。

放大圖片

（左起）冠軍陳庭欣、莊思明同李雪瑩每日馬不停蹄四出領獎同出席活動，仍然容光煥發。

放大圖片

噚日天氣炎熱，樂瞳將大會 tee剪爛變露膊衫解暑。

強調港姐公平 放大圖片

馬賽（左）嘅契媽係港姐亞軍張秀文（右）嘅提名人，所以佢兩個一早認識。

有備而來嘅馬賽自爆之前已經識張秀文，因為張嘅提名人係自己契媽，佢強調公司選美係全世界最公平公正，評判唔會被控制賽果，都冇可能預知賽果，馬賽只係賽前有同張秀文分享選美心得。張秀文就話同馬賽關係好好，絕對唔信報道話馬賽唱衰佢，佢深信評判慧眼公正，唔會出現內定賽果，而自己參選時為免影響父母，一度入住提名人 Kitty屋企，仲大讚 Kitty有眼光提名佢參選。


今屆港姐是非陸續有嚟，有消息指張秀文係內定得獎。　資料圖片