將會响10月舉行演唱會嘅楊千嬅，完騷後就會全力籌備佢同丁子高嘅婚禮。工作行先，星期一（八月二日），千嬅出席個唱記者會，聲稱已擇好日子，十二月二十日响香港請飲喜酒，但齋請家人同長輩，至於老友同事幾時飲佢嗰餐？千嬅話要另外度期，暫時未知邊
一日。

 


做咗丁太，千嬅一樣不言休，今次仲會舉行巡迴演唱會，相信最快要唱到明年年中先完，之後至可以展開開枝散葉大計。
生仔唔係話生就生，千嬅一邊操fit身體準備個唱之餘，仲開始補身為生BB鋪路：「中醫話我陰虛陽弱，所以我阿媽同奶奶每日都煲冬蟲草、海龍海馬俾我補身。」嘩！咁落本日日飲，咁丁子高咪要起個孖先頂得住，我係講飲湯呀！


點解唔搵香檳做贊助啫？（設計對白）
記者會上，千嬅同其他演唱會贊助商上台祝酒，因為飲唔慣威士忌，千嬅忍唔住露出難受表情。


珠寶公司贊助千嬅個唱鑽飾，佢順勢叫人贊助埋婚禮，機不可失。


大會隆重其事，安排爆紙碎恭喜千嬅開騷，不過因為事前無話佢知，嚇到丁太嗌救命。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄