生於富裕家庭、父親是馬來西亞拿督的莊思明，近日因在港姐決賽夜的「花師奶」髮型「出事」，被網友趁機嘲諷狂插，她前日在網誌表示爸爸有錢唔係罪，她會努力做好自己，希望有一日令針對她的人改觀。

莊思明自認樣生得寸，但識得謙虛及尊重別人。（資料圖片）

應屆香港小姐季軍莊思明決賽夜蓬鬆髮型被網友嘲諷似卡通人物「花師奶」，賽後成為話題，網友質疑她這副「尊容」也能攞獎乃靠名模家姐莊思敏幫助。

網誌留言作平反

連日來面對種種批評的莊思明前日在網誌留言為自己平反，她說：「你們每一個都好了解我性格，我從來唔會囂張，更加唔會自以為是！我個樣生得寸，但我係一個謙虛同識尊重別人嘅人，我爸爸有錢唔係罪更加唔係大晒，我會努力做好自己，希望有一日針對我嘅人會對我改觀。」性格率直的莊思明回應得到不少網友支持，但她刪除之前一Blog文「多謝你們的惡意攻擊」卻又引來網友不滿。

李雪瑩（右起）、莊思明、陳庭欣與張秀文出席兒童節活動。

馬賽（左）與張秀文都是同一個提名人。

馬賽張秀文闢謠

此外，莊思明昨日與冠軍陳庭欣、亞軍張秀文、最上鏡小姐李雪瑩和師姐馬賽到馬灣公園挪亞方舟出席兒童節活動。對於有網民指本屆港姐是「豬扒港姐」，馬賽力撐師妹說：「佢哋好靚呀，各有特色。不過網民有自己睇法，啱唔啱都鬧，唔使介意。」

馬賽之前獲契媽提名參賽，今年契媽亦提名張秀文，兩人同樣獲獎，有指馬賽契媽向友人透露張秀文必定能入八強，張秀文說：「我覺得港姐係公平、公正，亦證明我個提名人獨具慧眼。」 又有指她被馬賽唱衰，兩人齊否認，並稱是朋友。

莊思明網誌反擊認寸

港姐季軍莊思明因港姐決賽當晚的「花師奶」髮型不討好，近日遭網友圍攻，她在網誌上回應，自認寸樣但絕不囂張。

父親是馬來西亞拿督的莊思明，生於富貴家庭，近日因在港姐決賽當晚的「花師奶」頭而遭網友狂插，又指她得獎全靠名模家姐莊思敏。莊思明前日在網誌回應：「你們每一個都好了解我性格，我從來唔會囂張，更加唔會自以為是！我個樣生得寸，但我係一個謙虛同識尊重別人嘅人，我爸爸有錢唔係罪，更加唔係大晒，我會努力做好自己，希望有一日針對我嘅人會對我改觀。」

出爐港姐張秀文（左起）、陳庭欣、莊思明與李雪瑩一起出席活動。



馬賽指網民乜都鬧一餐，着師妹不用介懷。

港姐出身的袁彌明直指今屆港姐相貌平凡，僅屬「中環質素」。

袁彌明叫人做o靚模

此外，對於莊思明的花師奶頭，同屬港姐出身的袁彌明（Erica）毫不留情地說：「其實髮型出事佢都控制唔到嘅！（三甲畀人叫『豬扒』喎！）又唔好咁話啲女仔，不過真係平凡囉，喺中環搵幾個都有咁嘅質素。依家選港姐上唔到位o架喇，做o靚模仲好，除兩件衫仲快啦！好似上年港姐冠軍咁，一年都冇佢嘅報道，都唔記得係邊個！」

影視組

莊思明決賽當晚的「花師奶」頭遭網友圍攻。(資料圖片)