農曆七月就到！阿媽教落，睇到、聽到乜都咪亂講，但好多小朋友硬係唔記得！假如今晚返屋企，發覺明明無入 CD，但喇叭不停播歌？可能……係屋企人買咗 Arcam Solo Neo！呢部擴音機支援 Wi-Fi，就算無入碟亦可經 PC直播歌，日後聽到不明來歷音樂，唔好肴底喇！記者：陳國輝攝影：林栢鈞Model： Bambi@Jacso
其他副刊影片 試聽：選曲播放無 Delay
Arcam呢個牌子未必人人都識，佢祖家來自英國，級數接近 KEF，亦係幾專業嗰隻！旗下 Solo Neo雖然係一部擴音機，但與同類產品比較，分別就好大。平時啲 Amp一定要駁 CD、 DVD或者 Blu-ray Player先有聲，但 Solo Neo可以唔接駁任何播放器材，皆因佢內置 Wi-Fi傳輸技術，只要連接另一部有 Wi-Fi嘅電腦，然後將歌曲存放到 Windows Media Player 11嘅媒體櫃內，兩者即時同步，想聽歌、揀歌用番個 Arcam遙控器就搞掂，專用 Software都免裝，對初玩人士應該唔難上手。或者你會問，用 Wi-Fi咪好唔穩定？會唔會聽聽吓斷線，或出現 Delay嘅情況，影響晒成首歌質素？老實講，用 Wi-Fi上網真係無百分之百係穩定，但筆者試聽一陣，就從未發現過斷線現象，就連 Delay都無，感覺似聽 CD咁自然；當然，由於經 WMP 11播放，故僅支援幾類電腦格式，如 WAV、 MP3、 AAC、 WMA、 FLAC；加上個 Amp係採用兩聲道，純聽音樂就 OK，但用嚟煲碟甚至試槍聲或低頻爆炸音效，呢樣梗唔係佢嗰瓣。
放大圖片 
■機面有個細 Display，搜索到有 Wi-Fi就可隨時連接。
放大圖片 
■所有經無線播放嘅音樂，必須先放置到 WMP 11嘅「媒體櫃」。
支援數碼收音制式
玩完高清又到 3D，今年視頻技術不斷有發展，但呢邊廂亦唔執輸， Solo Neo另一賣點係內置數碼調頻功能（ DAB）。近期睇新聞，見鄭大班個數碼電台已準備面世，雖則好壞參半，有人話係收音機發展嘅新突破，亦有人覺得畀幾百至一千蚊買多部收音機，唔化算！其實， Solo Neo並非只着眼香港市場，英國本土已採用數碼廣播一段時間，好似 Arcam香港代理話齋，雖然家未用得着，但因為 DAB制式之下音色悅耳，甚至接近 CD質素，就算現時未 Hit得起，但相信未來，數碼調頻功能喺香港都一定走紅。
放大圖片 
放大圖片 
■有紅外線遙控，電腦內音樂直 㩒直播。
放大圖片 
■ CD唱盤位於機殼嘅中間位置。
放大圖片 
■鋁質外殼勁型，另可插耳筒聽歌，唔怕嘈親人。
放大圖片 
■機背裝多隻 Arcam rDoc，連 iPod也照玩無線播歌。
放大圖片 
$14,500
Profile
聲道： 2聲道擴音：後級、前級播放： CD、 WAV、 MP3、 AAC、 WMA、 FLAC廣播： DAB數碼/FM調頻端子：光纖、 USB、數碼同軸尺寸： 160× 40× 111mm重量： 7.475kgGP Acoustics（ 2422 2308） 
留言列表
